DCV – Pramāṇaparīkṣā

Pramāṇaparīkṣā 1914

+ Identification

+ Original line breaks

− References to notes

Vidyānandin's PramāṇaparīkṣāDigital representation of Gajādharalāl Jaina's 1914 editionCreation of the digital textresourceH. TrikhaPublished within the Digital Corpus of Vidyānandin's Works at www.dipal.org/dcv under a Creative Commons Attribution-NonCommercial-ShareAlike 4.0 International LicenseOctober 30, 2021Print edition: Samantabhadra-viracitā ... Āptamīmāṃsā Vidyānandasvāmi-viracitā Pramāṇaparīkṣā ca. Gajādharalālajaina-sampādite. (Sanātanajainagranthamālā 9-10). Kāśī 1914. Digital text resource: dcv/text/resources/PrP, February 21, 2022The file at hand, "PrP-GL-b", is a transformation of the file "PrP", an TEI P5 ODD-resource for 1) the digitized print edition and for 2) a digital edition of the work. "PrP-GL-b" contains the digitized print edition. The file is thus a resource for the specific text attested in the print edition and for the preservation of its specific editorial features, i.e., page and line breaks, footnotes, as well as the rendering of text in the center and in bold script, etc. Main steps in the preparation: Diplomatic capture of Gajādharalāl 1914 edition by H. Trikha, May 2012. Transliteration with Lasic' programme „dev2trans“ September 2012.Creation of the xml resource, September 2017. Application of the conventions of the Text Encoding Initiative, March 2020. Integration into DCV, February 2022Meaningful transformations: PrP-GL-p: Digitized print editionPrP-HT-d: Digital edition Excluded in attestation GL: resp=HT, type=HT Excluded in attestation HT: resp=GL, type=GL, pb, lb Excluded in transformation plain-text and skipped in text searches: type=note-block-page-foottype=note-block-containertype=inlinerefsanātanajainagraṃthamālā syādvādapatiśrīvidyānaṃdasvāmiviracitā pramāṇaparīkṣā jayaṃti nirjitāśeṣasarvathaikāṃtanītayaḥ satyavākyādhipāḥ śaśvadvidyānaṃdā jineśvarāḥ atha pramāṇaparīkṣā tatra pramāṇalakṣaṇaṃ parīkṣyate samyagjñānaṃ pramāṇaṃ pramāṇatvānyathānupapatteḥ sannikarṣādirajñānamapi pramāṇaṃ svārthapramitau sādhakatamatvāt iti nāśaṃkanīyaṃ tasya svapramitau sādhakatamatvāsaṃbhāvāt na hyacetano'rthaḥ svapramitau karaṇaṃ paṭādivat so'rthapramitau karaṇamityapyanālocitavacanaṃ naiyāyikānāṃ svapramitāvasādhakatamasyārthapramitau sādhakatamatvānupapatteḥ tathāhi na sannikarṣādirarthapramitau sādhakatamaḥ svapramitāvasādhakatamatvātpaṭavat pradīpādibhirvyabhicāraḥ sādhanasya iti na maṃtavyaṃ teṣāmarthaparicchittāvakaraṇatvāt tatra nayanamanasoreva karaṇatayā svayamabhimatatvāt pradīpādīnāṃ tatsahakāritayopacārataḥ karaṇavyavahārānusaraṇāt na copacārato'rthaprakāśana eva pradīpādiḥ karaṇaṃ na punaḥ svaprakāśana iti manyamāno nirmalamanā manīṣibhiḥ anumanyate nayānādeḥarthasaṃvedanamiva pradīpādisaṃvedanamapyupajanayataḥ pradīpādīnāṃ sahakāritvāviśeṣāt teṣāmarthaprakāśanavat svaprakāśane'pi karaṇatopacāravyavasthiteḥ nayanādināanekāṃta ityapi na mananīyaṃ tasyāpyupakaraṇarūpasyācetanasvabhāvasyārthapratipattau karaṇatopacārāt paramārthato bhāveṃdriyasyaivaarthagrahaṇaśaktilakṣaṇasya sādhakatamatayā karaṇatādhyavasanāt na caitadasiddhaṃ viśuddhadhiṣaṇajanamanasi yuktiyuktatayā parivartamānatvāt tathāhi yadasannidhāne kārakāṃtarasannidhāne'pi yannopapadyate tat tatkaraṇakaṃ yathā kuṭhārāsannidhāne kāṣṭachedanamanutpadyamānaṃ kuṭhārakaraṇakaṃ notpadyate ca bhāveṃdriyāsamavadhāne'rthasaṃvedanamupakaraṇasadbhāve'pi iti tadbhāveṃdriyakaraṇakaṃ bahiḥkaraṇasannikarṣādhīnatāyāṃ hi padārthasaṃvedanasya nayanasannikarṣāt kalaśa iva nabhasi nāyanasaṃvedanodayaḥ kuto na bhavet na hi nayananabhasoranyatarakarmajaḥ saṃyogo na vidyate eveti vaktuṃ yuktaṃ sakalamūrtimaddravyasaṃyogānnabhasi sarvagatatvasādhanavirodhāt na ca nayanamamūrtimadeva tasya parairbhautikatayopagatatvāt paudgalikatayāsmābhirupakaraṇasyābhimatatvāt nanu nabhasi nayanasannikarṣasya yogyatāvirahānna saṃvedananimittatā ityapi na sādhīyaḥ tadyogyatāyā eva sādhakatamatvānuṣaṃgāt kā ceyaṃ sannikarṣasya yogyatā nāma viśiṣṭā śaktiriti cet sā tarhi sahakārisannidhilakṣaṇā anumaṃtavyā sahakārisāṃnidhyaṃ śaktiḥ ityuddyotakaravacanāt sahakārikāraṇaṃ ca dravyaṃ guṇaḥ karmādi vā syāt na tāvadātmadravyaṃ sahakāri tatsannidhānasya nayananabhaḥsannikarṣe'pi samānatvāt etena kāladravyaṃ digdravyaṃ ca sahakāri nirākṛtaṃ tatsānnidhyasyāpi sarvasādharaṇatvāt manodravyaṃ sahakāri ityapi na saṃgataṃ tatsannidherapi samānatvāt kadācittadgatamanasaḥ puruṣasyākṣārthasannikarṣasya saṃbhavāt etena ātmā manasā yujyate mana iṃdriyeṇa iṃdriyamartheneti catuṣṭayasannikarṣo'rthapramitau sādhakatama iti sāmigrīṃpramāṇavādo dūṣitaḥ tatsāmigryāśca nabhasi sadbhāvāt kālādinimittakāraṇasāmigrīvat yadi punastejodravyaṃ sahakāri tatsannidhānāt cākṣuṣādijñānaprabhavāditi mataṃ tadāpi na viśeṣaḥ ghaṭādāviva gagane'pi locanasannikarṣasyālokasannidhiprasiddheḥ saṃvedanānuṣaṃgasya durnivāratvāt athādṛṣṭaviśeṣo guṇaḥ sahakārī tatsānnidhyaṃ saṃyuktasamavāyena cakṣuṣā saṃyukte puruṣe tvadṛṣṭaviśeṣasya samavāyāt iti manyadhvaṃ tarhi kadācinnabhasi nāyanaṃsavedanodayaḥ kuto na bhavet sarvadā sarvasya tatrādṛṣṭaviśeṣasya sahakāriṇo'sannidhānāt iti cet kathamevamīśvarasya nabhasi cakṣuṣā jñānaṃ śrotrādibhiriva ghaṭate samādhiviśeṣopajanitadharmaviśeṣānugṛhītena manasā gaganādyaśeṣapadārthasaṃvedanodaye tu maheśvarasya bahiḥkaraṇamanarthakatāmiyāt phalāsaṃbhavāt bahiḥkaraṇarahitasya ca nāṃtaḥkaraṇamupapadyeta paranirvṛttātmavat tataḥ kathamaṃtaḥkaraṇena dharmādigrahaṇaṃ manaso'saṃbhave ca na samādhiviśeṣastadupajanitadharmaviśeṣo vā ghaṭāmaṭāṭyate tasyātmāṃtaḥkaraṇasaṃyoganibaṃdhanāt syānmataṃ śiśiraraśmiśekharasya samādhiviśeṣasaṃtatirdharmaviśeṣasaṃtatiśca sarvārthajñānasaṃtatiheturanādyaparyavasānā satatamenomalairaspṛṣṭatvāt tasya saṃsārisādi muktivilakṣaṇatvāt sarvathā muktatayaiva prasiddhatvāt iti tadapyasamīcīnaṃ evamīśvarasyāpi enomalavilayāderevārthasaṃvedanodbhavaprasakteḥ satatamenomalābhāvo hi yathā satatamarthajñānasaṃtānahetururarīkriyate tathā kādacitkainomalābhāvaḥ kadācidarthapramitinimittayuktamutpaśyāmaḥ tasyaiva sannikarṣasahakāritopapatteḥ tatsānnidhyasyaiva ca sannikarṣaśaktirūpatvasiddheḥ tadbhāvādeva ca nayanasannikarṣe'pi nabhasi saṃvedanānutpattighaṭanāt tatra viśiṣṭadharmo'pi na pāpamalāpāyādaparaḥ pratipadyate bhāvāṃtarasvabhāvatvādabhāvasya niḥsvabhāvasya sakalapramāṇagocarātikrāṃtatvena vyavasthāpayitumaśakyatvāt iti puruṣaguṇaviśeṣasadbhāva eva pāpamalābhāvo vibhāvyate sa cātmaviśuddhiviśeśo jñānāvaraṇavīryāṃtarāyakṣayopaśamabhedaḥ svārthapramitau śaktiryogyateti ca syādvādavedibhirabhidhīyate pramāturupalabdhilakṣaṇaprāptatāpi nātorthāṃtarabhāvamanubhavati puṃsaḥ saṃvedanāvaraṇavīryāṃtarāyalakṣaṇapāpamalāpagamavirahe kvacidupalabdhilakṣaṇaprāptatānupalabdheḥ nayanonmīlanādikarmaṇo dṛśyādṛśyayoḥ sādhāraṇatvāt pradyotādikaraṇasākalyavat etena nayanonmīlanādikarmasānnikarṣasahakāriviṣayagataṃ copalabhyatvasāmānyamiti pratyākhyātaṃ tatsannidhāne satyapi kvacitkasyacit pramityanupapatteḥ kālākāśādivat na hi tatropalabhyatvasāmānyamasaṃbhāvyaṃ yogino'pyanupalabdhiprasaṃgāt asmādṛśāpekṣayopalabhyatvasāmānyamanyadeva yogīśvarāpekṣādupalabhyatāsāmānyāditicet tatkimanyat anyatra yogyatāviśeṣāt pratipuruṣaṃ bhedamāstighnuvānāditi sa eva pramātuḥ pramityutāviśeṣaḥ svārthagrahaṇaśaktiḥ ātmano bhāvakaraṇaṃ jñānameva phalarūpatvāt svārthajñānātkathaṃcidabhinnatvāt sarvathāpi tato bhede nātmasvabhāvatvopatteḥ na caivamupagaṃtuṃ yuktaṃ ātmana evobhayanimittavaśāttathāpariṇāmāt ātmano hi jānātyaneneti karaṇasādhanāt bhedopavarṇanaṃ kathaṃ cidabhinnakartṛkasya karaṇasya prasiddheḥ agnirauṣṇyena dahatīṃdhanamiti yathā svātaṃtryavivakṣāyāṃ tu jānātīti jñānamātmaiva kartṛsādhanatvāttadātmajñānayorabhedaprādhānyāt ātmana eva svārthagrahaṇapariṇāmamāpannasya jñānavyapadeśasiddheḥ auṣṇyapariṇāmamāpannasyāgnerauṣṇyavyapadeśavat tena jñānātmā jñānātmanā jñeyaṃ jānāti iti vyavahārasya pratītisiddhatvāt yathā ca jñānātmaiva pramātā syāt ajñānātmanaḥ khādeḥ pramātṛtvāyogāt tathā jñānātmaiva pramāṇaṃ svārthapramitau jñānakriyātmikāyāṃ karaṇātvāt ajñānātmanastatra sādhakatamatvāghaṭanānnājñāne pramāṇaṃ anyatropacārataḥ tatonājñānena iṃdriyasannikarṣaliṃgaśabdādinā sādhanasya vyabhicāraḥ nāpi vyatirekāsiddhiḥ samyagjñānatvasya sādhyasya nivṛttau pramāṇatvasya sādhanasya paṭādau vinivṛttiviniścayāt kevalavyatirekiṇo'pi sādhanasya samarthanāt tataḥ sūktaṃ samyagjñānameva pramāṇamajñānasya pramāṇatvāyogānmithyājñānavaditi kiṃ punaḥ samyagjñānaṃ abhidhīyatesvārthavyavasāyātmakaṃ samyagjñānaṃ samyagjñānatvāt yattu na svārthavyavasāyātmakaṃ tanna samyagjñānaṃ yathā saṃśayaviparyāsānadhyavasāyāḥ samyagjñānaṃ ca vivādāpannaṃ tasmātsvārthavyavasāyātmakamiti suniścitānyathānupapattiniyamaniścayalakṣaṇo hetuḥ prasiddha eva samyagavabodhādīnāṃ sādhyadharmiṇi sadbhāvāt svasaṃvedaneṃdriyamanoyogipratyakṣaiḥ samyagjñānaiḥavyavasāyātmakairvyabhicārī hetuḥ iti svamanorathamātraṃ saugatasya teṣāṃ samyagjñānatvavirodhāt samyagjñānatvaṃ hyavisaṃvādakatvena vyāptaṃ tadabhāve tadasaṃbhavāt tadapi pravartakatvena vyāptaṃ tadabhāve tadasaṃbhavāt tadapyarthaprāpakatvena arthaprāpakasyāvisaṃvaditvāt nirviṣayajñānavat tadapi pravartakatvena vyāptaṃ apravartakasyārthāpratyāyakatvāt tadvat pravartakatvamapi viśvaviṣayopadarśakatvena vyāptaṃ svaviṣayamupadarśayataḥ pravartakavyavahāraviṣayatvasiddheḥ na hi puruṣaṃ haste gṛhītvā jñānaṃ pravartayati svaviṣayaṃ rūpaṃ darśayat pravartakamucyate arthaprāpakaṃ ca ityavisaṃvādakaṃ samyagvedakaṃ pramāṇaṃ tadviparītasya mithyājñānatvaprasiddheḥ saṃśayavaditi dharmottaramataṃ tatrāvyavasāyātmakasya caturvidhasyāpi samakṣasya samyagvedanatvaṃ na vyavatiṣṭhate tasya svaviṣayopadarśakatvā'siddheḥ tatsiddhau vā nīlādāviva kṣaṇakṣayādāvapi tadupadarśakatvaprasakteḥ tato yadavyavasāyātmakaṃ jñānaṃ na tatsvaviṣayopadarśakaṃ yathā gacchataḥ tṛṇasparśasaṃvedanaṃ adhyavasāyi prasiddhamavyavasāyātmakaṃ ca saugatābhimatadarśanamiti vyāpakānupalabdhiḥ siddhā vyavasāyātmakasya vyāpakasyābhāve tadvyāpyatvasya svaviṣayopadarśakatvasyānanubhavāt syādākutaṃ tena vyavasāyātmakatvena svaviṣayopadarśakatvasya vyāptiḥ siddhimadhivasati tasya vyavasāyajanakatvena vyāptatvāt nīladhavalādau vyavasāyajananāddarśanasya tadupadarśakatvavyavasthiteḥ kṣaṇakṣayasvargaprāpaṇaśaktyādau vyavasāyājanakatvāt tadanupadarśakatvavyavasthānāt gacchattṛṇasparśasaṃvedanasyāpi tata eva svaviṣayopadarśakatvābhāvasiddheḥ mithyājñānatvavyavahārāt anyathānadhyavasāyitvāghaṭanāt iti tadetadavicāritaramaṇīyaṃ tāthāgatasya vyavasāyo hi darśajanyaḥ sa kiṃ darśanaviṣayasyopadarśako'nupadarśako vā iti vicāryate yadyupadarśakastadā sa eva tatra pravartakaḥ prāpakaśca syāt saṃvādakatvāt samyaksaṃvedanavat na tu tannimittaṃ darśanaṃ sannikarṣādivat athānupadarśakaḥ kathaṃ darśanaṃ tajjananāt svaviṣayopadarśakaṃ atiprasaṃgāt saṃśayaviparyāsakāraṇasyāpi svaviṣayopadarśakatvāpatteḥ darśanaviṣayasāmānyādhyavasāyitvādvikalpatajjanakaṃ darśanaṃ svaviṣayopadarśakamiti ca na cetasi sthāpanīyaṃ darśanaviṣayasāmānyasyānyāpohalakṣaṇasyāvastutvāt tadviṣayavyavasāyajanakasya vastūpadarśakatvavirodhāt dṛśyasāmānyayorekatvādhyavasāyādvastūpadarśaka eva vyavasāya ityapi mithyā tayorekatvādhyavasāyāsaṃbhavāt tadekatvaṃ hi darśanamadhyavasyati