DCV – Tattvārtha

Tattvārtha 2022

SarvārthasiddhiSarvārthasiddhiTattvārthaTattvārthaBare text of Soni's 2022 editionA Sarit file republished within the Digital Corpus of Vidyānandin's Works (DCV) at www.dipal.org/dcv under a Creative Commons Attribution-NonCommercial-ShareAlike 4.0 International LicenseOctober 06, 2026Srīmadācāryapūjyapādaviracitā sarvārthasiddhiḥ. Ed. [with a Hindi translation, not included here] by Phūlcandra Śāstrī. Delhi: Bhāratīya Jñānapīṭha (fifth edition, 1991, pp. 1–375). File "pujyapada-sarvarthasiddhi.xml", downloaded at https://github.com/sarit/SARIT-corpus, September 30, 2026Plain text: dcv/Tattvārtha/TA-JS-tThis resource for the text of the Tattvārtha (TA) is published alongside other digital resources for the work. The resource at hand, TA-JS‑b, is a resource for the specific text of the edition by Soni (JS) in 2022. The resource renders the bare text (b) only. Trikha is grateful to Jayandra Soni for providing the resource and grateful to the Sarit team for providing a long term repository. EnglishSanskritPrakritSanskritŚāstraPhilosphyJainasamyagdarśanajñānacāritrāṇi mokṣamārgaḥ tattvārthaśraddhānaṃ samyagdarśanam tannisargād adhigamād vā jīvājīvāsravabandhasaṃvaranirjarāmokṣās tattvam nāmasthāpanādravyabhāvatas tannyāsaḥ pramāṇanayair adhigamaḥ nirdeśasvāmitvasādhanādhikaraṇasthitividhānataḥ satsaṃkhyākṣetrasparśanakālāntarabhāvālpabahutvaiś ca matiśrutāvadhimanaḥparyayakevalāni jñānam tatpramāṇe ādye parokṣam pratyakṣam anyat matiḥ smṛtiḥ saṃjñā cintābhinibodha ity anarthāntaram tadindriyānindriyamittam avagrahehāvāyadhāraṇā bahubahuvidhakṣiprāniḥsṛtānuktadhruvāṇāṃ setarāṇām arthasya vyañjanasyāvagrahaḥ na cakṣuranindriyābhyām śrutaṃ matipūrvaṃ dvyanekadvādaśabhedam bhavapratyayo 'vadhir devanārakāṇām kṣayopaśamanimittaḥ ṣaḍvikalpaḥ śeṣāṇām ṛjuvipulamatī manaḥparyayaḥ viśuddhyapratipātābhyāṃ tadviśeṣaḥ viśuddhikṣetrasvāmiviṣayebhyo 'vadhimanaḥparyayayoḥ matiśrutayor nibandho dravyesv asarvaparyāyeṣu rūpiṣv avadeḥ tadanantabhāge manaḥparyayasya sarvadravyaparyāyeṣu kevalasya ekādīni bhājyāni yugapad ekasminn ā caturbhyaḥ matiśrutāvadhayo viparyayaś ca sadasator aviśeṣād yadṛcchopalabdher unmattavat naigamasaṃgrahavyavahārarjusūtraśabdasamabhirūḍhaivaṃbhūtā nayāḥ aupaśamikakṣāyikau bhāvau miśraś ca jīvasya svatattvam audayikapāriṇāmikau ca dvinavāṣṭādaśaikaviṃśatitribhedā yathākramam samyaktvacāritre jñānadarśanadānalābhabhogopabhogavīryāṇi ca jñānājñānadarśanalabdhayaś catustritripañcabhedāḥ samyaktvacāritrasaṃyamāsaṃyamāś ca gatikaṣāyaliṅgamithyādarśanājñānāsaṃyatāsiddhaleśyāś catuścatustryekaikaikaikaṣaḍbhedāḥ jīvabhavyābhavyatvāni ca upayogo lakṣaṇam sa dvividho 'ṣṭacaturbhedaḥ saṃsāriṇo muktāś ca samanaskāmanaskāḥ saṃsāriṇas trasasthāvarāḥ pṛthivyaptejovāyuvanaspatayaḥ sthāvarāḥ dvīndriyādayas trasāḥ pañcendriyāṇi dvividhāni nirvṛttyupakaraṇo dravyendriyam labdhyupayogau bhāvendriyam sparśanarasanaghrāṇacakṣuḥśrotrāṇi sparśarasagandhavarṇaśabdās tadarthāḥ śrutam anindriyasya vanaspatyantānām ekam kṛimipipīlakābhramaramanuṣyādinām ekaikavṛddhāni saṃjñinaḥ samanaskāḥ vigrahagatau karmayogaḥ anuśreṇi gatiḥ avigrahā jīvasya vigrahavatī ca saṃsāriṇaḥ prāk caturbhyaḥ ekasamayā 'vigrahā ekaṃ dvau trīn vā 'nahārakaḥ saṃmūrcchanagarbhopapādā janma sacittaśītasaṃvṛtāh setarā miśrāś caikaśas tadyonaḥ jarāyujāṇḍajapotānāṃ garbhaḥ devanārakāṇām upapādaḥ śeṣāṇāṃ saṃmūrcchanam audārikavaikriyikāhārakataijasakārmaṇāni śarīrāṇi paraṃ paraṃ sūkṣmam pradeśato 'samkhyeyaguṇaṃ prāktaijasāt anantaguṇe pare apratīghate anādisaṃbandhe ca sarvasya tadādīni bhājyāni yugapad ekasyā caturbhyaḥ nirupabhogam antyam garbhasaṃmūrcchanajam ādyam aupapādikaṃ vaikriyikam labdhipratyayaṃ ca taijasam api śubhaṃ viśuddham avyāghāti cāhārakaṃ pramattasaṃyatasyaiva nārakasaṃmūrcchino napuṃsakāni na devāḥ śeṣās trivedāḥ aupapādikacaramottamadehāsaṃkhyeyavarṣāyuṣo 'napavartyāyuṣaḥ ratnaśarkarāvālukāpaṅkadhūmatamomahātamaḥprabhā bhūmayo ghanāmbuvātākāśaprathiṣṭhāḥ saptādho 'dhaḥ tāsu triṃśatpañcaviṃśatipañcadaśadaśatripañconaikanarakaśatasahasrāṇi paṃca caiva yathākramam nārakā nityāśubhataraleśyāpariṇāmadehavedanāvikriyāḥ parasparodīritaduḥkhāḥ saṃkliṣṭāsurodīritaduḥkhāś ca prāk caturthyāḥ teṣv ekatrisaptadaśasaptadaśadvāviṃśatitrayāstriṃśatsāgaropamā sattvānāṃ parā sthitiḥ jambūdvīpalavaṇodādayaḥ śubhanāmāno dvīpasamudrāḥ dvir dvir viskambhāḥ pūrvapūrvaparikṣepiṇo valayākṛtayaḥ tanmadhye merunābhir vṛtto yojanaśatasahasraviṣkambho jambūdvīpaḥ bharatahaimavataharivideharamyakahairaṇyavatairāvatavarṣāḥ kṣetraṇi tadvibhājinaḥ pūrvāparāyatā