tatpṛṣṭhajovyavasāyo vā jñānāṃtaraṃ vā na tāvaddarśanaṃ tasya vikalpāviṣayatvāt nāpi tatpṛṣṭhajo vyavasāyaḥ tasya dṛśyāgocaratvāt tadubhayaviṣayaṃ jñānāṃtaraṃ tu nirvikalpakaṃ vikalpātmakaṃ vā na tāvannirvikalpakaṃ tasya dṛśya vikalpyadvayaviṣayatvavirodhāt nāpi vikalpātmakaṃ tata eva naca tad dvayāviṣayaṃ saṃvedanaṃ tadubhayaikatvamadhyavasātuṃ samarthaṃ tathāhi yadyanna viṣayī kurute na tattadekatvamadhyavasyati yathā rasasaṃvedanaṃ sparśarūpobhayaṃ na viṣayī kurute ca dṛśyavikalpyobhayaṃ kiṃcitsaṃvedanaṃ iti na kutaściddṛśyavikalpyayorekatvādhyavasāyaḥ siddhyet tato na vyavasāyo vastūpadarśakaḥ syāt nāpi tadupajananāddarśanaṃ svaviṣayavastūpadarśakaṃ yogipratyakṣasya vidhūtakalpanājālasya sarvadā vastuvikalpājanakatvāt tadupadarśakatvavirodhāt svasaṃvedanamapi na tasya svarūpopa darśakaṃ tadvikalpānutpādakatvāt iti kutaḥ svarūpasya svato gatiravatiṣṭheta kiṃ ca darśanapṛṣṭhabhāvino vikalpasya svasaṃvedanavalātsiddhau tatsvasaṃvedanaṃ kutaḥ pramāṇaṃ syāt tadyadi svarūpopadarśanādeva pramāṇamāsthīyate tadā svargaprāpaṇaśaktyādāvapi pramāṇatāmāskaṃdet tat svasaṃvidākāra eva pramāṇaṃ tadvyavasāya jananātna punaranyatreti parikalpanāyāṃ tadvyavasāyasvasaṃvedanasyāpi vyavasāyāṃtaropajananāt svarūpopadarśanena bhavitavyamityanavasthānāt nādyavyavasāyasvasaṃvedanasya prāmāṇyaṃ tadaprāmāṇye ca na tata eva vyavasāyasiddhiḥ tadasiddhau ca na tajjananāddarśanasya svaviṣayopadarśakatvaṃ tadabhāve ca na tasya pravartakatvaṃ apravartakasya nārthaprāptinimittatvaṃ tadasaṃbhave ca nāvisaṃvādakatvaṃ tadvirahe ca na samyagjñānatvaṃ svasaṃvedaneṃdriyamano yogijñānānāmiti na tairvyabhicāraḥ sādhanasya saṃbhavati syānmataṃ arthasāmarthyādutpattiarthasārūpyaṃ ca darśanasya svaviṣayopadarśakatvaṃ tacca sakalasamakṣavedanānāmavyavasāyātmakatve'pi saṃbhavatpravartakatvamarthaprāpakatvamavisaṃvādakatvaṃ samyagjñānalakṣaṇamiti taiḥ samīcīnairjñānairvyabhicāra eva hetoriti tadapi durghaṭameva kṣaṇakṣayādāvapi tadupadeśakatvaprasaṃgāt tatrākṣaṇikatvādisamāropānupraveśādayoginaḥ pratipatturnopadeśakatvamavatiṣṭhate yoginastu samāropāsaṃbhavāt kṣaṇakṣayādāvapi darśanaṃ tadupadeśakameveti samādhānamapi na dhīmaddhṛtikaraṃ nīlādāvapyayoginastadviparītasamāropaprasakteḥ kathamanyathā viruddhadharmādhyāsāttaddarśanabhedo na bhāvet na hi abhinnamekadarśanaṃ kvacitsamāropākrāṃtaṃ kvacinneti vaktuṃ yuktaṃ tato yadyatra viparītasamāropaviruddhaṃ tattatra niścāyātmakaṃ yathānumeye'rthe'numānajñānaṃ viparītasamāropaviruddhaṃ ca nīlādau darśanamiti vyavasāyātmakameva buddhyāmahe niścayahetutvāddarśanaṃ nīlādau viparītasamāropaviruddhaṃ na punarniścayātmakatvāt tato'nyathānupapattiḥ sādhanasyāniściteti māmaṃsthāḥ yogipratyakṣe'sya viparītasamāropasya prasaṃgāt tena tasyāvirodhāt pareṣāṃ tu tasyāpi niścayātmakatvāttena virodhaḥ siddha eva tathā niścayahetunā darśanena viruddhaṃ pratipādayataḥ svamatavirodhaḥ syāt niścayāropamanasorbādhyabādhakabhāva iti dharmakīrterabhimatatvāt darśanāropayorvirodhābhāvasiddheḥ nanu cārthadarśanasya niścayātmakatve sādhye pratyakṣavirodhaḥ saṃhṛtasakalavikalpadaśāyāṃ rūpādidarśanasyāniścayātmakasyānubhavāt taduktaṃ saṃhṛtya sarvataściṃtāṃ stimitenāṃtarātmanā sthito'pi cakṣuṣā rūpamīkṣate sākṣajā matiḥ iti tathānumānavirodho'pi vyucchittaciṃtāvasthāyāṃiṃdriyādarthagatau kalpanānupalabdheḥ tatra kalpanāsadbhāve punastatsmṛtiprasaṃgaḥ tadā vikalpitakalpanāvat tadapyuktaṃ punarvikalpayan kiṃcidāsīnme kalpanedṛśī iti vetti na pūrvoktāvasthāyāmiṃdriyādgatau iti tadetadapi dharmakīrteraparīkṣitābhidhānaṃ pratyakṣato nirvikalpadarśanāprasiddhatvāt saṃhṛtasakalavikalpāvasthā hyaśvaṃ vikalpayato godarśanāvasthā na ca tadā godarśanamavyavasāyātmakaṃ punaḥ smaraṇābhāvaprasaṃgāt tasya saṃskārakāraṇatvavirodhāt kṣaṇikatvādivat vyavasāyātmana eva darśanāt saṃskārasya smaraṇasya ca saṃbhavāt anyatastadanupapatteḥ daduktaṃ vyavasāyātmano dṛṣṭeḥ saṃskāraḥ smṛtireva vā dṛṣṭe dṛṣṭasajātīye nānyathā kṣaṇikādivat atha mataṃ abhyāsaprakaraṇabuddhipāṭavārthitvebhyo nirvikalpakādapi darśanānnīlādau saṃskāraḥ smaraṇaṃ cotpadyate na punaḥ kṣaṇikādau tadabhāvāt vyavasāyātmano'pi pratyakṣāttata eva saṃskārasmaraṇopapatteḥ teṣāmabhāve niścite 'pi vastuni niyamena saṃskārāderabhāvāt teṣāṃ vyavasāyātmakasamakṣavādino'pi niyamato bhyupagamanīyatvāt iti tadapi phalguprāyaṃ bhūyodarśanalakṣaṇasyābhyāsasya kṣaṇakṣayādau sutarāṃ sadbhāvāt punapunarvikalpotpādarūpasya cābhyāsasya paraṃ pratyasiddhatvāt tatraiva vivadāt kṣaṇikākṣaṇikavicāraṇāyāṃ kṣaṇikaprakaraṇasyāpi bhāvāt buddhipāṭavaṃ tu nīlādau kṣaṇakṣayādau ca samānaṃ taddarśanasyānaṃśatvāt tatra pāṭavāpāṭavayorbhede tadbuddherapi bhedāpatteḥ viruddhadharmādhyāsāt tathāvidhatadvāsanākhyakarmavaśādbuddheḥ paṭavāpāṭave syātāṃ ityapyanenāpāstaṃ tatkarmasadbhāvayorapi viruddhadharmayoranaṃśabuddhāvekasyāmasaṃbhavāt yatpunararthitvaṃ jijñāsitatvaṃ tatkṣaṇikavādinaḥ kṣaṇikatve'styeva nīlādivat yatpunarabhilaṣitṛtvamarthitvaṃ tanna vyavasāyajanananibaṃdhanaṃ kvacidanabhilaṣite'pi vastuni kasya cidudāsīnasya smaraṇapratīteḥ iti nābhyāsādibhyaḥ kvacideva saṃskārajananaṃ anaṃśajñānajñeyavādino ghaṭate parasya tu bahiraṃtaranekātmakatattvavādino na kiṃcidanupapannaṃ sarvathaikatra vyavasāyāvyavasāyayoḥ avāyānavāyākhyayoḥ saṃskārāsaṃskārayoḥ dhāraṇetarābhidhānayoḥ smaraṇāsmaraṇayoścānabhyupagamāt tadbhedātkathaṃcidbodhabodhyayorbhedaprasiddheḥ saugatasyāpi vyāvṛttibhedādbhedopagamādadoṣoyaṃ tathāhinīlatvamanīlatvavyāvṛttiḥ kṣāṇikatvamakṣaṇikatvavyāvṛttirucyate tatrānīlavyāvṛttau nīlavyavasāyastadvāsanāprabodhādutpanno na punarakṣaṇikavyāvṛttau kṣaṇikavyavasāyastatra tadvāsanāprabodhābhāvāt na cānayorvyāvṛttyorabhedaḥ saṃbhavati vyāvartyamānayorabhedaprasaṃgāt na ca tadbhedādvastuno bhedaḥ tasya niraṃśatvāt anyathā anavasthāprasaṃgāt iti pare manyaṃte tepi na satyavādinaḥ svabhāvabhedābhābave vastuno vyāvṛttibhedāsaṃbhavāt nīlasvalakṣaṇaṃ hi yena svabhāvenānīlādvyāvṛttaṃ tainaiva yadyakṣaṇikādvyāvarteta tadā nīlākṣaṇikayorekatvāpattestadvyāvṛttyorekatvaprasaṃgaḥ svabhāvāṃtareṇa tattato vyāvṛttamiti vacane tu siddhaḥ svalakṣasya svabhāvabhedaḥ kathaṃ nirākriyate yadi punaḥ svabhāvabhedo'pi vastuno tatsvabhāvavyāvṛttyā kalpita eveti mataṃ tadā parikalpitasvabhāvāṃtarakalpanāyāmanavasthānuṣajyeta tathāhianīlasvabhāvānyavyāvṛttirapi svabhāvāṃtareṇa anyavyāvṛttirūpeṇa vaktavyā sāpi tadanyavyāvṛttisvabhāvāṃtareṇa tathāvidheneti na kvacid vyavatiṣṭhate kaścidāha tata eva sakalavikalpavāggocarātītaṃ vastu vikalpaśabdānāṃ viṣayasyānyavyāvṛttirūpasya anādyavidyopakalpitasya sarvathā vicārā 'sahatvāt vicārasahatve vā tadavastutvavirodhāt iti sopi na samyagvādī darśanaviṣayasyāpyavastutvaprasaṃgāt tasyāpi śabdavikalpaviṣayavat vicārāsahatvāvirodhāt tathāhi nīlasvalakṣaṇaṃ sugatetaraṃjanadarśanaviṣayatāmupagacchat kimekena svabhāvena nānāsvabhāvena vā dṛśyaṃ syāt tadyadyekena svabhāvena tadā yadeva sugatadṛśyatvaṃ tadevetarajanadṛśyatvamityāyātaṃ aśeṣasya jagataḥ sugatatvaṃ yaccetarajanadṛśyatvaṃ tadeva sugatadṛśyatvamiti sakalasya sugatasyetarajanatvāpatteḥ sugatarahitamakhilaṃ syāt athaitasmāddoṣādvibhyatā nānāsvabhāvena sugatetarajanadṛśyatvaṃ pratipādyate tadā nīlasvalakṣaṇasya dṛśyasvabhāvabhedaḥ kathamapahnuyeta na ca dṛśyaṃ rūpamanekaṃ kalpitamiti śakyaṃ vaktuṃ dṛśyasya kalpitatvavirodhāt atha manyethāḥ svalakṣaṇasya dṛśyatvaṃ svākārārpakatvavyāvṛttirūpaṃ nānādṛṣṭṝvyapekṣayā'nekaṃ ghaṭāmaṭatyeva tadabhāve nānādṛṣṭadarśanaviṣayatāṃ svalakṣaṇaṃ nāskaṃdet na ca paramārthato darśanaṃ dṛśyaviṣayaṃ sarvajñānāṃ svarūpamātraparyavasitatvāt upacārādeva bahirviṣayatāvyavahārāt iti tadapyasat vastunaḥ svākārārpakatvasyāpi pūrvaparyanuyogānatikramāt taddhi svalakṣaṇaṃ yena svabhāvena sugatadarśanāya svākāramarpayati tenaivetarajanadarśanāya svabhāvāṃtareṇa vā yadi tenaiva tadā tadeva sugatetarajanadarśanaikatvamāpanīpadyate tathā ca sarvasya sugatatvaṃ itarajanatvaṃ vā durnivāratāmācanīskaṃdyate svabhāvāṃtareṇa svākārārpakatve sa eva vāstavaḥ svabhāvabhedaḥ svalakṣaṇasyākṣuṇṇtayā kathaṃ pratikṣipyate yatpunaḥ svākārārpakatvamapi na vastunaḥ paramārthapathaprasthāṃyi samavasthāpyate svarūpamātraviṣayatvāt sakalasaṃvedanānāmiti mataṃ tadapi durupapādameva teṣāṃ vaiyarthyaprasagāṃt jñānaṃ hi jñeyaprasiddhyarthaṃ prekṣāvatāmanviṣyate prakāśyaprasiddhyarthaṃ pradīpādivat na punaḥ svarūpaprasiddhyarthaṃ pradīpavadeveti bahirarthāviṣayatve sakalasaṃvedanānāṃ kathamiva vaiyarthyaṃ na syāt nirviṣayasvapnādisaṃvedanānāmapi sārthakatvaprasaṃgāt svarūpaprakāśanasya prayojanasya sarvatra bhāvāt kiṃ ca sugatasaṃvedanasyāpi svarūpamātraparyavasitāyāṃ kathamiva sugataḥ sarvadarśīṣyate pṛthagjanavat pṛthagjano vā kathaṃ na sarvadarśī sugatavadanumanyeta svarūpamātraparyavasitāyāḥ tatsaṃvedane'pi sadbhāvāt yadi punarvāstavatvaṃ sakalaveditvaṃ tāthāgatasyorarīkriyate saṃvṛttyā tasya vyavahāribhiḥ saṃvyavaharaṇāt tadavyaharaṇe tadvacanasya satyatāvyavahārānupapatteḥ sakalajñānarahitapuruṣopadeśādvipralaṃbhanaśaṃkanaprasaṃgāt taduktaṃ jñānavān mṛgyate kaścittaduktapratipattaye ajñopadeśakaraṇe vipralaṃbhanaśāṃkibhiḥ iti pratipadyeta tathāpi sugatetaravyavahārasiddhiḥ sugatavaditarajanasyāpi saṃvṛttyā sakalaveditvakalpanānuṣaṃgāt sakalapadārthebhyaḥ sugatasya saṃvedanodayāt sakalārthajñatā yuktā kalpayituṃ na punaritarajanasya pratiniyatapadārthādeva tadvedanotpatteriti cet na sugatajñānasyāṃpi sakalapadārthajanyatvāsiddheḥ samasamayavartipadārthajanyatvāsaṃbhavāt yadi punaranādyatītapadārthebhyo bhaviṣyadanaṃtārthebhyaḥ sāṃpratikārthebhyaśca sakalebhyaḥ sugatasaṃvedanasyotpattiḥ akhilāvidyātṛṣṇāvināśādupapadyata eva asmadādisaṃvedanādviśiṣṭatvāttasyeti mataṃ tadā kimekena svabhāvena kālatrayavartipadārthaiḥ sugatavijñānamutpadyate nānāsvabhāvairvā yadyekena svabhāvena ekenārthena sugatajñānamupajanyate tenaiva sakalapadārthaiḥ tadā sakalapadārthānāmekarūpatāpattiḥ sugatavijñānasya vā tadekapadārthajanyatvasiddhiriti netarajanasaṃvedanāttasya viśeṣaḥ siddhyet athānyena svabhāvenaikārthaḥ sugatajñānamupajanayati padārthāṃtarāṇi tu svabhāvāṃtaraistadupajanayaṃti iti matirbhavatāṃ tarhi sugatajñānamanaṃtasvabhāvamekamāyātaṃ tadvatsakalaṃ vastu kathamanaṃtātmakatāṃ na svīkuryāditi ciṃtanīyaṃ ekasyanekasvabhāvatvavirodhānnaikamanekātmakamiti cet kathamidānīṃ sugatavijñānamekapadārthajanyaṃ nānārūpatāṃ vibharti yadi punaratajjanyarūpavyāvṛttyā tajjanyarūpaparikalpanānna tattvataḥ sugatasaṃvedanamanekarūpatākrāṃtamityākūtaṃ tadā na paramārthataḥ suddhodanitanayavijñānamakhilapadārthajanyaṃ iti kutaḥ pṛthagjanasaṃvedanādasya viśeṣaḥ samavatiṣṭhate tataḥ sugatavijñānadṛśyatāmitarajanavijñānaviṣayatāṃ ca ekasya nīlādisvalakṣaṇasyānekākārāmapi svayamurarīkurvatā nīlasvalakṣaṇakādirūpatāpi dṛśyādṛśyatvalakṣaṇā svīkartavyā tathā ca nīlādau darśanamanyadvyavasāyātmakaṃ saṃskārasmaraṇakāraṇaṃ tadviparīdarśanādavaboddhavyaṃ iti na pratyakṣaprasiddhaṃ nirvyavasāyātmakatvamadhyakṣajñānasya nāpyanumānaprasiddhaṃ godarśanasamaye'śvakalpanāvat godarśanasyāpi vyavasāyātmakatvopapatteḥ punarvikalpayataḥ tadanusmaraṇasyānyathānupapatteḥ tathā hi yannirvyavasāyātmakaṃ jñānaṃ tannottarakālamanusmaraṇajananasamarthaṃ yathā parābhimataṃ svargaprāpaṇaśaktyādidarśanaṃ tathā cāśvavikalpakāle godarśanamiti tadanusmaraṇajananasamarthaṃ na syāt bhavati ca punarvikalpayatastadanusmaraṇaṃ tasmādvyavasāyātmakamiti niścayaḥ tadevaṃ vyavasāyātmakatve sādhye samyagjñānaṃ sādhanaṃ na vyabhicarati kasya cidapi samyagjñānasyāvyavasāyātmakatvapramāṇabādhitatvāditi sthitaṃ ye tvāhuḥ svārthavyavasāyātmakatve sādhye samyagjñānasya hetorna prayojakatvaṃ sarvasya samyagjñānasyārthavyavasāyayamaṃtaraṇaiva samyagjñānatvasiddheḥ tathā hi vivādādhyāsitaṃ samyagjñānaṃ nārthavyavasāyātmakaṃ jñānatvāt svavyavasāyātmakatvāt yadjñānaṃ svavyavasāyātmakaṃ vā tannārthavyavasāyātmakaṃ yathā svapnādijñānaṃ tathā ca vipadāvannaṃ jñānaṃ jinapatimatānusāribhaḥ abhyanujñātaṃ tasmānnārthavyavasāyātmakamiti tepi na prātīti kāvadinaḥ jāgṛddaśābhāvinaḥ samīcīnavijñānasyārthavyavasāyātmakatvapratīteḥ tasyārthāvyavasāyātmakatvetato'rthe pravṛttyabhāvaprasaṃgāt pratīyate ca samyagjñānādarthe pravṛttiravisaṃvādinī tasmādarthavyavasāyātmakaṃ tadarthe pravṛttyanyathānupapatteḥ mithyājñānādapyarthe pravṛttidarśanādanekāṃtaḥ iti cenna tasyāḥ pravṛttyābhāsatvāt vyavasitārthaprāptinimittatvābhāvāt vyavasitamarthaṃ prāpayituṃ samarthā hi saṃyak pravṛttiḥ sā ca mithyājñānānnopapadyata iti na vyabhicāraḥ yaccārthavyavasāyātmakatvanirākaraṇapravaṇamanumānaṃ tatsvārthaṃ vyavasyati vā na vā prathamavikalpe tenaivānaikāṃtikaṃ sādhanamāpadyeta tasya jñānatve svavyavasāyātmakatve'pi svasādhyārthavyavasāyātmakatvasiddheḥ dvitīyavikalpe'pi nāto'numānādiṣṭasiddhiḥ svasādhyārthavyavasāyātmakatvāt anumānābhāsavat tataḥ kiṃ bahunā sarvasya kiṃcidiṣṭaṃ sādhayataḥ svayamaniṣṭaṃ vā dūṣayataḥ kutaścitpramāṇāt tasyārthavyavasāyātmakatvābhyanujñānamavaśyaṃbhāvi tasyārthāvyavasāyātmakatve sveṣṭāniṣṭasādhanadūṣaṇānupapatteḥ paraprasiddhyārthavyavasāyinaḥ pramāṇasyābhyanujñānādadoṣa iti cet tarhi paraṃ pratipādyase vā na vā yadi na pratipādyase kathaṃ paraprāsiddhyā kvacidabhyunujñānaṃ taṃ na pratipādyase tatprasiddhyā ca kiṃcidabhyanujānāsīti kathamanunmattaḥ atha paraṃ pratipādyase tarhi yataḥ pramāṇāttatpratipattiḥ tatsvakīyārthavyavasāyātmakaṃ siddhaṃ tasyāvyavasāyātmakatve tena parapratipatterayogāt yadi punaḥ parābhyupagamāṃtarātparapratipattiriti mataṃ tadāpyanivṛttaḥ paryanuyogaḥ tasyāpi parābhyupagamāṃtarasya pratipattyapratipattipūrvakatve pūrvoktadūṣaṇānatikramāt syānmataṃ na bahirarthāḥ paramārthataḥ saṃti tatpratyayānāṃ nirālaṃbanatvāt svapnapratyayavat satānāṃtaravijñānānāmapi asattvāt tatra svarūpamātravyavasāyātmakameva vijñānamiti tadapyasāraṃ tathāhi sarvapratyayānāṃ nirālaṃbanatvaṃ na tāvatpratyakṣataḥ siddhyati tasya tadviṣayatvāt vivādāpannāḥ pratyayā nirālaṃbanā eva pratyayatvāt svapneṃdrijālādivaditi anumānānnirālaṃvanatvasiddhiṃrityapi mithyā svasaṃtānapratyayena vyabhicārāt tasyāpi saṃtānāṃtarapratyayavatpakṣīkaraṇe kimidamanumānajñānaṃ svasādhyārthālaṃbanaṃ nirālaṃbanaṃ vā prathamapakṣe tenaivānaikāṃtikatvaṃ pratyayatvaṃ dvitīyakalpanāyāṃ nāto nirālaṃbanatvasiddhiḥ parabrahmasvarūpasiddhireva sakalabhedapratyayānāṃ nirālaṃbanatvasiddhiḥ ityapi na vyavatiṣṭhate parabrahmaṇa evāprasiddheḥ taddhi svato vā siddhyet parato vā na tāvatsvata eva vipratipattyabhāvaprasaṃgāt parataścedanumānādāgamādvā yadyanumānāt kimatrānumānamityabhidhīyatāṃ vivādāpanno'rthaḥ pratibhāsāṃtaḥ praviṣṭa eva pratibhāsamānatvāt yo yaḥ pratibhāsamānaḥ sa sa pratibhāsāṃtaḥ praviṣṭa eva dṛṣṭaḥ yathā pratibhāsasyātmā pratibhāsamānaśca sakalo'rthaścetanācetanātmako vivādāpannaḥ tasmātpratibhāsāṃtaḥpraviṣṭha evetyanumānaṃ na samyak dharmihetudṛṣṭāṃtānāṃ pratibhāsāṃtaḥpraviṣṭatve sādhyāṃtaḥpātitvena anumānotthānāyogāt pratibhāsāṃtaḥ praviṣṭatvābhāve taireveti hetorvyabhicārāt yadi punaranādyavidyāvāsanāvalāddharmihetudṛṣṭāṃtāḥ pratibhāsabahirbhūtā iva niścīyaṃte pratipādyaprātipādakasabhyasabhāpatijanavat tato'numānamapi saṃbhavatyeva sakalānādyavidyāvilāsavilaye tu pratibhāsāṃtaḥpraviṣṭamakhilaṃ pratibhāsameveti vipratipattyasaṃbhavāt pratipādyapratipādakabhāvābhāvāt sādhyasādhanabhāvānupapatterna kiṃcidanumānopanyāsaphalaṃ svayamanubhūyamāne parabrahmaṇi pratibhāsātmani deśakālākāravacchinnasvarūpe nirvyabhicāre sakalakālāvasthāvyāpinianumānāprayogāt iti samabhidhīyate tadā sāpyanādyavidyā yadi pratibhāsāṃtaḥpraviṣṭā tadāvidyaivā kathamasaṃtaṃ dharmidṛṣṭāṃtādibhedamupadarśayet atha pratibhāsabahirbhūtāstadā sā'pratibhāsamānā pratibhāsamānā vā na tāvadapratibhāsamānā bhede pratibhāsarūpatvāt tasyāḥ pratibhāsamānā cet tayaiva hetorvyabhicāraḥ pratibhāsabahirbhūtatve'pi tasyāḥ pratibhāsamānatvāt syādākūtaṃ na pratibhāsamānā nāpratibhāsamānā na pratibhāsabahirbhūtā nāpi pratibhāsāṃtaḥpraviṣṭā naika nacānekā na nityā nāpyanityā na vyabhicāriṇī nāpyavyabhicāriṇī sarvathā vicāryamāṇāyogāt sakalavicārātikrāṃtasvarūpaiva rūpāṃtarābhāvāt avidyayā nīrūpatālakṣaṇatvāt iti tadetadapyavidyāvijṛṃbhitameva tathāvidhanīrūpatāsvabhāvāyāḥ kena cidavidyāyāḥ kathaṃcidapratibhāsamānāyāḥ vaktumaśakteḥ pratimāsamānāyāstu tathāvacane kathamasau sarvathā nīrūpā syāt yena svarūpeṇa yaḥ pratibhāsate tasyaiva tadrūpatvāt tathā sakalavicārātikrāṃtatayā kimasau vicāragocarā avicāragocarā vā syāt prathamakalpanāyāṃ sakalavicārātikrāṃtatayā vicārānatikrāṃtatvābhgupagamavyāghātaḥ dvitīyakalpanāyāṃ na sakalavicārātikrāṃtatā vyavatiṣṭhate sakalavicārātikrāṃtatāyāmapi tasyāstayā vyavasthāne sarvathaikānekarūpatāyā api vyavasathānaprasaṃgāt tasmātsatsvabhāvaivāvidyābhyupagaṃtavyā vidyāvat tathā ca vidyā'vidyādvaitaprasiddheḥ kutaḥ paramabrahmaṇo'numānātsiddhiḥ etenopaniṣadvākyātparamapuruṣasiddhiḥ pratyākhyātā sarvaṃ vai khalvidaṃ brahmetyādivākyasya paramātmanoṃ'rthāṃtarabhāve dvaitaprasakteraviśeṣāt tasyānādyavidyātmakatve'pi pūrvoditadūṣaṇaprasaṃgāt tato na paramapuruṣādvaitasiddhiḥ svataḥ parato vā yena samyagjñānaṃ svavyavasāyātmakameva na punararthavyavasāyātmakaṃarthābhāvāditi vadan avadheyavacanaḥ syāt yattu svapnajñānaṃ svavyavasāyātmakamevetyuktaṃ tadapi na saṃgataṃ tasya sākṣātparaṃparayā vārthavyavasāyātmakatvāghaṭanāt dvividho hi svāpnaḥ satyo'satyaśca tatra satyo devatākṛtaḥ syāt dharmādharmakṛto vā kasyacitsākṣādvyavasāyātmakaḥ prasiddhaḥ svapnadaśāyāṃ yaddeśakālākāratayārthaḥ pratipannaḥ punarjāgṛddaśāyāmapi taddeśakālākāratayaiva tasya vyavasīyamānatvāt kaścitsatyaḥ svapnaḥ paraṃparayārthavyavasāyī svapnādhyāyanigaditārthaprāpakatvāt taduktaṃ yastu paśyati rātryaṃte rājānaṃ kujaraṃ hayaṃ suvarṇaṃ vṛṣabhaṃ gāṃ ca kuṭaṃbaṃ tasya vardhate iti kuṭuṃbavardhanāvinābhāvinaḥ svapne rājādidarśanasya kathamarthaniścāyakatā na syāt pāvakāvinābhāvidhūmadarśanavat dṛṣṭārthāvyavasāyātmakatvānna svapnabodho'rthavyavasāyī iti vacane laiṃgiko'pi bodho'rthavyavasāyī mābhūta tata tadvat anumānabādho'numitārthavyavasāyī saṃbhavatīti vacane svapnāgamagamyārthavyavasāyī svapnabodho'pi kathaṃ nābhyanujñāyate kadācidvyabhicāradarśanānnaivamabhyupagamaḥ kartuṃ suśakya iti cenna deśakālākāraviśeṣaṃ yathārthāgamoditamapekṣyamāṇasya kvacitkadācitkathaṃcidvyabhicārābhāvāt tadapekṣāvikalastu na samīcīnaḥ svapnaḥ tasya svapnābhāsatvāt pratipatturaparādhācca vyabhicāraḥ saṃbhāvyate na punaranaparādhāt yathā cādhūmaḥ dhūmabuddhyā pratipadyamānasya tataḥ pāvakānumānaṃ vyabhicārīti pratipatturevāparādho na dhūmasya dhīmadbhirabhidhīyate tathaivāsvapnaṃ svapnabuddhyādhyavasya tatastadviṣayādhyavasāyo na vyabhicaratīti na svapnāgamasyāparādhaḥ pratipatterevāparādhāt yaḥ punarasatyaḥ svapnaḥ pittādyudrekajanitaḥ sa kimarthasāmānyaṃ vyabhicarati arthaviśeṣaṃ vā na tāvadarthasāmānyaṃ deśakālākāraviśeṣāṇāmeva vyabhicārāt sarvatra sarvadā sarvathārthasāmānyasya sadbhāvāt tadabhāve'rthaviśeṣeṣu saṃśayaviparyāsasvapnāyathārthajñānānāmanutpatteḥ na hi kiṃcid jñānaṃ sattāmātraṃ vyabhicarati tasyānutpattiprasakteḥ tato'satyasvapnasyāpyarthasāmānyavyavasāyātmakatvasiddheḥ na kiṃcid jñānamarthāvyavasāyātmakaṃ viśeṣaṃ tu yata eva vyabhicarati tata eva asatyaḥ kathamanyathā satyetaravyavasthitiḥ syāt tasyāḥ svārthaviśeṣaprāptyaprāptinimittatvādityalaṃ prasaṃgena svavyavasāyātmakatvavat samyagjñānasyārthavyavasāyātmakatvaprasiddheḥ atrāparaḥ prāha samyagjñānamarthavyavasāyātmakameva na svavyavasāyātmakaṃ svātmani kriyāvirodhāt ekasya jñānasyānekākārānupapatteḥ na hi jñānamekamākāraṃ karmatāmāpannaṃ vyavasyati karmātmanākāreṇeti vaktuṃ yuktaṃ tābhyaṃ karmakaraṇākārābhyāṃ jñānasyābhede bhedaprasaṃgāt na hi bhinnābhyāṃ tābhyāmabhinnamekaṃ nāma atiprasaṃgāt tayorvākārayorjñānādabhede bhedaprasaṃgāt nahyabhinnādabhinnayorbhedaḥsaṃbhāvyate atiprasaṃgāt evaṃ tābhyāṃ vijñānasya bhedopagame na vijñānamātmanātmānaṃ vyavasyati parātmanā parātmana eva vyavasāyāt tau cākārau yadi jñānasyātmānau tadā jñānaṃ vyavasyati vā na vā prathamapakṣe kimekenākārāṃtareṇa dvābhyaṃ vā'kārāṃtarābhyāṃ tattau vyavasyeta na tāvadekenākārāṃtareṇa virodhāt dvāmyāṃ vyavasyati iti cet tayorapyākārāṃtarayorjñānādabhedo bhedo vā syāt ityanivṛttaḥ paryanuyogaḥ anavasthā ca mahīyasī kathaṃcidbhedaḥ kathaṃcidabhedaḥ kathaṃcidabhedaḥ ityubhayapakṣālaṃbanamapi anenaivāpāstaṃ pakṣadvayanikṣiptadoṣānuṣaṃgāt pakṣāṃtarā'saṃbhavācceti so'pi na nyāyakuśalaḥ pratītyatilaṃghanāt loke hi jñānasya svavyavasāyina evārthavyavasāyitvena pratītiḥ siddhā naceyaṃ mithyā bādhakābhāvāt svātmāni kriyāvirodho bādhaka iti cet kā punaḥkriyā kimutpattirjñāptirvā yadyutpattiḥ sā svātmani virudhyatāṃ na hi vayamabhyanujānīmahe jñānamātmānamutpādayati iti naikaṃ svasmātprajāyate iti samaṃtabhadrasvāmibhirabhidhānāt atha jñāptiḥ kriyā sā svātmani viruddhā tadātmanaiva jñānasya svakāraṇakalāpādutpādāt prakāśātmanaiva prakāśasya pradīpādeḥ na hi svakāraṇasāmigrītaḥ pradīpādiprakāśaḥ samupajāyamānaḥ svaprakāśātmanā notpādyata iti prātītikaṃ tatsvarūpaprakāśena prakāśāṃtarāpekṣāprasaṃgāt nacāyaṃ pradīpādyālokaḥ kalaśādijñānaṃ svarūpajñānaṃ ca cakṣuṣojanayataḥ sahakāritvaṃ nātmasātkurute yena svaprakāśako na syāt cakṣuṣaḥ sahakāritvaṃ hi pradīpādeḥ prakāśatvaṃ tacca kalaśādāviva svātmanyapi dīpādervidyata eveti siddhā svātmani prakāśanakriyā tadvadvijñānasyārthaprakāśanamiva svaprakāśanamapyaviruddhamavabudhyatāṃ etena jñānaṃ na svaprakāśakaṃ arthaprakāśakatvādityanumāmamāpastaṃ pradīpādinā hetoranekāṃtāt pradīpādiḥupacārāt prakāśako na paramārthata iti tenāvyabhicāre cakṣurāderapi paramārthato'rthā'prakāśakatvāt sādhanaśūnyo dṛṣṭāṃtaḥ jñānasyaiva paramārthato'rthaprakāśatvopapatteḥ tato jñānaṃ svaprakāśakaṃ arthaprakāśakatvāt yattu na svaprakāśakaṃ tannārthaprakāśakaṃ dṛṣṭaṃ yathā kuḍyādikaṃ arthaprakāśakaṃ ca jñānaṃ tasmātsvaprakāśakamiti kevalavyatirekyanumāna mavinābhāvaniyamaniścayalakṣaṇāddhetorutpadyamānaṃ niravadyameveti budhyāmahe cakṣurādibhiḥ paramārthato'rthaprakāśakatvāsiddhestena sādhanasyānekāṃtikatānupapatteḥ kuḍyāderapi svāvinābhāvipadārthāṃtaraprakāśakatvāddhūmādivat sādhanāvyatireko dṛṣṭāṃta ityapi samutsāritamanena tasyāpyupacārādarthaprakāśakatvasiddheḥ anyathā tajjanitavijñānavaiyarthyāpatteḥ yatpurjñānamātmānamātmanā jānātīti karmakaraṇākāradvayaparikalpanāyāmanavasthādidoṣā nuṣaṃgo bādhakaṃ iti mataṃ tadapi na suṃdarataraṃ tathāpratītisiddhatvāt jātyaṃtaratvādākāravatorbhedābhedaṃ pratyanekāṃtāt karmakaraṇākārayorjñānāṃt kathaṃcidabhedaḥ kathaṃcidbhedaḥ iti naikāṃtena bhedābhedapakṣopakṣiptadoṣopanipātaḥ syādvādināṃ saṃlakṣyate naca kathaṃcidityaṃdhapadamātraṃ jñānātmanā tadabhedasya kathaṃcidabhedaśabdenābhidhānāt karmakaraṇātmanā ca bheda iti kathaṃcidbhedadhvaninā darśitatvāt tathā ca jñānātmanā tadabheda iti