himavanmahāhimavanniṣadhanīlarukmiśikhariṇo varṣadharaparvatāḥ hemārjunatapanīyavaiḍūryarajatahemamayāḥ maṇivicitrapārśvā upari mūle ca tulyavistārāḥ padmamahāpadmatigiñchakesarimahāpuṇḍarīkapuṇḍarīkā hradās teṣām upari prathamo yojanasahasrāyāmas tadarddhaviṣkambho hradaḥ daśayojanāvagāhaḥ tanmadhye yojanaṃ puṣkaram taddviguṇadviguṇā hrdāḥ puṣkarāṇi ca tannivāsinyo devyaḥ śrīhrīdhṛtikīrtibuddhilakṣmyaḥ palyopamasthitayaḥ sasāmānikapariṣatkāḥ gaṅgāsindhurohidrohitāsyāhariddharikāntāsītāsītodānārīnarakāntāsuvarṇarūpyakūlāraktāraktodāḥ saritas tanmadhyagāḥ dvayor dvayoḥ pūrvāḥ pūrvagāḥ śeṣāstv aparagāḥ caturdaśanadīsahasraparivṛtā gaṅgāsindhvādayo nadyaḥ bharataḥ ṣaḍviṃśapañcayojanaśatavistāraḥ ṣaṭ caikonaviṃśatibhāgā yojanasya taddviguṇadviguṇavistārā varṣadharavarṣā videhāntāḥ uttarā dakṣiṇatulyāḥ bharatairāvatayor vṛddhihrāsau ṣaṭsamayābhyām utsarpiṇyavasarpiṇībhyām tābhyām aparā bhūmayo 'vasthitāḥ ekadvitripalopamasthitayo haimavatakahārivarṣakadaivakuravakāḥ tathottarāḥ videheṣu saṃkhyeyakālāḥ bharatasya viṣkambho jambūdvīpasya navatiśatabhāgaḥ dvir dhātakīkhaṇḍe puṣkarārddhe ca prāṅ mānuṣottarān manuṣyāḥ āryā mlecchāś ca bharatairāvatavidehāḥ karmabhūmayo 'nyatra devakurūttarakurubhyaḥ nṛsthitī parāvare tripalyopamāntarmuhūrte tiryagyonijānāṃ ca devāś caturṇikāyāḥ āditas triṣu pītāntaleśyāḥ daśāṣṭapaṃcadvādaśavikalpāḥ kalpopapannaparyantāḥ indrasāmānikatrāyastriṃśapāriṣadātmarakṣalokapālānīka prakīrṇakābhiyogyakilbiṣikāś caikaśaḥ trāyastriṃśalokapālavarjyā vyantarajyotiṣkāḥ pūrvayor dvīndrāḥ kāyapravīcārā ā aiśānāt śeṣāḥ sparśarūpaśabdamanaḥ pravīcārāḥ pare 'pravīcārāḥ bhavanavāsino 'suranāgavidyutsuparṇāgnivātastanitodadhidvīpadikkumārāḥ vyantarāḥ kiṃnarakiṃpuruṣamahoragagandharvayakṣarākṣasabhūtapiśācāḥ jyotiṣkāḥ sūryācandramasau grahanakṣatraprakīrṇakatārakāś ca merupradakṣiṇā nityagatayo nṛloke tatkṛtaḥ kālavibhāgaḥ bahir avasthitāḥ vaimānikāḥ kalpopapannāḥ kalpātītāś ca upary upari saudharmaiśānasānatkumāramāhendrabrahmabrahmottaralāntavakāpiṣṭhaśukramahāśukraśatārasahasrāreṣv ānataprāṇatayor āraṇācyutayor navasu graiveyakeṣu vijayavaijayantajayantāparājiteṣu sarvārthasiddhau ca sthitiprabhāvasukhadyutileśyāviśuddhīndriyāvadhiviṣayato 'dhikāḥ gatiśarīraparigrahābhimānato hīnāḥ pītapadmaśuklaleśyā dvitriśeṣeṣu prāggraiveyakebhyaḥ kalpāḥ brahmalokālayā laukāntikāḥ sārasvatādityavahnyaruṇagardatoyatuṣitāvyābādhāriṣṭāś ca vijayādiṣu dvicaramāḥ aupapādikamanuṣyebhyaḥ śeṣās tiryagyonayaḥ sthitir asuranāgasuparṇadvīpaśeṣāṇāṃ sāgaropamatripalyopmārddhahīnamitā saudharmaiśānayoḥ sāgaropame adhike sānatkumāramāhendrayoḥ sapta trisaptanavaikādaśatrayodaśapañcadaśabhir adhikāni tu āraṇācyutād ūrdhvam ekaikena navasu graiveyakeṣu vijayādiṣu sarvārthasiddhau ca aparā palyopamam adhikam parataḥ parataḥ pūrvāpūrvā 'nantarā nārakāṇāṃ ca dvitīyādiṣu daśavarṣasahasrāṇi prathamāyām bhavaneṣu ca vyantarāṇāṃ ca parā palyopamam adhikam jyotiṣkāṇāṃ ca tadaṣṭabhāgo 'parā laukāntikānām aṣṭau sāgaropamāṇi sarveṣām ajīvakāyā dharmādharmākāśapudgalāḥ dravyāṇi jīvāś ca nityāvasthitāny arūpāṇi rūpiṇaḥ pudgalāḥ ā ākāśād ekadravyāṇi niṣkriyāṇi ca asaṃkhyeyāḥ pradeśā dharmādharmaikajīvānām ākāśasyānantāḥ saṃkhyeyā 'saṃkhyeyāś ca pudgalānām nāṇoḥ lokākāśe 'vagāhaḥ dharmādharmayoḥ kṛtsne ekapradeśādiṣu bhājyaḥ pudgalānām asaṃkhyeyabhāgādiṣu jīvānām pradeśasaṃhāravisarpābhyāṃ pradīpavat gatisthityupagrahau dharmādharmayor upakāraḥ ākāśasyāvagāhaḥ śarīravāṅmanaḥprāṇāpānāh pudgalānām sukhadhuḥkhajīvitamaraṇopagrahāś ca parasparopagraho jīvānām vartanāpariṇāmakriyāḥ paratvāparatve ca kālasya sparśarasagandhavarṇavantaḥ pudgalāḥ śabdabandhasaukṣmyasthaulyasaṃsthānabhedatamaśchāyātapodyotavantaś ca aṇavaḥ skhandāś ca bhedasaṃghātebhya utpadyante bhedād aṇuḥ bhedasaṃghātābhyāṃ cākṣuṣaḥ sad dravyalakṣaṇam utpādavyayadhrauvyayuktaṃ sat tadbhāvāvyayaṃ nityam arpitānarpitasiddheḥ snigdharūkṣatvād bandhaḥ na jaghanyaguṇānām guṇasāmye sadṛśānām dvyadhikādiguṇānāṃ tu bandhe 'dhikau pariṇāmikau ca guṇaparyayavad dravyam kālaś ca so 'nantasamayaḥ dravyāśrayā nirguṇā guṇāḥ tadbhāvaḥ pariṇāmaḥ kāyavāṅmanaḥkarma yogaḥ sa āsravaḥ śubhaḥ puṇyasyāśubhaḥ pāpasya sakaṣāyākaṣāyayoḥ sāṃparāyikeryāpathayoḥ indriyakaṣāyāvratakriyāḥ pañcacatuḥpañcapañcaviṃśatisaṃkhyāḥ pūrvasya bhedāḥ tīvramandajñātājñātabhāvādhikaraṇavīryaviśeṣebhyas tadviśeṣaḥ adhikaraṇaṃ jīvājīvāḥ ādyaṃ saṃrambhasamārambhārambhayogakṛtakāritānumatakaṣāyaviśeṣais tris tris triś catuś caikaśaḥ nirvartanānikṣepasaṃyoganisargā dvicaturdvitribhedāḥ param tatpradoṣanihnavamātsaryāntarāyāsādanopaghātā jñānadarśanāvaraṇayoḥ duḥkhaśokatāpākrandanavadhaparidevanāny ātmaparobhayasthāny asadvedyasya bhūtavratyanukampādānasarāgasaṃyamādiyogaḥ kṣāntiḥ śaucam iti sadvedyasya kevaliśrutasaṃghadharmadevāvarṇavādo darśanamohasya kaṣāyodayāt tīvrapariṇāmaś cāritramohasya bahvārambhaparigrahatvaṃ nārakasyāyuṣaḥ māyā tairyagyonasya alpārambhaparigrahatvaṃ mānuṣasya svabhāvamārdavaṃ ca niśśīlavratatvaṃ ca sarveṣām sarāgasaṃyamasaṃyamāsaṃyamākāmanirjarābālatapāṃsi daivasya samyaktvam ca yogavakratā visaṃvādanaṃ cāśubhasya nāmnaḥ tadviparītaṃ śubhasya darśanaviśuddhir vinayasampannatā śīlavrateṣv anatīcāro 'bhīkṣṇajñānopayogasaṃvegau śaktitas tyāgatapasī sādhusamādhir vaiyāvṛttyakaraṇam arhadācāryabahuśrutapravacanabhaktir āvaśyakāparihāṇir mārgaprabhāvanā pravacanavatsalatvam iti tīrthakaratvasya parātmanindāpraśaṃse sadasatguṇocchādanodbhāvane ca nīcairgotrasya tadviparyayo nīcair vṛttyanutsekau cottarasya vighnakaraṇam antarāyasya hiṃsānṛtasteyābrahmaparigrahebhyo viratir vratam deśasarvato 'ṇumahatī tatsthairyārthaṃ bhāvanāḥ pañca pañca vāṅmanoguptīryādānanikṣepaṇasamityālokitapānabhojanāni pañca krodhalobhabhīrutvahāsyapratyākhyānāny anuvīcībhāṣaṇaṃ ca pañca śūnyāgāravimocitāvāsaparoparodhākaraṇabhaikṣaśuddhisadharmāvisaṃvādāḥ pañca strīrāgakathāśravaṇatanmanoharāṅganirīkṣaṇapūrvaratānusmaraṇavṛṣyeṣṭarasasvaśarīrasaṃskāratyāgāḥ pañca manojñāmanojñendriyaviṣayarāgadveṣavarjanāni pañca hiṃsādiṣv ihāmutrāpāyāvadyadarśanam duḥkham eva vā maitrīpramodakāruṇyamādhyasthyāni ca sattvaguṇādhikakliśyamānāvineyeṣu jagatkāyasvabhāvau vā saṃvegavairāgyārtham pramattayogāt prāṇavyaparopaṇaṃ hiṃsā asadabhidhānam anṛtam adattādānaṃ steyam maithunām abrahma mūrcchā parigrahaḥ niśśalyo vratī agāry anagāraś ca aṇuvrato 'gārī digdeśānarthadaṇḍaviratisāmāyikaproṣadhopavāsopabhogaparibhogaparimāṇātithisaṃvibhāgavratasaṃpannaś ca māraṇāntikīṃ sallekhanāṃ joṣitā śaṅkākāṅkṣāvicikitsā 'nyadṛṣṭipraśaṃsāsaṃstavāḥ samyagdṛṣṭer aticārāḥ vrataśīleṣu pañca pañca yathākramam bandhavadhacchedātibhārāropaṇānnapānanirodhāḥ mithyopadeśarahobhyākhyānakūṭalekhakriyānyāsāpahārasākāramantrabhedāḥ stenaprayogatadāhṛtādānaviruddharājyātikramahīnādhikamānonmānapratirūpakavyavahārāḥ paravivāhakaraṇetvarikāparigṛhītāparigṛhītāgamanānaṅgakṛīḍākāmatīvrābhiniveśāḥ kṣetravāstuhiraṇyasuvarṇadhanadhānyadāsīdāsakupyapramāṇātikramāḥ ūrdhvādhas