jñānabhedābhedastato bhinnasya jñānātmano'pratīteḥ karmakaraṇākāratayā ca bheda iti karmakaraṇākārāveva bhedasya dravyavyatiriktasyākārasyāpratīyamānatvāt iti yenātmanā jñānāt karmakaraṇākārayorabhedo yena ca bhedastau jñānātkimabhinnau bhinnau vā iti na paryanuyogasyāvakāśo'sti yayā'navasthā mahīyasī saṃprasajyeta naca bhinnābhyāmeva karmakaraṇābhyāṃ bhavitavyamiti niyamo'sti karaṇasya bhinnakartṛkasyāpi darśanāt bhinnakartṛkaraṇavat yathaiva hi devadattaḥ paraśunā chinatti kāṣṭamityatra devadattātkarturbhinnaṃ paraśulakṣaṇaṃ karaṇamupalabhyate tathāgnirdahati dahanātmanetyatrāgneḥ karturdahanātmalakṣaṇaṃ karaṇamabhinnamupalabhyata evaṃ dahanātmāpyuṣṇalakṣaṇaḥ sa cāgnerguṇino bhinna eveti na maṃtavyaṃ sarvathā tayorvirodhe guṇaguṇībhāvavirodhāt sahyaviṃdhyavat guṇini guṇasya samavāyāt tayostadbhāva ityapi na satyaṃ samavāyasya kathaṃcidaviśvagbhāvāt anyatya vicārāsahatvāt samityekībhāvenāvāyanamavagamanaṃ hi samavāyaḥ tacca samavāyanaṃ karmasthaṃ samaveyamānatvaṃ samavāyitādātmyaṃ pratīyate kartṛsthaṃ punaḥ samavāyanaṃ samavāyakatvaṃ pramātustādātmyena samavāyinorgrāhakatvaṃ na cānyā gatirasti kriyāyāḥ kartṛkarmasthatayaiva pratipādanāt tatra karmasthā kriyā karmaṇo'nanyā kartṛsthā karturananyā iti vacanāt tato nābhinnakartṛkaṃ karaṇamaprasiddhaṃ nāpi karma tasyāpi bhinnakartṛkasyevābhinnakartṛkasyāpi pratīteḥ yathaiva hi kaṭaṃ karotītyatra karturbhinna karmānumanyate tathā pradīpaḥ prakāśayatyātmānamityatra karturabhinnaṃ karma saṃpratīyata eva na hi pradīpātmā pradīpādbhinna eva pradīpasyāpradīpatvaprasaṃgāt ghaṭavat pradīpe pradīpātmanobhinnasyāpi samavāyāt pradīpatvasiddhiriticet na apradīpe'pi ghaṭādau tatsamavāyaprasaṃgāt pratyāsattiviśeṣātpradīpātmanaḥ pradīpa eva samavāyo nānyatreti cet sa pratyāsattiviśeṣo'tra ko'nyatra kathaṃcittādātmyāt tataḥ pradīpādabhinna eva pradīpātmā karmeti siddhamabhinnakartṛkaṃ karma tathā ca jñānātmātmānamātmanā jānātīti na svātmani jñaptilakṣaṇāyāḥ kriyāyā virodhaḥ siddhaḥ yataḥ svavyavasāyātmakaṃ jñānaṃ na syāt syānmataṃ arthajñānaṃ jñānāṃtaravedyaṃ prameyatvāt ghaṭādivadityanumānaṃ svārthavyavasāyātmakatvapratīterbādhakamiti tadapi phalguprāyaṃ maheśvarārthajñānena hetorvyabhicārāt tasya jñānāṃtarāvedyatve'pi prameyatvāt yadi punarīśvarārthajñānamapi jñānāṃtarapratyakṣaṃasaṃvedyatvāt iti mitistadā tadapyarthajñānajñānamīśvarasya pratyakṣamapratyakṣaṃ vā yadi pratyakṣaṃ tadā svato jñānāṃtarādvā svataścet prathamamapyarthajñānaṃ svataḥ pratyakṣamastu kiṃ vijñānāṃtareṇa yadi tu jñānāṃtarātpratyakṣaṃ tadapīṣyate tadā tadapi jñānāṃtaraṃ kimīśvarasya pratyakṣamapratyakṣaṃ veti sa eva paryanuyogo 'navasthānaṃ ca duḥśakyaṃ parihartuṃ yadi punarapratyakṣameveśvarārthajñānajñānaṃ tadeśvarasya sarvajñatvavirodhaḥ svajñānasyāpratyakṣatvāt tadapratyakṣatve ca prathamārthajñānamapi na tena pratyakṣaṃ svayamapratyakṣeṇa jñānāṃtareṇa tasyārthajñānasya sākṣātkaraṇavirodhāt kathamanyathā ātmāṃtarajñānenāpi kasyacitsākṣātkaraṇaṃ na syāt tathā cānīśvarasyāpi sakalasya prāṇinaḥ svayamapratyakṣeṇāpīśvarajñānena sarvaviṣayeṇa sarvārthasākṣātkaraṇaṃ saṃgaccheta tataḥ sarvasya sarvārthaveditvāsiddheḥīśvarānīśvaravibhāgābhāvo bhūyate yadā cārthajñānamapi prathama mīśvarasyāpratyakṣameva kakṣīkriyate tadā tenāpi svayamapratyakṣeṇa maheśvarasya sakalo'rthaḥ pratyakṣaṃ kathaṃ samarthyeta tena sakalaprāṇigaṇasya sarvārthasākṣātkaraṇaprasaṃgasya tadavasthatvāt tadanena vādinā maheśvarasyāpi kiṃcijjñatvaṃ sarvasya vā sarvajñatvamanujñātavyaṃ nyāyavalāyātatvāt tathābhyanujñāne vā naiyāyikasya naiyāyikatvavirodhaḥ kenāsya vāryeta yadi punarīśvarasya jñānaṃ sakalārthavadātmānamapi sākṣātkurute nityaikarūpatvat kramabhāvyanekānityajñānopagame maheśvarasya sakṛtsarvārthasākṣātkaraṇavidhānāt sarvajñatvāvyavasthiteriti mataṃ tadā kathamanenaivānaikāṃtiko heturna syāt syānmatireṣā yuṣmākamasmadādijñānāpekṣayārthajñānasya jñānāṃtaravedyatvaṃ prameyatvena hetunā sādhyate tato neśvarajñānena vyabhicāraḥ tasyāsmadādijñānādviśiṣṭatvāt na hi viśiṣṭe dṛṣṭaṃ dharmamaviśiṣṭe'pi ghaṭayan prekṣāvattāṃ labhate iti sāpi na parīkṣāsahā jñānāṃtarasyāpi prajñānena vedyatve'navasthānuṣaṃgāt tasya jñānāṃtareṇa vedyatve tenaiva hetorvyabhicāraḥ na ca tadaprameyameva sarvasyeti vaktuṃ śakyaṃ pratipattuḥ pramāṇavalāttadvyavasthānavirodhāt sarvajñajñānenāpi tasyāprameyatve sarvajñasya sarvajñatāvyāghātāt tato'smadādijñānāpekṣayāpi na jñānaṃ jñānāṃtarapratyakṣaṃ prameyatvāddhetoḥ sādhayituṃ śakyaṃ jñānasya svārthavyavasāyātmanaḥ pratyakṣasiddhatvācca pratyakṣabadhitapakṣatayā hetoḥ kālātyayāpadiṣṭatvaprasaṃgācca etenārthajñānena jñānāṃtaravedye sādhye kālatrayatrilokavartipuruṣapariṣatsaṃprayuktasakalahetunikarasya kālātyayāpadiṣṭatvaṃ vyakhyātaṃ tadanena yaduktamekātmasamavetānaṃtaravijñānagrāhyamarthajñānamiti tatsamutsāritaṃ yo'pyāha na svārthavyavasāyātmakaṃ jñānaṃ parokṣatvāt arthasyaiva pratyakṣatvāt apratyakṣā no buddhiḥ pratyakṣo'rthaḥ sa hi bahirdeśasaṃbaddhaḥ pratyakṣamanubhūyate jñāte tvarthe anumānādavagacchati buddhiriti sāvarabhāṣye śravaṇāt tathā jñānasyārthavat pratyakṣatve karmatvaprasaṃgāt jñānāṃtarasya karaṇasyāvaśyaṃ parikalpanīyatvāt tasya cāpratyakṣatve prathame ko'paritoṣaḥ pratyakṣatve tasyāpi pūrvavatkarmatāpatteḥ karaṇātmano'nyavijñānasya parikalpanāyāmanavasthāyā durnivāratvāt tathaikasya jñānasya karmakaraṇadvayākārapratītivirodhācca na jñānaṃ pratyakṣaṃ parīkṣakairanumaṃtavyamiti so'pi na yathārthamīmāṃsakatāmanusartumutsahate jñānasyāpratyakṣatve sarvārthasya pratyakṣatvavirodhāt saṃtānāṃtarajñānenāpi sarvasyārthasya pratyakṣatvaprasaṃgāt tathā ca na kasyacitkadācidarthapratyakṣaḥ syāt syādākūtaṃ bhavatāṃ yasyātmano'rthe paricchittiḥ pradurbhavati tasya jñānena so'rthaḥ pratīyate na sarvasya jñānena sarvo'rtha pratyakṣaḥ sarvasya pramātuḥ sarvatrārthe paricchitterasaṃbhavāt iti tadapi svagṛhamānyaṃ mīmāṃsakānāṃ kvacidarthaparicchitteḥ pratyakṣatvāpratyakṣatvavikalpānatikramāt sā hi na tāvatpratyakṣā jñānadharmakatvāt karmatvenāpratītiśca karaṇajñānavat tasyāḥ karmatvenāpratītāvapi kriyātvena pratīteḥ pratyakṣatve karaṇa jñānasya karmatvenāpratīyamānasyāpi karaṇatvena pratīyamānatvāt pratyakṣatvamastu karaṇatvena pratīyamānaṃ karaṇajñānaṃ karaṇameva syāt na pratyakṣaṃ karmalakṣaṇamiti cet tarhi padārthaparicchittirapi kriyātvena pratibhāsamānā kriyeva syāt na pratyakṣā karmatvābhādāditi pratipattavyaṃ yadi punararthadharmatvādarthaparicchitteḥ pratyakṣateṣyate tadā sārthaprākaṭyamucyate na caitadarthagrahaṇavijñānasya prākaṭyābhāve ghaṭāmaṭati atiprasaṃgāt na hyaprakaṭe 'rthajñāne saṃtānāṃtaravartinikarasya cidarthasya prākaṭyaṃ ghaṭate pramāturātmanaḥ svayaṃ prakāśamānasya pratyakṣasyārtha paricchedakasya prākāṭyādarthe prākaṭyaṃ paricchittilakṣaṇaṃ saṃlakṣyate paricchitteḥ paricchedakasvarūpāyāḥ kartṛsthayāḥ kriyāyā kartṛdharmatvādupacārādarthadharmatvavacanāt paricchidyamānatārūpāyāḥ paricchitteḥ karmasthāyāḥ kriyāyā eva paramārthato'rthadharmatvasiddheḥ karaṇajñānadharmatānucchitterneṣyate eva cakṣuṣā rūpaṃ paśyati devadatta ityatra cakṣuṣaḥ prākaṭyābhāve'pi arthaprākaṭyaṃ sughaṭameva loke'tīṃdriyasyāpi karaṇatvasiddheḥ iti kecit samabhyamaṃsata mīmāṃsakāḥ te'pyaṃdhasarpavilapraveśanyāyena syādvādimatamevānupraviśaṃti syādvādibhirapi svārthaparicchedakasya pratyakṣasyātmanaḥ kartṛsādhanajñānaśabdenābhidhānāt svārthajñānapariṇatasyātmana eva svataṃtrasya jñānatvopapatteḥ sa hi jānātīti jñānamiti vyapadiśyate taddharmastu paricchittiḥ phalajñānaṃ kathaṃcitpramāṇādbhinnamabhidhīyate yattu parokṣamatīṃdriyatayā karaṇajñānaṃ parairuktaṃ tadapi syādvādibhirbhāveṃdriyatayā karaṇamupapayogalakṣaṇaṃ procyate labdhyupayogau bhāveṃdriyaṃ iti vacanāt tatrārthagrahaṇaśaktirlabdhiḥ arthagrahaṇavyāpāra upayogaḥ iti vyākhyānāt kevalaṃ tasya kathaṃcidātmanoṃ'narthāṃtarabhāvādātmatayā pratyakṣatvopapatteḥ apratyakṣataikāṃto nirasyate iti prātītikaṃ parīkṣakairanumaṃtāvyaṃ ye tu manyaṃte nātmā pratyakṣaḥ karmatvenāpratīyamānatvāt karaṇajñānavaditi teṣāṃ phalajñānahetorvyabhicāraḥ karmatvenāpratīyamānasyāpi phalajñānasya prābhākaraiḥ pratyakṣatvavacanāt tasya kriyātvena pratibhāsamānāt pratyakṣatve pramāturapyātmanaḥ kartṛtvena prati bhāsamānatvāt pratyakṣatvamastu tacca phalajñānaṃātmano'rthāṃtarabhūtamanarthāṃtarabhūtamubhayaṃ vā na tāvatsa varthārthāṃtarabhūtamanarthāṃtarabhūtaṃ vā matāṃtarapraveśānuṣaṃgāt nāpyubhayaṃ pakṣadvayanigaditadūṣaṇānuṣakte kathaṃcidanarthāṃtaratve tu phalajñānādātmanaḥ kathaṃcipratyakṣatvamanivāryaṃ pratyakṣādabhinnasya kathaṃcidapratyakṣatvaikāṃtavirodhāt etenāpratyakṣa evātmeti prabhākaramatamapāstaṃ yasya tu karaṇajñānavatphalajñānamapi parokṣaṃ puruṣaḥ pratyakṣa iti mataṃ tasyāpi puruṣātpratyakṣāt kathaṃcidabhinnasya phalajñānasya karaṇajñānasya ca pratyakṣatāpattiḥ kathaṃcitkathamapakriyate tato na bhaṭṭamatamapi vicāraṇāṃ prāṃcati iti svavyāvasāyātmakaṃ samyagjñānaṃ arthaparicchittinimittatvāt ātmavaditi vyavatiṣṭate netrālokādibhirvyabhicāraḥ sādhanasyeti na maṃtavyaṃ teṣāmupacārato'rtha paricchittinimittatvavacanāt paramārthataḥ pramātuḥ pramāṇasya ca tannimittatvaghaṭanāt atrāparaḥ kapilamatānusārī prāhana samyagjñānaṃ svavyavasāyātmakaṃ acetanatvāt ghaṭādivanat na tacceta namanityatvāt tadvadanityaṃ cotpattinimittatvāt vidyudādivat yattu svasaṃvedyaṃ taccetanaṃ nityamanutpattidharmakaṃ ca siddhaṃ yathā puruṣatattvamiti so'pi na nyāyavedī vyabhicārisādhanābhidhānāt utpattimattvaṃ hi tāvadanityatāṃ vyabhicarati nirvāṇasyānaṃtasyāpyutpattimattvāt tathaivānityatvamacetanatvaṃ vyabhicarati puruṣabhogasya kādācitkatvasya buddhyadhyavasitārthāpekṣasya cetanatve'pyanityatvasamarthanāt acetanatvaṃ tu samyagjñānasyāśuddhameva tasmādacetanādvivekakhyātivirodhāt cetanasaṃsargāccetanaṃ jñānamityapi vārtaṃ śārīrāderapi cetanatvasaṃgāt jñānasya cetanasaṃsargo viśiṣṭa iti cet sa ko'nyaḥ kathaṃcittādātmyāt tataścetanātmakameva jñānamanumaṃtavyamityacetanamasiddhaṃ yadapyabhyadhāyi sāṃkhyaiḥjñānamacetaṃ pradhānapariṇāmatvāt mahābhūtavaditi tadapi na śreyaḥ pakṣasya svasaṃvedanapratyakṣabādhitatvāt prativādinaḥ kālātyayāpadiṣṭatvācca sādhanasya tathānumānabādhitaḥ pakṣaḥ paraṃ prati cetanaṃ jñānaṃ svasaṃvedyatvāt puruṣavat yattu na cetanaṃ na tatsvasaṃvedyaṃ yathā kalaśādīti vyatirekaniścayāt nedamanumānamagamakaṃ jñānasya svasaṃvedyatvamasiddhaṃ iti cenna tasyāsvasaṃvedyatve arthasaṃvedanavirodhādityuktaprāyaṃ etena na svasaṃvedyaṃ vijñānaṃ kāyākārapariṇatabhūtapariṇāmatvāt pittādivaditi vadaṃścārvākaḥ pratikṣiptaḥ na cedaṃ sādhanaṃ siddhaṃ bhūtaviśeṣapariṇāmatvāsiddheḥ saṃvedanasya bāhyeṃdriyapratyakṣatvaprasaṃgāt gaṃdhādivat sūkṣmabhūtaviśeṣapariṇāmatvāt na bāhyeṃdripapratyakṣaṃ jñānamiti cet sa tarhi sūkṣmaviśeṣaḥ sparśādibhiḥ parivarjitaḥ svayamasparśādimān saṃvedanopādānahetuḥ sarvadā bāhyeṃdriyāviṣayaḥ kathamātmaiva nāmāṃtareṇa nigadito na bhavet tasya tato'nyatve bhūtacatuṣṭayavilakṣaṇatvāt tattvāṃtarāpattiradṛṣṭaparikalpanā ca prasajyeta tathātmanaḥ pramāṇasiddhatvāt tatpariṇāmasyaiva jñānasya ghaṭanāt tata idaṃ vyavatiṣṭate svavyavasāyātmakaṃ samyagjñānaṃ cetanātmapariṇāmatve satyarthaparicchedakatvāt yattu na svavyavasāyātmakaṃ na tattathā yathā ghaṭaḥ tathā ca samyagjñānaṃ tasmātsvavyavasāyātmakaṃ iti samyagjñānalakṣaṇaṃ pramāṇasiddhaṃ nanu pramāṇatattvasya prameyatattvavadupaplutatvāt na tattvataḥ kiṃcitpramāṇaṃ saṃbhavati iti kasya lakṣaṇamabhidhīyate lakṣyānuvādapūrvakatvāllakṣaṇābhidhānasya prasiddhaṃ lakṣyamanūdya lakṣaṇaṃ vidhīyata iti lakṣyalakṣaṇabhāvavādibhirabhyupagamāt iti kecidamaṃsata teṣāṃ tattvopaplavamātramiṣṭaṃ sādhayituṃ tadā sādhanamabhyupagaṃtavyaṃ tacca pramāṇameva bhavati tathā cedamabhidhīyatetattvopaplavavādino'pyasti pramāṇaṃ iṣṭasādhanānyathānupapatteḥ pramāṇābhāve'pīṣṭasiddhau sarvaṃ sarvasya yatheṣṭaṃ siddhyet ityanupaplutatattvasiddhirapi kiṃ na syāt sarvathā viśeṣābhāvāt syādākūtaṃ na sveṣṭaṃ vidhiprādhānyena sādhyate yena tattvopaplavaṃ sādhayataḥ pramāṇasiddhiḥ prasajyeta kiṃ tarhi parābhyupagatapramāṇāditattvanirākaraṇasāmarthyāt parīkṣakajanayatastattvopaplavamanusarati gatyaṃtarābhāvāt tathāhi pramāṇatvaṃ kasya citkimaduṣṭakāraṇajanyatvena bādhārahitatvena vā pravṛttisāmarthyena vā arthakriyāprāptinimittatvena vā vyavatiṣṭate na tāvadaduṣṭajanyatvena tasya pratyakṣato gṛhītumaśakteḥ karaṇakuśalāderapi pramāṇakāraṇatvāt tasya cātīṃdriyatvopagamāt na cānumānamaduṣṭaṃ kāraṇamunnetuṃ samarthaṃ tadavinābhāviliṃgābhāvāt satyajñānaṃ liṃgamiti cet na parasparāśrayaṇāt sati jñānasya satyatve tatkāraṇasyāduṣṭatvaniścayāt tasminsati jñānasya satyatvasiddheḥ yadi punarbādhārahitatvena saṃvedanasya prāmāṇyaṃ sādhyate tadā kiṃ kadācitkvacidbādhakānutpattyā tatsiddhirāhosvit sarvatra sarvadā sarvasya pratipatturbādhakānutpatteriti pakṣadvayamavatarati prathamapakṣe marīcikācakre salilasaṃvedanamapi pramāṇamasajyate dūrasthitasya tatsaṃvedanakāle kasya citpratipatturbādhakānutpatteḥ dvitīyapakṣe tu sakaladeśakālapuruṣāṇāṃ bodhakānutpattiḥ kathamasarvavido'vaboddhuṃ śakyeta tattatpratipattuḥ sarvaveditvaprasaṃgāt yadi punaḥ pravṛttisāmarthyena jñānasya prāmāṇyamunnīyate tadā pramāṇenārthamupalabdhavatastadarthe pravṛttiryadīṣyate taddeśopasarpaṇalakṣaṇā tasyāḥ sāmarthyaṃ ca phalenābhisaṃbaṃdhaḥ sajātīyajñānotpattirvā tadetarāśrayadoṣo duruttaraḥ syāt sati saṃvedanapramāṇatvaniścaye tenārthapratipattau pravṛtteḥ tatsāmarthyasya ca ghaṭanāt pravṛttisāmarthyasya niścaye ca tenārthasaṃvedanasya pramāṇatvanirṇīteḥ prakārāṃtarāsaṃbhavāt athārthakriyānimittatvena saṃvedanaṃ pramāṇatāmāskaṃdati tadā kutastasya tanniścayaḥ syāt pratipatturarthakriyājñānāditi cet kutastasya pramāṇatvasiddhiḥ paramārthakriyājñānāṃtarāccet kathamanavasthā na bhavet athādyasaṃvedanādevārthakriyājñānasya māṇyaṃ manyate tadā parasparāśrayadoṣaḥ satyarthakriyājñānasya pramāṇatvaniścaye tadbalādādyasaṃvedanasyārthakriyāprāptinimittatvena prāmāṇyaniścayastatprāmāṇyaniścayācca arthakriyāsaṃvedanasya pramāṇatāsiddhiḥ kāraṇāṃtarābhāvāt tato na pramāṇatvaṃ vicāryamāṇaṃ vā vyavatiṣṭhate tadavasthānābhāve ca na prameyatvasiddhiḥ iti tadetatsakalaṃ pralāpamātraṃ parābhimatapramāṇatattvanirākaraṇasya svayamiṣṭasya pramāṇamaṃtareṇa siddhyayogāt tasya svayamiṣṭatve sādhanānupapatte paraparyanuyogamātrasya karaṇādadoṣo'yaṃ paraparyanuyogaparāṇi hi bṛhaspateḥ sūtrāṇi iti vacanāt sarvatra svātaṃtryābhāvādityetadapi yatkiṃcana bhāṣaṇameva kimaduṣṭakāraṇajanyatvena prāmāṇyaṃ sādhyate bādhārahitatvenevetyādi pakṣāṇāṃ kvacinnirṇayābhāve saṃdehābhāvāt paraparyanuyogāyogāt syādākūtaṃ parābhyupagamāt tanniścayasiddheḥ saṃśayotpatteryuktaḥ praśnaḥ tathāhimīmāṃsakābhyupagamāt tāvadaduṣṭakāraṇajanyatvaṃ bādhāvarjitatvaṃ ca nirṇītaṃ niścitatvāpūrvārthatvalokasammatatvavat taduktaṃ tatrāpūrvārthavijñānaṃ niścitaṃ bādhavavarjitaṃ aduṣṭakāraṇārabdhaṃ pramāṇaṃ lokasammataṃ iti tathā pravṛttisāmarthyamapi naiyāyikābhyupagamānnirṇītaṃ pramāṇato'rthapratipattau pravṛttisāmarthyādarthavatpramāṇaṃ iti vacanāt tathārthakriyāprāptinimittatvamavisaṃvāditvalakṣaṇaṃ saugatābhyupagamānnirṇītameva pramāṇamavisaṃvādijñānaṃ arthakriyāsthitiḥ avisaṃvādanaṃ śabdo'pyabhiprāyanivedanāditi vacanāt tadidānīṃ cārvākamatānusāreṇa saṃdihya paryanuyujyamānaṃ na kiṃcidupālaṃbhamarhati iti tadetadapi na vyavasthāṃ pratipadyate parābhyupagamasya pramāṇāpramāṇapūrvakatve saṃśayāpravṛtteḥ tathāhi yadi pareṣāmabhyupagamaḥ pramāṇapūrvakaḥ tadā kathaṃ saṃdehaḥ pramāṇapūrvakasya nirṇītatvāt nirṇīteḥ saṃśayavirodhāt athāpramāṇapūrvakaḥ tathāpi na saṃdehaḥ pravartate tasya kvacitkadācitkathaṃcit nirṇayapūrvakatvāt tannirṇayasyāpi pramāṇapūrvakatvāt pramāṇābhāve pramāṇyaniścayāt tanniścayanibaṃdhanasya ca pramāṇāṃtarasyābhyastaviṣayatve sarvathā tadanupapatterityalaṃ prasaṃgena sarvasyeṣṭasya saṃsiddheḥ pramāṇaprasiddherabādhanāt anyathātiprasaṃgasamarthanāditi etena sarvathā śūnyaṃ saṃvidadvaitaṃ puruṣadvaitaṃ śabdādvaitaṃ vā samāśritya pramāṇaprameyabhāgaṃ nirākurvāṇāḥ pratyākhyātāḥ svayamāśritasya sarvathā śūnyasya saṃvidadvaitādervā kathaṃcidiṣṭatve pramāṇasaṃsiddhervyavasthāpanāt tasyāpyaniṣṭatve tadvāditvavirodhāt pralāpamātrānusaraṇāpatteḥ parīkṣakatvavyāghātāt iti tadevaṃ pramāṇatattvanirṇītau prameyatattvasiddhirnirbādhā vyavatiṣṭhata eva nanu caiva pramāṇasiddhamapi kiṃ svataḥ pramāṇyamātmasātkurvīti parato vā na tāvatsvataḥ sarvatra sarvadā sarvasya tadvipratipattyabhāvaprasaṃgāt nāpi parataḥanavasthānuṣagāt parāparapramāṇānveṣaṇāt kvacidavasthiterayogāt prathamapramāṇāddvitīyasya prāmāṇyasādhane dvitīyācca prathamasya parasparāśrayāṇāpatteḥ prakārāṃtarābhāvāditi kecitte'pyasamīkṣitavacasaḥ saṃlakṣyaṃte svayamabhyastaviṣaye pramāṇasya svataḥ prāmāṇyasiddheḥ sakalavipratipattīnāmapi pratipatturabhāvāt anyathā tasya prameye nissaṃśayaṃ pravṛttyayogāt tathānabhyastaviṣaye parataḥ pramāṇasya prāmāṇyaniścayāt tanniścayanimittasya ca pramāṇāṃtarasyābhyastaviṣayatve svataḥ pramāṇatvasiddheḥ anavasthāparasparāśrayaṇayoranavakāśāt tasyāpyanabhyastaviṣayatve parataḥ pramāṇādabhyastaviṣayāt svataḥsiddhaprāmāṇyāt pramāṇatvaniścayāt sūdaramapi gatvā kasyacidabhyastaviṣayasya pramāṇasyāvaśyaṃbhāvitvāt anyathā pramāṇatadābhāsavyavasthānupapatteḥ tadabhāvavyavasthānupapattivat kutaḥ punaḥ pratipattuḥ kvacidviṣaye'bhyāsaḥ kvacidanabhyāsaḥ syāt iti cet tatpratibaṃdhakadaśāviśeṣavigamābhyāṃ kvacidabhyāsānabhyāsau syātāṃ iti brūmahe paridṛṣṭakāraṇavyabhicārādadṛṣṭasya kāraṇasya siddheḥ tannaḥ karma jñānāvaraṇavīryāṃtarāyākhyaṃ siddhaṃ tasya kṣayopaśamātkasya cit kvacidabhyāsajñānaṃ tatkṣayopaśamābhāve vā 'nabhyāsajñānamiti suvyavasthitaṃ pramāṇasya pramāṇyaṃ suniścitāsaṃbhavadbādhakapramāṇatvāt svayamiṣṭavastuvat sarvatreṣṭasiddhestanmātranibaṃdhanatvādanyathā sarvasya tattvaparīkṣāyāmanadhikārāditi sthitametat prāmāṇādiṣṭasaṃsiddhiranyathātiprasaṃgataḥ prāmāṇyaṃ tu svataḥsiddhamabhyāsātparato'nyathā iti evaṃ pramāṇalakṣaṇaṃ vyavasāyātmakaṃ samyagjñānaṃ parīkṣitaṃ tatpratyakṣaṃ parīkṣaṃ veti saṃkṣepādū dvitayameva vyavatiṣṭhate sakalapramāṇānāmatraivāṃtarbhāvāditi vibhāvanāt paraparikalpitaikadvitryādipramāṇasaṃkhāniyame tadaghaṭanāt tathāhiyeṣāṃ pratyakṣamekameva pramāṇaṃ na teṣāmanumānādipramāṇāṃtarasyāṃtarbhāvaḥ saṃbhavati tadvilakṣaṇatvāt pratyakṣapūrvakatvādanumānādeḥ pratyakṣabhāvaḥ ityayuktaṃ pratyakṣasyāpi kvacidanumānapūrvakatvādanumānādiśvaṃtarbhāvaprasaṃgāt yathaiva hi dharmihetudṛṣṭāṃtapratyakṣapūrvakamanumānaṃ śrotrapratyayapūrvakaṃ ca śābdaṃ sādṛśyānanyathābhāvaniṣedhyādhāravastugrāhi pratyakṣapūrvakāṇi copamānārthāpattyabhāvapramāṇāni tathāanumānena kṛśānuṃ niścitya tatra pravartamānasya pratyakṣamanumānapūrvakaṃ rūpādrasaṃ saṃpratipadya rase rāsanasamakṣavat śabdācca mṛṣṭaṃ pānakamavagamya tatra pravṛttau pratyakṣaṃ śābdapūrvakaṃ kṣīrasya saṃtarpaṇaśaktimarthāpattyādhigamya kṣīre pravṛttasya tadātmake pratyakṣamarthāpattipūrvakaṃ gosādṛśyādgavayamavasāya taṃ vyavaharataḥ pratyakṣanumānapūrvakaṃ gṛhe sarpābhāvamabhāvapramāṇādvibhāvya praviśataḥ pratyakṣamabhāvapūrvakaṃ pratīyate eva tataḥ pratyakṣameva gauṇatvādapramāṇaṃ na punaranumānādikaṃ tasyāgauṇatvāditi śuṣke patiṣyāmi iti jātaḥ pātaḥ kardame syādākūtaṃ na pratyakṣaṃanumānāgamārthāpattyupamānābhāvasāmagrīpūrvaṃkvaṃ tadabhāve'pi cakṣurādisāmagrīmātrāttasya prasūteḥ prasiddhatvāt tadabhāva eva abhāvaniyamāditi tadapyasat laiṃgikādīnāmapi pratyakṣapūrvakatvābhāvāt liṃgaśabdānanyathābhāvasādṛśyapratiyogismaraṇādisāmagrīsadbhāva eva bhāvāt satyapi pratyakṣe svasāmigryabhāve'numānādīnāmabhāvāt tataḥ kiṃ bahunoktena pratiniyatasāmagrīprabhavatayā pramāṇabhedamabhimanyamāne pratyakṣavadanumānādīnāmapi agauṇatvamanumaṃtavyaṃ pratiniyatasvaviṣayavyavasthāyāṃ parāpekṣāvirahāt yathaiva hi pratyakṣaṃ sākṣātsvārthaṃ paricchittau nānumānādyapekṣaṃ tathānumānamanumeyanirṇītau na pratyakṣāpekṣamutprekṣate pratyakṣasya dharmihetudṛṣṭāṃtagrahaṇamātre paryavasitatvāt nāpi śābdaṃ śabdapratipādye'rthe pratyakṣamanumānaṃ copekṣate tayoḥ śabdaśravaṇamātre śabdārthasaṃbaṃdhānumātre vyāpārāt natvarthāpattiḥ pratyakṣamanumānamāgamaṃ cāpekṣate abhāvopamānavat tasyāśca pratyakṣādipramāṇapramitārthāvinābhāvinyadṛṣṭe'rthe nirṇayanibaṃdhanatvāt pratyakṣādīnāmarthāpattyutthāpaka padārthaniścayamātre vyāvṛttatvāt nacopamānaṃ pratyakṣādīnyapekṣate tasyopameye'rthe niścayakāraṇe pratyakṣādi nirapekṣatvāt pratyakṣādeḥ sādṛśyapratipattimātre 'nadhikārāt nacābhāvapramāṇaṃ pratyakṣādisāpekṣaṃ niṣedhyādhāravastugrahaṇe tasya sāmarthyāt paraṃparayānumānādīnāṃ pratyakṣapūrvakatvaṃ pratyakṣasyāpyanumānādipūrvakatvaṃ duḥśakyaṃ parihartuṃ kathaṃ cāyaṃ pratyakṣaṃ pramāṇaṃ vyavasthāpayet svata eveti cet kimātmasabaṃdhi sarvasaṃbaṃdhi vā prathamakalpanāyāṃ na sakaladeśakālapuruṣapariṣatpratyakṣaṃ pramāṇaṃ siddhyet dvitīyakalpanāyāmapi na svapratyakṣātsakalaparapratyakṣāṇāṃ prāmāṇyaṃ sādhayitumīśaḥ teṣāmanīṃdriyatvāt vādipratyakṣāgocaratvāt yadi punaḥ sakalapuruṣapratyakṣāṇi svasmin svasmin viṣaye svataḥ prāmāṇyamanubhavaṃti iti mataṃ tadā kutastatsiddhiḥ vivādādhyāsitāni sakaladeśakālavartipuruṣapratyakṣāṇi svataḥ prāmāṇyamāpadyaṃte pratyakṣatvāt yadyatpratyakṣaṃ tattatsvataḥ prāmāṇyamāpadyamānaṃ siddhaṃ yathā matpratyakṣaṃ pratyakṣāṇi ca vivādādhyāsitāni tasmātsvataḥ prāmāṇyamāpadyaṃte sakalapratyakṣāṇāṃ svataḥprāmāṇyasādhane siddhamanumānaṃ pratyakṣatvena svabhāvahetunā pratyakṣasya svataḥ prāmāṇyasādhanāt śiṃśupātvena vanaspateḥ vṛkṣatvasādhanavat pratipadyabuddhyā tathānumānavacanādadoṣa iti cet pratipādyabuddhiṃ pratipadya apratipadya vā tayānumānaprayogaḥ syāt na tāvadapratipadya atiprasaṃgāt pratipadya tadbuddhitayānumānaprayoge kutastatprapittiḥ vyavahārādikāryaviśeṣāditi cet siddhaṃ kāryātkāraṇānumānaṃ dhūmātpāvakānumānavat yadi punarlokavyavahārāt pratipadyata evānumānaṃ laukāyatikaiḥ paralokādevānumānasya nirākaraṇāt tasyābhāvāditi mataṃ tadāpi kutaḥ paralokādyabhāvapratipattiḥ na tāvatpratyakṣāt tasya tadagocaratvāt nāsti paralokādiḥ anupalabdheḥ khapuṣpavaditi tadabhāvasādhane'nupalabadhilakṣaṇamanumānamāyātaṃ taduktaṃ dharmakīrtinā pramāṇetarasāmānyasthiteranyadhiyogateḥ pramāṇāṃtarasadbhāvaḥ pratiṣedhācca kasyacit iti tataḥ pratyakṣamanumānamiti dve eva pramāṇe prameyadvaividhyāt na hyābhyāmarthaṃ parichidya pravartamāno'rtha kriyāyāṃ visaṃvādyata iti pramāṇasaṃkhyāniyamaṃ saugatāḥ pratipadyaṃte teṣāmāgamopamānādīnāṃ pramāṇabhedānāmasaṃgraha eva teṣāṃ pratyakṣānumānayoraṃtarbhāvayitumaśakteḥ syānmatireṣā bhavatāṃ tadarthasya dvaividhyāt dvayoraṃtarbhāvaḥ syāt dvividho hyarthaḥ pratyakṣaḥ parokṣaśca tatra pratyakṣaviṣayaḥ sākṣātkriyamāṇaḥ pratyakṣaḥ parokṣaḥ punarasākṣātparicchidyamāno'numeyatvādanumānaviṣayaḥ sa hi padārthāṃtarātsākṣātkriyamāṇāt pratipadyate tacca padārthāṃtaraṃ tena parokṣeṇārthena sabaddhaṃ pratyāyayituṃ samarthaṃ nāsaṃbaddhaṃ gavāderapyaśvādeḥ pratītiprasaṃgāt saṃbaddhaṃ cārthāṃtaraṃ liṃgameva śabdādi tajjanitaṃ ca jñānamanumānameva tato na parokṣe'rthe'numānādanyatpramāṇamasti śabdopamānādīnāmapi tathānumānatvasiddheḥ anyathā tato'rthapratipattau atiprasaṃgāt iti tadetadapi na parīkṣākṣamaṃ pratyakṣasyāpi tathānumānatvaprasaṃgāt pratyakṣamapi hi svaviṣaye saṃbaddhaṃ tatpratyāyanasamarthaṃ tatrāsaṃbaddhasyāpi tatpratyāyanasāmarthye sarvapratyakṣaṃ sarvasya nuḥ sarvārthapratyāyanasamarthaṃ syāditi kathamatiprasaṃgo na syāt yadi punaḥ saṃbaṃdhādhīnatvāviśeṣe'pi pratyakṣaparokṣārtha pratipatteḥ sākṣādasākṣātpratibhāsabhedāt bhedo'bhyupagamyate pramāṇāṃtaratvena tadeṃdriyasvasaṃvedanamānasayogipratyakṣāṇāmapi pramāṇāṃtaratvānuṣaṃgaḥ pratibhāsabhedāviśeṣāt na hi yādṛśaḥ pratibhāso yogipratyakṣasya viśadatamastādṛśo'kṣajñānasyāsti svasaṃvedanasya manovijñānasya vā yathābhūtaśca svasaṃvedanapratyakṣāṃtarmukho viśadataraḥ na tathābhūto'kṣajñānasya yādṛśaścākṣajñānasya bahirmukhaḥ sphuṭaḥ pratibhāso na tādṛśo manovijñānasyeti kathaṃ pramāṇāṃtaratā na bhavet atha pratibhāsaviśeṣe'pi taccaturvidhamapi pratyakṣameva na pramāṇāṃtaraṃ tarhi pratyakṣānumānayoḥ pratibhāsabhedepi svaviṣayasaṃbaṃdhāviśeṣātva pramāṇāṃtaratvaṃ mābhūt yadi punaḥ svaviṣayasaṃbaddhatvāviśeṣe'pi pratyakṣānumānayoḥ sāmagrībhedāt pramāṇāṃtaratvamurarīkriyate tadā śābdopamānādīnāmapi tata eva pramāṇāṃtaratvamurarīkriyatāṃ yathaiva hi akṣādisāmagrītaḥ pratyakṣaṃ liṃgasāmagrīto'numānaṃ prabhavatīti tayoḥ sāmigrībhedaḥ tathāgamaḥ śabdasāmigrītaḥ prabhavati upamānaṃ sādṛśyasāmagrītaḥ arthāpattiśca parokṣārthāvinābhūtārthamātrasāmagryāḥ pratiṣedhyādhāravastugrahaṇapratiṣedhyasmaraṇasāmagryaścābhāva iti prasiddhaḥ śābdādīnāmapi sāmagrībhedaḥ tata evākṣajñānādipratyakṣacatuṣṭayasya prabhedaprasiddheḥ nahi tasyārthabhedo'sti sākṣātkriyamāṇasyārthasyāviśeṣāt tadvalliṃgaśabdādisāmagrībhedātparokṣārthaviṣayatvāviśeṣepyanumānāgamādīnāṃ bhedaprasiddhiriti nānumāne'ṃtarbhāvaḥ saṃbhavati tathā sādhyasādhanasaṃbaṃdhavyāptipratipattau na pratyakṣaṃ samarthaṃ yāvān kaściddhūmaḥ sa sarvaḥ kālāṃtare deśāṃtare ca pāvakajanmā anyajanmā vā na bhavati ityetāvato vyāpārān kartumasamarthatvāt sannihitārthamātrādutpatteravicārakatvāt yogipratyakṣaṃ tatra samarthamiti cet na deśakālayogipratyakṣadvayānatikramāt deśayoginaḥ pratyakṣaṃ vyāptipratipattau samarthamityayuktaṃ tatrānumanavaiyarthyāt na hi yogipratyakṣeṇa sākṣātkṛteṣu sādhyasādhanaviśeṣeṣu aśeṣeṣu phalavadanumānaṃ atha sakalayogipratyakṣeṇa vyāptipratipattāvadoṣa iti cenna uktadoṣasyātrāpi tadvasthatvāt parārthaphalavadanumānamiti cet na tasya svārthānumānapūrvakatvāt svārthānumānābhāve ca yoginaḥ kathaṃ parārthānumānaṃ nāma yadi punaḥ sakalayoginaḥ parānugrahāya pravṛttatvāt parānugrahasya ca śabdātmakaparārthānumānamaṃtareṇa kartumaśakteḥ parārthānumānasiddhiḥ tasyāśca svārthānumānāsaṃbhave'nutpadyamānatvāt svārthānumānasiddhirapi parapratipādanapravṛttasya saṃbhāvyata eveti mataṃ tadā sa yogī svārthānumāne caturāryasatyāni niścitya parārthānumānena paraṃ pratipādayan grahītavyāptikamagṛhītavyāptikaṃ vā pratipādayet yadi gṛhītavyāptikaṃ tadā kutastena gṛhītā vyāptiḥ na tāvādiṃdriyasvasaṃvedanamanovijñānaisteṣāṃ tadaviṣayatvāt yogipratyakṣeṇa gṛhyate vyāptiḥ pareṇa tasyāpi deśayogitvāt iti cet tarhi yāvatasu sādhyasādhanabhedeṣu yogipratyakṣaṃ deśayoginastāvatsu vyarthamanumānaṃ spaṣṭaṃ pratibhāteśvapi anumāne sakalayoginaḥ sarvatrānumānaprasaṃgāt samāropavyavacchedārthamapi na tatrānumānaṃ yogipratyakṣaviṣaye samāropānavakāśāt sugatapratyakṣaviṣayavat tato na gṛhītavyāptikaṃ paraṃ sakalayogī pratipādayitumarhati nāpyagṛhītavyāptikaṃ atiprasaṃgāt iti parapratipādanānupapattiḥ tasyāṃ ca na parārthānumānaṃ saṃbhavati tadasaṃbhave cā na svārthānumānamavatiṣṭhate sakalayoginastadavyavasthāne ca na sakalayogipratyakṣeṇa vyāptigrahaṇaṃ yuktimadhivasati pratyakṣānupalaṃbhābhyāṃ sādhyasādhanayorvyāptipratipattirityapyanenāpāstaṃ pratyakṣeṇa vyāptipratipattinirākṛtau pratyakṣāṃtaralakṣaṇenānupalaṃbhena tatpratipattinirākṛtisiddheḥ yopyāha kāraṇānupalaṃbhāt kāryakāraṇabhāvavyāptiḥ vyāpakānupalaṃbhād vyāpyavyāpakabhāvaḥ sākalyena pratipadyata ityanumānasiddhā sādhyasādhanavyāptiḥ tathāhi yāvān kaściddhūmaḥ sa sarvopyagnijanmā mahāhṛdādiṣvagneranupalaṃbhāddhūmābhāvasiddheriti kāraṇānupalaṃbhānumānaṃ yāvaṃtī śiṃśapā sā sarvā vṛkṣasvabhāvā vṛkṣānupalabdhau śiṃśapātvābhāvasiddhe iti vyāpakānupalaṃbho liṃgaṃ etāvatā sākalyena sādhyasādhanavyāptisiddhiḥ iti so'pi na yuktavādī tathānavasthānuṣaṃgāt kāraṇānupalaṃbhavyāpakānupalaṃbhayorapi hi svasādhyena vyāptirna pratyakṣataḥ siddhyet pūrvoditadoṣāsakteḥ parasmādanumānāttatsiddhau kathamanavasthā na syāt pratyakṣānupalaṃbhapṛṣṭabhāvino vikalpāt svayamapramāṇakāt sādhyasadhānavyāptisiddhau kimakāraṇaṃ pratyakṣānumānapramāṇapoṣaṇaṃ kriyate mithyājñānādeva pratyakṣānumeyārthasiddhervyāptisiddhivat tasmādyathā pratyakṣaṃ pramāṇamicchatā sāmastyena tatprāmāṇyasādhanamanumānamaṃtareṇa nopapadyate ityanumānamiṣṭaṃ tathā sādhyasādhanavyāptijñātapramāṇamaṃtareṇa nānumānotthānamasti iti tadapyanujñātavyaṃ taccohākhyamavisaṃvādakaṃ pramāṇāṃtaraṃ siddhamiti na pratyakṣānumāne eva pramāṇe iti pramāṇasaṃkhyāniyamo vyavatiṣṭhate etena vaiśeṣikapramāṇasaṃkhyāniyamo pratyākhyātaḥ syānmataṃ sādhyasādhanasāmānyayoḥ kvacidvyaktiviśeṣe pratyakṣata eva saṃbaṃdhasiddherna pramāṇāṃtaramanveṣaṇīyaṃ yāvān kaściddhūmaḥ sa sarvo'pi agnijanmānagnijanmā vā na bhavati ityūhāpohavikalpajñānasya pramāṇāṃ taratvaṃ saṃbaṃdhagrāhisamakṣapramāṇaphalatvāt kvacidanumitānumāne sādhyasādhane ādityagamanaśaktirasti gatimattvāt ādityo gatimān deśāddeśāṃtaraprāpteḥ devadattavat saṃbaṃdhabodhanibaṃdhanānumānaṃ phalavat tataḥ pratyakṣamanumānamiti pramāṇadvayasaṃkhyāniyamaḥ kaṇacaramatānusāriṇāṃ vyavatiṣṭhata eveti tadapyasāraṃ savikalpakenāpi pratyakṣeṇa sākalyena sādhyasādhanasaṃbaṃdhagṛhītumaśakteḥ sādhyaṃ hi kimagnisāmānyaṃ agniviśeṣognisāmānyaviśeṣo vā na tāvadagnisāmānyaṃ siddhasādhyatāpatteḥ nāpyagniviśeṣastasyānanvayāt banhisāmānyaviśeṣasya hi sādhyatve tena dhūmasya saṃbaṃdhaḥ sakaledeśakālavyāpyadhyakṣataḥ kathaṃ siddhyet tathā tatsaṃbaṃdhāsiddhau ca yatra yatra yadā yadā dhūmopalaṃbhaḥ tatra tatra tadā tadā'gnisāmānyaviśeṣaviṣayamanumānaṃ nodayamāsādayet na hyanyathā saṃbaṃdhagrahṇamanyathānumānotthānaṃ nāmātiprasaṃgāt tataḥ saṃbaṃdhajñānaṃ pramāṇāṃtarameva pratyakṣānumānayostadaviṣayatvāt yaccoktaṃ pratyakṣaphalatvādūhāpohavijñānasyāpramāṇatvamiti tadapyasamyak viśeṣaṇajñānaphalatvādviśeṣyajñānasyāpramāṇatvānuṣaṃgāt hānopādānopekṣābuddhiphalakāraṇatvādviśeṣyajñānasya pramāṇatve tata evohāpohavijñānasya pramāṇatvamastu sarvathā viśeṣābhāvāt pramāṇaviṣayatvapariśodhakatvānnohaḥ pramāṇamityapi vārtaṃ pramāṇaviṣayasyāpramāṇena pariṣodhanavirodhāt tathā tarkaḥ pramāṇaṃ pramāṇaviṣayapariśodhakatvāt yastu na pramāṇaṃ sa na pramāṇaviṣayapariśodhako dṛṣṭo yathā prameyo'rthaḥ pramāṇaviṣayapariśodhakaśca tarkastasmātpramāṇamiti kevalavyatirekiṇānumānenānyathānupapattiniyamaniścayalakṣaṇena tarkasya pramāṇatvasiddheḥ na vaiśeṣikāṇāṃ pramāṇadvayasaṃkhyāniyamaḥ siddhyet etena dvitricatuḥpaṃcaṣaṭpramāṇavādināṃ pramāṇasaṃkhyāniyamaḥ pratidhvastaḥ saṃkhyānāṃ pratyakṣānumānābhyāmivāgamādapi sādhyasādhanasaṃbaṃdhāsiddheḥ tarkasya tatsiddhinibaṃdhanasya pramāṇāṃtaratvopapatteḥ naiyāyikānāṃ ca pratyakṣānumānāgamairivopamānenāpi liṃgaliṃgigrahaṇāsaṃbhavāt prabhākarāṇāṃ ca pratyakṣānumānopamānāgamairiva arthāpattyāpi hetuhetumatsaṃbaṃdhasiddherasaṃbhavāt bhaṭṭamatānusāriṇāmapi pratyakṣānumānopamānāgamārthāpattibhiriva abhāvapramāṇenāpi vyāptiniścayānupapattestanniścayanibaṃdhanasyohajñānasya pramāṇāṃtarasya siddhiravaśyaṃbhāvinī duḥśakyā nirākartuṃ nanūhaḥ svaviṣaye saṃbaddhe'saṃbaddho vā na tāvadasaṃbaddhastaṃ pratyāyayitumīśo'tiprasaṃgāt saṃbaddhaścet kutastatpratipattiḥ na tāvatpratyakṣāt tasya tadaviṣayatvāt nāpyanumānādanavasthānuṣaṃgāt yadi punarūhāṃtarāttatsaṃbaṃdhasiddhiḥ tadohāṃtarasyāpi svaviṣayasabaṃdhasidbhipūrvakatvāt tasyāścāparohanibaṃdhanatvāt saivānavasthā pramāṇāṃtarāttatsiddhau ca sa eva paryanuyogaḥ parāparapramāṇāṃtaraparikalpanānuṣaṃgāt kveyaṃ pramāṇasaṃkhyā vyavatiṣṭheteti kecit teṣāmapi pratyakṣaṃ svaviṣayaṃ pratibodhayat tatsaṃbaṃdhaśca nānumānādeḥ siddhyati tasya tadaviṣayatvāt pratyakṣāṃtarāttatsiddhau tatrāpi prakṛtaparyanuyoṃgānivṛtteḥ kathamanavasthā na syāt yataḥ pratyakṣaṃ pramāṇamabhyupagamanīyamiti pratipadyāmahe syānmatireṣā pratyakṣaṃ svaviṣayasaṃbaṃdhāvabodhanibaṃdhanaṃ prāmāṇyamātmasātkurute tasya svaviṣaye svayogyatābalādeva pramāṇatvavyavasthiteḥ anyathā kvacidapūrvārthagrāhiṇaḥ pratyakṣasyāpramāṇatvānuṣaṃgāt iti sāpi na sādhīyasī tathohasyāpi svayogyatāviśeṣasāmarthyādeva svaviṣayapratyāyanasiddherbhavadudbhāvitadūṣaṇavaiyarthyavyavasthānāt yogyatāviśeṣaḥ punaḥ pratyakṣasyeva svaviṣayajñānāvaraṇavīryāṃtarāyakṣayopaśamaviśeṣa evohasyāpi pratipadyate sakalabādhakavaidhuryāt yathā ca pratyakṣasyotpattau mano'kṣādisāmigrī yogyatāyāḥ sahakāriṇī bahiraṃganimittatvāt tathohasyāpi samudbhūtau bhūyaḥ pratyakṣānupalaṃbhasāmigrībahiraṃganimitabhūtānumanyate tadanvayavyatirekānuvidhāyitvādūhasyeti sarvaniravadyasiddhe cānumānapramāṇānyathānupapattyā tarkasya pramāṇatvepratyabhijñānaṃ pramāṇaṃ tarkapramāṇatvānyathānupapatteḥ na hyapratyabhijñāne viṣaye tarkaḥ pravartate atiprasaṃgāt naca gṛhītagrahaṇātpratyabhijñānasyāpramāṇatvaṃ śakanīyaṃ tadviṣayasyāsmaryamāṇadṛśyamānaparyāyavyāpyekadravyasya smaraṇapratyakṣāgocaratvāt apūrvārthagrāhitvāsiddheḥ nacedaṃ pratyakṣe'ṃtarbhavati pratyakṣasya vartamānaparyāyaviṣayatvāt nāpyanumāne liṃgānapekṣatvāt na śābde śabdanirapekṣatvāt nopamāne sādṛśyamaṃtareṇāpi bhāvāt nārthapattau pratyakṣādipramāṇaṣaṭkavijñātārthapratipattimaṃtareṇāpi prādurbhāvāt nābhāve niṣedhyādhāravastugrahaṇena niṣedhyasmaraṇena ca vinaivotpādāditi sarveṣāmekadvitricatuḥpaṃcaṣaṭpramāṇasaṃkhyāniyamaṃ vighaṭayati etena smṛtiḥ pramānāṃtaramuktaṃ tasyāśca pratyakṣādiṣvaṃtarbhāvayitumaśakteḥ na cāsāvapramāṇameva saṃvādakatvāt kathaṃcidapūrvārthagrāhitvāt bādhābarjitatvāccānumānavaditi yeṣāṃ tu smaraṇamapramāṇaṃ teṣāṃ pūrvapratipannasya sādhyasādhanasaṃbaṃdhasya vācyavācakasaṃbaṃdhasya ca smaraṇasāmarthyādavyavāsthiteḥ kuto'numānaṃ śābdaṃ vā pramāṇaṃ siddhyet tadaprasiddhau ca na saṃvādakatvāsaṃvādakatvābhyāṃ pratyakṣatadābhāsavyavasthitiriti sakalapramāṇavilopāpattiḥ tataḥ pramāṇavyavasthāmabhyanujānatā smṛtirapi pramāṇayitavyā iti na pareṣāṃ saṃkhyāniyamaḥ siddhyet syādvādināṃ tu saṃkṣepātpratyakṣaparokṣavikalpāt pramāṇadvayaṃ siddhatyeva tatra sakalapramāṇabhedānāṃ saṃgrahāditi sūktaṃ kiṃ punaḥ pratyakṣamityucyate viśadajñānātmakaṃ pratyakṣaṃ pratyakṣatvāt yattu na viśadajñānātmakaṃ tanna pratyakṣaṃ yathānumānādijñānaṃ pratyakṣaṃ ca vivādādhyāsitaṃ tasmādviśadajñānātmakaṃ na tāvadatrāprasiddho dharmī pratyakṣadharmiṇi kevalapratyakṣavādināmavipratipatteḥ śūnyasaṃvedanādvaitavādināmapi svarūpapratibhāsanasya pratyakṣasyābhīṣṭeḥ pratyakṣatvasya hetorasiddhatāpi anena samutsāritā pratyakṣamicchadbhiḥ pratyakṣatvasya taddharmasya svayamiṣṭatvāt pratijñārthaikadeśāsiddhatvaṃ sādhanasya syāditi cet kā punaḥ pratijñā tadekadeśo vā yasyāsiddhatvaṃ śaṃkyeta dharmadharmisasudāyaḥ pratijñā tadekadeśo dharmī heturyathā naśvaraḥ śabdo śabdatvāditi tathā sādhyadharmaḥ pratijñaikadeśo yathā naśvaraḥ śabdo naśvaratvāt soyaṃ dvividho pratijñārthaikadeśāsiddhau hetuḥ syāditi cet na dharmiṇo hetutve kasya cidasiddhatānupapatteḥ yathaiva hi pratyakṣaprayogakāle vādiprativādi prasiddho dharmī tathā tasya hetutvavacane'pi nāsiddhiḥ sādhyadharmastu hetutvenopādīyamāno na pratijñātārthaikadeśatvenāsiddho dharmiṇo'pyasiddhiprasaṃgāt kiṃ tarhi svarūpeṇa vāsiddha iti na pratijñārthaikadeśāsiddho nāma hetvābhāsaḥ saṃbhavatīti kathaṃ prakṛtahetau pratijñārthaikadeśāsiddhatvaṃ samudbhāvayan bhāvitānumānasvabhāvaḥ dharmiṇo hetutve'nanvayaprasaṃga iti cet na viśeṣaṃ dharmiṇaṃ kṛtvā sāmānyaṃ hetuṃ bruvatāṃ doṣāsaṃbhavāt pratyakṣaṃhi viśeṣarūpaṃ dharmī pratyakṣasāmānyaṃ hetuḥ sa kathamananvayaḥ syāt sakalapratyakṣaviśeṣasya vyāpitvāt dṛṣṭāṃte kvacidabhāvāt ananvaya iti cet na sarve bhāvāḥ kṣaṇikāḥ sattvāt ityāderapi hetorananvayatvaprasakteḥ athāsya dṛṣṭāṃtena anvayasyāpi sādhyadharmiṇi sarvatrānvayasiddhervikṣe bādhakapramāṇasadbhāvācca nirdoṣatānumanyate tata eva pratyakṣatvasya hetornidoṣatāstu sarvathā viśeṣābhāvāt kevalavyatirekiṇo'pi hetoravinābhāvanirṇayāt sādhyasādhanasāmarthyānna kaścidupālaṃbhastato niravadyo'yaṃ hetuḥ pratyakṣasya viśadajñānātmakatvaṃ sādhayatyeva nacaitadasaṃbhavi sādhyamātmānaṃ pratiniyatasya jñānasya pratyakṣaśabdavācyasyārthasākṣātkāriṇaḥ sarvasya kārtsnyena ekadeśena vā vaiśadyasiddherbādhakābhāvāt akṣṇoti vyāpnoti jānātītyakṣo hi ātmānameva kṣīṇāvaraṇaṃ kṣīṇopaśāṃtāvaraṇaṃ vā pratiniyatasya jñānasya pratyakṣaśabdavācyasya kathaṃcidapi vaiśadyaṃ sabhāvyamiti sūktaṃ viśadajñānātmakaṃ pratyakṣaṃ tattrividhaṃ iṃdriyāniṃdriyātīṃdriyapratyakṣavikalpanāt tatreṃdriyapratyakṣaṃ sāṃvyavahārikaṃ deśatoviśadatvāt tadvadaniṃdriyapratyakṣaṃ tasyāṃtarmukhākārasya kathaṃ cidvaiśadyasiddheḥ atīṃdriyapratyakṣaṃ tu dvividhaṃ vikalapratyakṣaṃ sakalapratyakṣaṃ ceti vikalapratyakṣamapi dvividhaṃ avadhijñānaṃ manaḥparyayajñānaṃ ceti sakalapratyakṣaṃ tu kevalajñānaṃ tadetattritayamapi mukhyaṃ pratyakṣaṃ mano'kṣānapekṣatvāt atītavyavabhicāritvāt sākāravastugrāhitvāt sarvathā svaviṣayeṣu vaiśadyācca tathā coktaṃ tattvārthavārtikakāraiḥ iṃdriyāniṃdriyānapekṣam atītavyabhicāraṃ sākāragrahaṇaṃ pratyakṣam iti tatreṃdriyāniṃdriyānapekṣamiti vacanāt sāṃvyavahārikasyeṃdriyapratyakṣasyāniṃdriyasya ca deśato viśadasya vyavacchedasiddheḥ atītavyabhicāramiti vacanāt vibhaṃgajñānasyāvadhipratyakṣābhāsasya nivṛtteḥ sākāragrahaṇamiti pratipādanāt nirākāragrahaṇasya darśanasya pratyakṣatvavyāvartanāt sūktaṃ mukhyaṃ pratyakṣatrayaṃ nanu svasaṃdenapratyakṣaṃ caturthaṃ syāditi na maṃtavyaṃ tasya sakalajñānasādharaṇasvarūpatvāt yathaiva hīṃdriyapratyakṣasya svarūpasaṃvedanamiṃdriyapratyakṣameva anyathā tasya svaparasvarūpasaṃvedakatvavirodhāt saṃvedanadvayaprasaṃgācca tathānīṃdriyapratyakṣasya mānasasya svarūpasaṃvedanamaniṃdriyapratyakṣameva tata eva tadvadatīṃdriyapratyakṣatritayameveti na tato'rthāṃtaraṃ svasaṃvedanapratyakṣaṃ etena śrutajñānasya svarūpasaṃvedanamaniṃdriyapratyakṣamuktaṃ pratipattavyaṃ tasyāniṃdriyanimittatvāt vibhramajñānasvarūpasaṃvedanavat tathā ca sakalaṃ jñānaṃ svarūpasaṃvedanāpekṣayā pramāṇaṃ siddhaṃ bhāvaprameyāpekṣāyāṃ pramāṇābhāsaninhavaḥ kiṃ punariṃdriyapratyakṣaṃ iṃdriyapradhānyādiṃdriyavalādhānādupajāyamānaṃ matijñānaṃ tadiṃdriyāniṃdriyanimittaṃ iti vacanāt taccaturvidhaṃ avagrahehāvāyadhāraṇāvikalpāt tatra viṣayaviṣayisannipātānaṃtaramādyagrahaṇamavagrahaḥ tadgṛhītavastuviśeṣākāṃkṣaṇamīhā bhavitavyatāpratyayarūpāttadīhitaviśeṣaniścayo'vāyaḥ sāvadhāraṇaṃ jña naṃ kālāṃtarāvismaraṇakāraṇaṃ dhāraṇājñānaṃ tadetaccatuṣṭayamapi akṣavyāpārāpekṣaṃ akṣavyāpārābhāve tadanudbhavanāt mano'pekṣaṃ ca pratihatamanasastadanutpatteḥ tata eveṃdriyapratyakṣaṃ deśato viśadamavisaṃvādakaṃ pratipattavyaṃ sparśanādīndriyanimittasya bahubahuvidhakṣiprānisṛtānuktadhruveṣu taditareṣvartheṣu vartamānasya pratīṃdriyamaṣṭacatvāriṃśadbhedasya vyaṃjanāvagrahabhedairaṣṭacatvāriṃśatā sahitasya saṃkhyāṣṭāśītyuttaradviśatī pratipattavyā tathā aniṃdriyapratyakṣaṃ bahvādidvādaśaprakārārthaviṣayamavagrahādivikalpamaṣṭacatvāriṃśatsaṃkhyaṃ pratipattavyaṃ yatpunaratīṃdriyapratyakṣavikalpamavadhijñānaṃ tat ṣaḍvidhaṃ anugāmiananugāmivardhamānahīyamānaavasthitaanavasthitavikalpāt sapratipātāpratipātayoratraivāṃtarbhāvāt saṃkṣepatastu trividhaṃ deśāvadhiparamāvadhisarvāvadhibhedāt tatra deśāvadhijñānaṃ ṣaḍvikalpamapi saṃbhavati paramāvadhijñānaṃ tu saṃyamaviśeṣaikārthasamavāyibhavāṃtarāpekṣayānanugāmi pratipātaṃ ca pratyeyaṃ tadbhavāpekṣayā ca tadanugāmyeva nānanugāmi vardhamānameva na hīyamānaṃ avasthitameva nānavasthitaṃ apratipātameva napratipātaṃ tathāvidhaviśuddhinibaṃdhanatvāt etena sarvāvabhadhijñānaṃ vyākhyātaṃ kevalaṃ tadvardhamānamapi na bhavati paramaprakarṣaprāptatvāt sakalāvadhijñānāvaraṇavīryāṃtarāyakṣayopaśamavaśātprasūtatvāt atisaṃkṣepastu dvividhamavadhijñānaṃ bhavapratyayaṃ guṇapratyayaṃ ceti tatra bhavapratyayaṃ bahiraṃgadevabhavanārakabhavapratyayanimittatvāt tadbhāve bhāvāt tadabhāve'bhāvāt tattu deśāvadhijñānameva guṇapratyayaṃ tu samyagdarśanaguṇanimittamasaṃyatasamyagdṛṣṭeḥ saṃyamāsaṃyamaguṇahetukaṃ saṃyatāsaṃyatasya saṃyamaguṇanibaṃdhanaṃ saṃyatasya satyaṃtaraṃgahetau bahiraṃgasya guṇapratyayasya bhāve bhāvāt tadabhāve cābhāvāt tathā manaḥparyayajñānaṃ vikalamatīṃdriyapratyakṣaṃ dvedhā ṛjumativikalpāt tatrarjumatimanaḥparyayajñānaṃ nirvartitapraguṇavākkāyamanaskṛtārthasya paramanogatasya paricchedakatvāttrividhaṃ vipulamatimanaḥ paryayajñānaṃ tu nirvartitānirvartitapraguṇāpraguṇavākkāyamanaskṛtārthasya paramanasi sthitasya sphuṭataramavabodhakatvāt ṣaṭprakāraṃ tathāvidhamanaḥparyayajñānāvaraṇavīryāṃtarāyakṣayopaśamaviśeṣavalāt prādurbhūtatvāt sakalamatīṃdriyapratyakṣaṃ kevalajñānaṃ sakalamohakṣayāt sakalajñānadarśanāvaraṇavīryāṃtarāyakṣayācca samudbhūtatvāt sakalavaiśadya sadbhāvāt sakalaviṣayatvācca tadvān kaścitpuruṣaviśeṣo bhavatyeva sunirṇītāsaṃbhadbādhakapramāṇatvāt tathā śāstrajñānena tadvānubhayavādiprasiddhaḥ nacātrāsiddhaṃ sādhanaṃ sarvātīṃdriyapratyakṣavataḥ puruṣasya pratyakṣādipramāṇairabādhyamānasya sakaladeśakālapuruṣapariṣadapekṣayāpi siddhatvāt sukhādisaṃvedanasyāpi tathaiva pramāṇatvopapatteḥ anyathā kasyacidiṣṭasiddherasaṃbhavāt iti saṃkṣepato viśadaṃ jñānaṃ sāṃvyavahārikaṃ mukhyaṃ ca prarūpitaṃ vistaratastu tattvārthālaṃkāre parīkṣitamiha dṛṣṭavyaṃ saṃprati parokṣamucyate parokṣamaviśadajñānātmakaṃ parokṣatvāt yannāviśadajñānātmakaṃ tanna parokṣaṃ yathātīṃdriyapratyakṣaṃ parokṣaṃ ca vivādādhyāsitaṃ jñānaṃ tasmādaviśadajñānātmakaṃ nacāsya parokṣatvamasiddhaṃakṣebhyaḥ parāvṛttatvāt tathopāttānupāttaparapratyayāpekṣaṃ parokṣamiti tattvārthavārtikakārairabhidhānāt upātto hi pratyayaḥ karmavaśādātmanā karaṇatvena gṛhītaḥ sparśanādiḥ tato'nyaḥ punarbahiraṃgaḥ sahakārī pratyayo'nupāttaḥ śabdaliṃgādiḥ tadapekṣaṃ jñānaṃ parokṣamityabhidhīyate tadapi saṃkṣepato dvedhā matijñānaṃ śrutajñānaṃ ceti ādye parokṣaṃ iti vacanāt matiśrutāvadhimanaḥparyayakevalāni hi jñānaṃ tatrādye matiśrute sūtrapāṭhāpekṣayā lakṣyete te ca parāpekṣatayā parokṣe pratipādite parānapekṣāṇyavadhimanaḥparyayakevalāni yathā pratyakṣāṇīti tatrāvagrahādidhāraṇāparyaṃtaṃ matijñānamapi deśatovaiśadyasadbhāvātsāṃvyavahārikaṃ iṃdriyapratyakṣamatīṃdriyapratyakṣaṃ cābhidhīyamānaṃ na virudhyate tataḥ śeṣasya matijñānasya smṛtisaṃjñāciṃtābhinibodhalakṣaṇasya śrutasya ca parokṣatvavyavasthiteḥ taduktamakalaṃkadevaiḥ pratyakṣaṃ viśadaṃ jñānaṃ mukhyasaṃvyavahārataḥ parokṣaṃ śeṣavijñānaṃ pramāṇamiti saṃgrahaḥ tatra tadityākārānubhūtārthaviṣayā smṛtiḥ aniṃdriyapratyakṣaṃ viśadatvāt sukhādisaṃvedanavadityeke tadasat tasmāttatra vaiśadyāsiddheḥ punarbhāvayato vaiṣadyapratīterbhāvanājñānatvāt tasya ca bhrāṃtatvāta svapnajñānavat pūrvānubhūte'tīte'rthe vaiśadyāsaṃbhavāt smṛtiḥ parokṣameva śrutānumitasmṛtivat ityapare tadityullekhasya sarvasyāṃ smṛtau sadbhāvāt sā ca pramāṇamavisaṃvādakatvāt pratyakṣavat yatra tu visaṃvādaḥ sā smṛtyābhāsā pratyakṣābhāsavat tathā tadevedamityākāraṃ jñānaṃ saṃjñā pratyabhijñā tādṛśamevedamityākāraṃ vā vijñānaṃ saṃjñocyate tasyā ekatvasādṛśyaviṣayatvāddvaividhyopapatteḥ dvividhaṃ hi pratyabhijñānaṃ tadevedamityekatvanibaṃdhanaṃ tādṛśamevedati sādṛśyanibaṃdhanaṃ ca nanu ca tadevetyatītapratibhāsasya smaraṇarūpatvāt idamiti saṃvedanasya pratyakṣarūpatvāt saṃvedanadvitayamevaitat tādṛśamevedamiti smaraṇapratyakṣasaṃvedanadvitayavat tato naikaṃ jñānaṃ pratyabhijñākhyāṃ pratipadyamānaṃ saṃbhavatīti kaścit so'pi na saṃvedanaviśeṣavipaścit smaraṇapratyakṣajanyasya pūrvottaravivartavartyekadravyaviṣayasya pratyabhijñānasyaikasya supratītatvāt na hi taditi smaraṇaṃ tathāvidhadravyavyavasāyātmakaṃ tasyātītavivartamātragocaratvāt nāpīdamiti saṃvedanaṃ tasya vartamānavivartamātraviṣayatvāt tābhyāmupajanyaṃ tu sakalajñānaṃ tadanuvādapurassaraṃ dravyaṃ pratyavamṛśat tato'nyadeva pratyabhijñānamekatvaviṣayaṃ tadapahnave kvacidekānvayāvyavasthānāt saṃtānaikatvasiddhirapi na syāt nacaitadagṛhītapramāṇādapramāṇamiti śaṃkanīyaṃ tasya kathaṃcidapūrvārthatvāt na hi tadviṣayabhūtamekaṃ dravyaṃ smṛtipratyakṣagrāhyaṃ yena tatra pravartamānaṃ pratyabhijñānaṃ gṛhītagrāhi manyeta tadgṛhītātītavartamānavivartatādātmyāt dravyasya kathaṃcidapūrvārthatve'pi pratyabhijñānasya tadviṣayasya nāpramāṇatvaṃ laiṃgikāderapyapramāṇatvaprasaṃgāt tasyāpi sarvathaivāpūrvārthatvāsiddheḥ saṃbaṃdhagrāhivijñānaviṣayāt sādhyādisāmānyāt kathaṃcidabhinnasyānumeyasya deśakālaviśiṣṭasya tadviṣayatvāt kathaṃcidapūrvārthatvasiddheḥ bādhakapramāṇānna pramāṇaṃ pratyabhijñānamiti cāyuktaṃ tadbādhakasyāsaṃbhavāt nahi pratyakṣaṃ tadbādhakaṃ tasya tadviṣaye pravṛttyasaṃbhavāt sādhakatvavadbādhakatvavirodhāt yathā hi yadyatra viṣaye na pravartate na tattasya sādhakaṃ bādhakaṃ vā yathā rūpajñānasya rasajñānaṃ na pravartate ca pratyabhijñānasya viṣaye pratyakṣaṃ tasmānna tadbādhakaṃ pratyakṣaṃ hi na pratyabhijñānaviṣaye pūrvadṛṣṭadṛśyamānaparyāyavyāpini dravye pravartate tasya dṛśyamānaparyāyaviṣayatvāt iti nāsiddhaṃ sādhanaṃ etenānumānaṃ pratyabhijñānasya bādhakaṃ pratyākhyātaṃ tasyāpi pratyabhijñānaviṣaye pravṛttyayogāt kvacidanumeyamātre pravṛttisiddheḥ tasya tadviṣaye pravṛttau vā sarvathā bādhakatvavirodhāt tataḥ pratyabhijñānaṃ svaviṣaye dravye pramāṇaṃ sakalabādhārahitatvāt pratyakṣavat smṛtivadvā etena sādṛśyanibaṃdhanaṃ pratyabhijñānaṃ pramāṇamāveditaṃ boddhavyaṃ tasyāpi svaviṣaye bodhākārarahitatvasiddheḥ yathaiva hi pratyakṣaṃ svaviṣaye sākṣātkriyamāṇe smaraṇaṃ ca smaryamāṇe'rthe bādhāvidhuraṃ tathā pratyabhijñānamekatra dravye sādṛśye ca svaviṣaye na saṃbhavadbādhakamiti kathamapramāṇamanumanyemahi yatpunaḥ svaviṣaye bādhyamānaṃ tatpratyabhijñānābhāsaṃ yathā pratyakṣābhāsaṃ smaraṇābhāsaṃ vā na ca tasyāpramāṇatve sarvathā pramāṇatvaṃ yuktaṃ pratyakṣasyāpyapramāṇatvaprasaṃgāt tasmādyathā śukle śaṃkhe pītābhāsaṃ pratyakṣaṃ tatraiva śuklābhāsena pratyakṣāṃtareṇa bādhyamānatvāt apramāṇaṃ na punaḥ pīte kanakādau pītābhāsaṃ pratyakṣaṃ tathā tasminneva svaputrādau tādṛśoyamiti pratyabhijñānaṃ sādṛśyanibaṃdhaḥ sa evāyamityekatvanibaṃdhanena pratyabhijñānena bodhyamānamapramāṇaṃ siddhaṃ na punaḥ sādṛśya eva pravartamānaṃ svaputrādinā sādṛśye'nyaputrādau tādṛśo'yamiti pratyabhijñānaṃ tasyābādhyatvena