tiryagvyatikramakṣetravṛddhismṛtyantarādhānāni ānayanapreṣyaprayogaśabdarūpānupātapudgalakṣepāḥ kandarpakautkucyamaukharyāsamīkṣyādhikaraṇopabhogaparibhogānarthakyāni yogaduṣpraṇidhānānādarasmṛtyanupasthānāni apratyavekṣitāpramārjitotsargādānasaṃstaropakramaṇānādarasmṛtyanupasthānāni sacittasaṃbandhasaṃmiśrābhiṣavaduṣpakvāhārāḥ sacittanikṣepāpidhānaparavyapadeśamātsaryakālātikramāḥ jīvitamaraṇāśaṃsāmitrānurāgasukhānubandhanidānāni anugrahārthaṃ svasyātisargo dānam vidhidravyadātṛpātraviśeṣāt tadviśeṣaḥ mithyādarśanāviratipramādakaṣāyayogā bandhahetavaḥ sakaṣāyatvāj jīvaḥ karmaṇo yogyān pudgalān ādatte sa bandhaḥ prakṛtisthityanubhavapradeśās tadvidhayaḥ ādyo jñānadarśanāvaraṇavedanīyamohanīyāyurnāmagotrāntarāyāḥ pañcanavadvyaṣṭāviṃśaticaturdvicatvāriṃśaddvipañcabhedā yathākramam matiśrutāvadhimanaḥparyayakevalānām cakṣuracakṣuravadhikevalānāṃ nidrānidrānidrāpracalāpracalāpracalāstyānagṛddhayaś ca sadasadvedye darśanacāritramohanīyākaṣāyakaṣāyavedanīyākhyās tridvinavaṣoḍaśabhedāh samyaktvamithyātvatadubhayānyakaṣāyakaṣāyau hāsyaratyaratiśokabhayajugupsāstrīpunnapuṃsakavedā anantānubandhyapratyākhyānapratyākhyānasaṃjvalanavikalpāścaikaśaḥ krodhamānamāyālobhāḥ nārakatairyagyonamānuṣadaivāni gatijātiśarīrāṅgopāṅganirmāṇabaṃdhanasaṃghātasaṃsthānasaṃhananasparśarasagaṃdhavarṇānupūrvyāgurulaghūpaghātaparaghātātapodyotocchvāsavihāyogatayaḥ pratyekaśarīratrasasubhagasusvaraśubhasūkṣmaparyāptisthirādeyayaśaḥkīrtisetarāṇi tīrthakaratvaṃ ca uccairnīcaiś ca dānalābhabhogopabhogavīryāṇām āditas tisṛṇām antarāyasya ca triṃśatsāgaropamakoṭīkoṭyaḥ parā sthitiḥ saptatir mohanīyasya viṃśatir nāmagotrayoḥ trayastriṃśatsāgaropamāṇy āyuṣaḥ aparā dvādaśa muhūrtā vedanīyasya nāmagotrayor aṣṭau śeṣāṇām antarmuhūrtā vipāko 'nubhavaḥ sa yathānāma tataś ca nirjarā nāmapratyayāḥ sarvato yogaviśeṣāt sūkṣmaikakṣetrāvagāhasthitāḥ sarvātmapradeśeṣv anantānantapradeśāḥ sadvedyaśubhāyurnāmagotrāṇi puṇyam ato 'nyat pāpam āsravanirodhaḥ saṃvaraḥ sa guptisamitidharmānuprekṣāpariṣahajayacāritraiḥ tapasā nirjarā ca samyagyoganigraho guptiḥ īryābhāṣaiṣaṇādānanikṣepotsargāḥ samitayaḥ uttamakṣamāmārdavārjavasaucasatyasaṃyamatapastyāgākiṃcanyabrahmacaryāṇi dharmaḥ anityāśaraṇasaṃsāraikatvānyatvāśucyāsravasaṃvaranirjarālokabodhidurlabhadharmasvākhyātatvānucintanam anuprekṣāḥ mārgācyavananirjarārthaṃ pariṣahoḍhavyāḥ parīṣahāḥ kṣutpipāsāśītoṣṇadaṃśamaśakanāgnyāratistrīcaryāniṣadyāśayyākrośavadhayācanālābharogatṛṇasparśamalasatkārapuraskāraprajñājñānādarśanāni sūkṣmasāṃparāyachadmasthavītarāgayoś caturdaśa ekādaśa jine bādarasāṃparāye sarve jñānāvaraṇe prajñājñāne darśanamohāntarāyayor adarśanālābhau cāritramohe nāgnyāratistrīniṣadyākrośayācanāsatkārapuraskārāḥ vedanīye śeṣāḥ ekādayo bhājyā yugapad ekasminn aikonaviṃśateḥ sāmāyikacchedopasthāpanāparihāraviśuddhisūkṣmasāmparāyayathākhyātam iti cāritram anaśanāvamaudaryavṛttiparisaṃkhyānarasaparityāgaviviktaśayyāsanakāyakleśā bāhyaṃ tapaḥ prāyaścittavinayavaiyāvṛttyasvādhyāyavyutsargadhyānāny uttaram navacaturdaśapañcadvibhedā yathākramaṃ prāgdhyānāt ālocanapratikramaṇatadubhayavivekavyutsargatapaśchedaparihāropasthāpanāḥ jñānadarśanacāritropacārāḥ ācāryopādhyāyatapasviśaikṣaglānagaṇakulasaṃghasādhumanojñānām vācanāpracchanānuprekṣāmnāyadharmopadeśāḥ bāhyābhyantaropadhyoḥ uttamasaṃhananasyaikāgracintānirodho dhyānam āntarmuhūrtāt ārttaraudradharmyaśuklāni pare mokṣahetū ārtam amanojñasya saṃprayoge tadviprayogāya smṛtisamanvāhāraḥ viparitaṃ manojñasya vedanāyāś ca nidānaṃ ca tadaviratadeśaviratapramattasaṃyatānām hiṃsānṛtasteyaviṣayasaṃrakṣaṇebhyo raudram aviratadeśaviratayoḥ ājñāpāyavipākasaṃsthānavicayāya dharmyam śukle cādye pūrvavidaḥ pare kevalinaḥ pṛthaktvaikatvavitarkasūkṣmakriyāpratipātivyuparatakriyānivartīni tryekayogakāyayogāyogānām ekāśraye savitarkavīcāre pūrve avīcāraṃ dvitīyam vitarkaḥ śrutam vīcāro 'rthavyaṃjanayogasaṃkrāntiḥ samyagdṛṣṭiśrāvakaviratānantaviyojakadarśanamohakṣapakopaśamakopaśāntamohakṣapakakṣīṇamohajināḥ kramaśo 'saṃkhyeyaguṇanirjarāḥ pulākabakuśakuśīlanirgranthasnātakā nirgranthāḥ saṃyamaśrutapratisevanātīrthaliṃgaleśyopapādasthānavikalpataḥ sādhyāḥ mohakṣayāj jñānadarśanāvaraṇāntarāyakṣayāc ca kevalam bandhahetvabhāvanirjarābhyāṃ kṛtsnakarmavipramokṣo mokṣaḥ aupaśamikādibhavyatvānāṃ ca anyatra kevalasamyaktvajñānadarśanasiddhatvebhyaḥ tadanantaram ūrdhvaṃ gacchatyā lokāntāt pūrvayogād asaṅgatvād bandhacchedāt tathāgatipariṇāmāc ca āviddhakulālacakravadvyapagatalepālābuvaderaṇḍabījavadagniśikhāvac ca dharmāstikāyābhāvād kṣetrakālagatiliṅgatīrthacāritrapratyekabudddhabodhitajñānāvagāhanāntarasaṃkyālpabahutvataḥ sādhyāḥ