pramāṇatvāt evaṃ lūnapu narjātanakhakeśādiriti sādṛśyapratyavamarśipratyabhijñānaṃ tatra tasyābādhyamānatayā pramāṇatvasiddheḥ tathaiva pūrvānubhūte hi hiraṇyādau pradeśaviśeṣaviśiṣṭe smaraṇaṃ viparītadeśatayā tatsmaraṇasya bādhakamiti na tattatra pramāṇaṃ yathānubhūtapradeśe tu tathaiva smaraṇaṃ pramāṇamiti boddhavyaṃ tata idamabhidhīyate yato yatorthaṃ paricchidya pravartamāno'rthakriyāyāṃ na visaṃvādyate tattatpramāṇaṃ yathā pratyakṣamanumānaṃ vā smaraṇāt pratyabhijñānācca arthaṃ paricchidya pravartamāno'rthakriyāyāṃ na visaṃvādyate ca tasmātpramāṇaṃ smaraṇaṃ pratyabhijñānaṃ ceti tathā parokṣametadavisaṃvāditvāt anumānavat sādhyasādhanasaṃbaṃdhagrāhitarkavadvā viśadasya bhāvanājñānatvāt yāvān kaściddhūmaḥ sa sarvaḥ pāvakajanmaiva apāvakajanmā vā na bhavatīti sakaladeśakālavyāptasādhyasādhanasaṃbaddhohāpohalakṣaṇo hi tarkaḥ pramāṇayitavyaḥ tasya kathaṃcidapūrvārthatvāt pratyakṣānupalaṃbhagṛhītapratiniyatadeśakālasādhyasādhanavyaktimātragrāhitvābhāvāt gṛhītagrahaṇasaṃbhavāt bādhakavarjitatvācca nahi tarkasya pratyakṣaṃ bādhakaṃ tadviṣaye tasyāpravṛtteranumānavat pravṛttau vā sarvathā tadbādhakatvavirodhāt kvacideva tadbādhakopapatteḥ yasya tu tadbādhakaṃ sa tarkābhāso na pramāṇamitīṣṭaṃ śiṣṭaiḥ smaraṇapratyabhijñānābhāsavat pratyakṣānumānābhāsavadvā tathā pramāṇaṃ tarkastato'rthaṃ paricchidya pravartamānasyārthakriyāyāṃ visaṃvādābhāvāt pratyakṣānumānavaditi pratipattavyaṃ parokṣaṃ cedaṃ tarkajñānaṃ avisaṃvādakatvāt anumānavat kiṃ punaranumānaṃ nāma sādhanātsādhyavijñānam anumānaṃ tatra sādhanaṃ sādhyāvinābhāviniyamaniścayaikalakṣaṇaṃ lakṣaṇāṃtarasya sādhanābhāse'pi bhāvāt svalakṣa ṇasya sādhanasya sādhanānupapatteḥ paṃcādilakṣaṇavat naca sapakṣe sattvaṃ pakṣadharmatvaṃ vipakṣe cāsattvamātraṃ sādhanalakṣaṇaṃ paśyāmastatputratvāditaratatputravadityatra sādhanābhāse tatsadbhāvasiddheḥ sapakṣe hītaratra tatputre tatputratvasya sādhanasya śyāmatvavyāptasya sattvaṃ prasiddhaṃ vivādādhyāsite ca tatputre pakṣīkṛte tatputratvasya sadbhāvāt pakṣadharmatvaṃ vipakṣe vā śyāme kvacidanyaputre tatputratvasyābhāvāt vipakṣe'sattvamātraṃ ca naca tāvatā sādhyasādhanatvaṃ sādhanasya nanu sākālyena sādhyanivṛttau sādhananivṛtterasaṃbhavāt paratra gaure'pi tatputre tatputratvasya bhāvāt na samyak sādhanametat iti cet tarhi kārtsnyena sādhyanivṛttau sādhananivṛtterniścayaevaikaṃ sādhanalakṣaṇaṃ saevānyathānupapattiniyamaniścayaḥ syādvādibhiḥ sādhanalakṣaṇamabhidhīyate tatsadbhāve pakṣadharmatvādyabhāve'pi sādhanasya samyaktvapratīteḥ udeṣyati śakaṭaṃ kṛttikodayādityasya pakṣadharmatvābhāve'pi prayojakatvavyavasthiteḥ na hi śakaṭe dharmiṇyudeṣyattāyāṃ sādhyāyāṃ kṛttikāyā udayo'sti tasya kṛttikādharmatvāt tato na pakṣa dharmatvaṃ yadi punarākāśaṃ kālo vā dharmī tasyodeṣyacchakaṭavattvaṃ sādhyaṃ kṛttikodayasādhanaṃ pakṣadharma eveti mataṃ tadā dharitrīdharmiṇi mahodadhyādhārāgnimattvaṃ sādhyaṃ mahānasadhūmavattvaṃ sādhanaṃ pakṣadharmo'stu tathā ca mahā nasadhūmo mahodadhāvagniṃ gamayediti na kaścidapakṣadharmo hetuḥ syāt athetthametasya sādhanasya pakṣadharmatvasiddhāvapi na sādhyasādhanasāmarthyamavinābhāviniyamaniścayasyābhāvādityabhidhīyate tarhi sa eva sādhanalakṣaṇamakṣūṇaṃ parīkṣādakṣairupalakṣyate yopyāha śakaṭodayo bhāvikāraṇaṃ kṛttikodayasya tadanvayavyatirekānuvidhānāt sati hi svakāle bhaviṣyati śakaṭodaye kṛtikodaya upalabhyate nāsatītyanvayavyatirekānuvidhānaṃ siddhaṃ bhaviṣyacchakaṭakṛttikodayayoḥ kāryakāraṇabhāvaṃ sādhayati vinaṣṭavartamānavadeva yathaivodagādbharaṇiḥ kṛttikodādityatrātīto bharaṇyudayaḥ kāraṇaṃ kṛttikodayastatkāryaṃ svakāle'tīte sati bharaṇyudaye kṛttikodayasya bhāvādasatyabhāvācca tadanvayavyatirekānuvidhānāt kāryakāraṇabhāvaḥ tathā bhaviṣyadvartamānayorapi prakṛtasādhyasādhanayornyāyasya samānatvāt nacaikasya kṛttikodayasya bhaviṣyadatītakāraṇadvitiyaṃ virudhyate bhinnadeśayoriva bhinnakālayorapi sahakāritvavirodhāt sahaikasya kāryasya kāraṇaṃ hi sahakāritvanibaṃdhanaṃ nābhinnakālatvamabhinnadeśavat nacātītānāgatau bharaṇyudayaśakaṭodayau kṛttikodayasyopādānakāraṇaṃ pūrvakṛttikālakṣaṇasyānudayamāpannasya tadupādānakāraṇatvasaṃpratipatteḥ iti so'pi na prātītikavacanaḥ tathā pratītyabhāvāt kāryakālamaprāpnu vatorvinaṣṭānāgatayoḥ kāraṇatve hi vinaṣṭatamānāgatatamayorapi kāraṇatvaṃ kathaṃ vinivāryaṃ pratyāsattiviśeṣābhāvāditi cet tarhi sa eva pratyāsattiviśeṣaḥ kāraṇatvābhimatayoratītānāgatayoḥ kāraṇatve heturvaktavyaḥ sa cātītasya kārye vyāpārastāvanna bhavati sarvathāpi kāryakāle tadasattvādanāgatavat tadbhāve bhāvapratyāsattiviśeṣa ityapyasāraṃ atītasyānāgatasya cābhāva eva kāryasya bhāvāt bhāve cābhāvāt anyathā kāryakāraṇayorekakālatāpatteḥ sakalasaṃtānānāmekakṣaṇavartitvaprasaṃgaḥ naikakṣaṇasaṃtāno nāma tasyāparāmṛṣṭabhedanānākāryakāraṇalakṣaṇatvāt yadapyabhyadhāyi kāraṇasyātītasyānāgatasya ca svakāle bhāve kāryasya bhāvāt abhāve cābhāvāt tada bhāvābhāvo'nvayavyatirekānuvidhānalakṣaṇaḥ pratyāsattiviśeṣo'styeva iti tadapyasaṃgataṃ kāraṇatvānabhimatātītānāgatatamayorapi tathā tadbhāvaprasaṃgāt kāryasya bhinnadeśasya tu kāraṇatve yuktastadbhāvabhāvaḥ kalaśakuṃbhakārādivat kuṃbhakārādiṣu hi bhinnasvadeśeṣu satsu kalaśasya bhāvo'satsu cābhāvasteṣāṃ tatra vyāpārāt kāraṇatvānabhimatasya tu bhinnadeśasya na kārye tadbhāvabhāvo tatra tasyāvyāpārāt atītānāgatavat sato hi kasya citkvacidvyāpāraḥ śreyān na punarasataḥ kharaviṣāṇāderiveti yuktaṃ tato bhinnadeśasyāpi kasyacidekasya kārye vyāpriyamāṇasya sahakārikāraṇatvaṃ pratītimanusarati na punarbhinnakālasya pratītyatilaṃghanāt tato na kṛttikodayaśakaṭodayayoḥ kāryakāraṇabhāvaḥ samavatiṣṭate vyāpyavyāpakabhāvavat satyapi tayoḥ kāryakāraṇabhāve na hetoḥ pakṣadharmatvaṃ yujyate iti pakṣadharmamaṃtareṇāpi hetorgamakatvasiddherna tallakṣaṇamutprekṣyate tathā na sapakṣa eva sattvaṃ niścitaṃ tadabhāve'pi sarvabhāvānāmanityatve sādhye sattvādeḥ sādhanasya svayaṃ sādhutvasamarthanāt vipakṣe punarasattvameva niścitaṃ sādhyāvinābhāviniyamaniścayarūpameveti tadeva hetoḥ pradhānalakṣaṇamastu kimatra lakṣaṇāṃtareṇa atha matametatpakṣadharmatvamasiddhatvamasiddhatvavyavacchedārthaṃ sādhanasya lakṣaṇaṃ niścīyate sapakṣa eva sattvaṃ viruddhatvavyavacchedāya vipakṣe cāsattvaṃanekāṃtitvavyavacchittaye tadaniścaye hetorasiddhatvādidoṣatrayaparihārāsaṃbhavāt trairūpyaṃ tallakṣaṇaṃ saphalameva taduktaṃ hetostriṣvapi rūpeṣu nirṇayastena varṇitaḥ asiddhaviparītārthavyabhicārivipakṣataḥ iti tadapyaparīkṣitābhidhānaṃ saugatasya hetoranyathānupapattiniyamaniścayādeva doṣatrayaparihārasiddheḥ svayamasiddhasyānyathānupapattiniyamaniścayāsaṃbhavāt anaikāṃtikaviparītārthavat tasya tathopapattiniyamaniścayarūpatvāt tasya cāsiddhavyabhicāriṇi viruddhe ca hetāvasaṃbhāvanīyatvāt rūpatrayasyāvinābhāvaniyamaprapaṃcatvāt sādhanalakṣaṇatve tata eva rūpaprapaṃcakasya sādhanalakṣaṇatvamastu pakṣavyāpakatvānvayavyatirekābādhitaviṣayatvāsatpratipakṣarūpāṇi hi paṃcāpyavinābhāvaniyamaprapaṃca eva bādhitaviṣayasya satpratipakṣitasya cāvinābhāvaniyamāniścayāt pakṣāvyāpakānanvayāvyatirekavat na pakṣadharmatve satyeva sādhanasya siddhatvaṃ yenāsiddhavivekatastattasya lakṣaṇaṃ apakṣadharmasyāpi siddhatvasamarthanāt nāpi sapakṣe sattve eva viparītārthavivekaḥ sarvānekāṃtātmakatvasādhane sattvādeḥ sapakṣe sattvābhāve'pi viruddhatvābhāvāt parasya sarvānityatvasādhanavat naca vyatirekamātre satyapi vyabhicāriviveke śyāmatve sādhyetatputratvādervyabhicārasādhanāt vyatirekaviśeṣastu tadevānyathānupapannatvamiti na trīṇi rūpāṇyavinā bhāvaniyamaprapaṃcaḥ teṣu satsu hetoranyathānupapattidarśanāt teṣāṃ tatprapaṃcatve kālākāśādīnāmapi tatprapaṃcatvaprasaktisteṣvapi satsu taddarśanāt teṣāṃ sarvasādharaṇatvānna heturūpatvamityapi pakṣadharmatvādiṣu samānaṃ teṣāmapi sādhāraṇatvāddhetvābhāseṣvapi bhāvāt tato'sādhāraṇaṃ lakṣaṇamācakṣāṇairanyathānupapannatvameva niyataṃ hetulakṣaṇaṃ pakṣīkartavyaṃ tathoktaṃ anyathānupapannatvaṃ yatra tatra trayeṇa kiṃ nānyathānupapannatvaṃ yatra tatra trayeṇa kiṃ iti etena paṃcarūpāṇi hetoravinābhāvaniyamaprapaṃca eva ityetadapāstaṃ satyapyabādhitaviṣayatve satpratipakṣe cāvinābhāvaniyamānavalokāt pakṣavyāpakatvānyayavyatirekavat sa śyāmastatputratvāditaratatputravat ityatra tatputratvasya hetorviṣaye śyāmatve bādhakasya pratyakṣāderabhāvāt avādhitaviṣayatvasiddhāvapi avinābhāvaniyamāsattvāt aśyāmena tatputreṇa vyabhicārāt tathā tasya śyāmatvasādhanānumānasya pratipakṣasyāsattvāt asatpratipakṣatve satyapi vyabhicārātsādhanasya tadabhāvaḥ pratipattavyaḥ tadatraivaṃ vaktavyaṃ anyathānupapannatvaṃ rūpaiḥ kiṃ paṃcabhiḥ kṛtaṃ nānyathānupapannatvaṃ rūpaiḥ kiṃ paṃcabhiḥ kṛtaṃ iti tadevamanyathānupapattiniyamaniścaya evaikaṃ sādhanasya lakṣaṇaṃ pradhānaṃ tasminsati trilakṣaṇasya paṃcalakṣaṇasya prayogo nivāryate eveti prayogaparipāṭyāḥ pratipādyānurodhataḥ parānugrahapravṛttairabhyupagamāt tathā cābhyadhāyi kumāranaṃdibhaṭṭārakaiḥ anyathānupapattyekalakṣaṇaṃ liṃgamaṃgyate prayogaparipāṭī tu pratipādyānurodhataḥ iti tacca sādhanaṃ ekalakṣaṇaṃ sāmanyādekavidhamapi viśeṣato'tisaṃkṣepāddvividhaṃ vidhisādhanaṃ saṃkṣepāstrividhaṃmabhidhīyate kāryaṃ kāraṇasya kāraṇaṃ kāryasya akāryakāraṇamakāryakāraṇasyeti prakārāṃtarasyātraivāṃtarbhāvāt tatra kāryaṃ hetuḥ agniratra dhūmāt iti kāryakāryāderatraivāṃtargatatvāt kāraṇaṃ hetuḥ astyatra chāyā chatrāt iti kāraṇakāraṇāderatrānupraveśānnārthātaratvaṃ na cānukūlatvamātramatyakṣaṇaprāptaṃ vā kāraṇaṃ liṃgamucyate yena pratibaṃdhavaikalyasaṃbhavādvyabhicāri syāt dvitīyakṣaṇe kāryasya pakṣīkaraṇādanumānānarthakatvaṃ vā kāryāvinābhāviniyamatayā niścitasyānumānakālaprāptasya kāraṇasya viśiṣṭasya liṃgatvāt akāryakāraṇaṃ caturvidhaṃ vyāpyaṃ sahacaraṃ pūrvacaraṃ uttaracaraṃ ceti tatra vyāpyaliṃgaṃ vyāpakasya yathā sarvamanekāṃtātmakaṃ sattvāditi sattvaṃ hi vastutvaṃ utpādavyayadhrauvyayuktaṃ sat iti vacanāt naca tadekāṃtena sunayaviṣayeṇa vyabhicāri tasya vastvaṃśatvāt sahacaraṃ liṃgaṃ yathā asti tejasi sparśasāmānyaṃ na rūpasāmānyasya kāryaṃ kāraṇaṃ vā nāpi rūpasāmānyaṃ sparśasāmānyasya tayoḥ sarvatra sarvadā samakālatvāt sahacaratvaprasiddheḥ etena saṃyogina ekārthasamavāyinaśca sādhyasamakālasya sahacaratvaṃ niveditamekasāmagryadhīnasyaiva pratipattavyaṃ samavāyinaḥ kāraṇatvavat pūrvacaraṃ liṃgaṃ yathodeṣyati śakaṭaṃ kṛttikodayāt iti pūrvapūrvacarādyanenaiva saṃgṛhītaṃ uttaracaraliṃgaṃ yathā udagādbharaṇiḥ kṛtikodayāt iti uttarottaracarametenaiva saṃgṛhyate tadetatsādhyasya vidhau sādhanaṃ ṣaḍvidhamuktaṃ pratiṣedhe tu pratiṣedhyasya viruddhaṃ kāryaṃ viruddhaṃ kāraṇaṃ viruddhākāryakāraṇaṃ ceti tatra viruddhakāryaliṃgaṃnāstyatra śītasparśo dhūmāt iti śīta sparśena hi viruddho vanhiḥ tasya kāryaṃ dhūma iti viruddhakāraṇaṃ nāsya puṃso'satyamasti samyagjñānāt iti viruddhaṃ hyasatyena satyaṃ tasya kāraṇaṃ samyagjñānaṃ yathārthajñānaṃ rāgadveṣarahitaṃ tatkutaścitsuktābhidhānādeḥ prasiddhyat satyaṃ sādhayati tacca siddhyadasatyaṃ pratiṣedhayati iti viruddhākāryakāraṇaṃ caturvidhaṃviruddhavyāpyaṃ viruddhasahacaraṃ viruddhapūrvacaraṃ viruddhottaracaraṃ ceti tatra viruddhavyāpyaṃ nāstyatra śītasparśaḥ auṣṇyāt auṣṇyaṃ hi vyāpyamagneḥ sa ca viruddhaḥ śītasparśena pratiṣedhyeneti viruddhasahacaraṃ nāstyasya mithyājñānaṃ samyagdarśanāditi mithyājñānena hi samyagjñānaṃ viruddhaṃ tatsahacaraṃ samyagdarśanamiti viruddhapūrvacaraṃ nodeṣyati muhūrtāṃte śaṃkaṭaṃ revatyudayāt śakaṭodayaviruddho hyaśvanyudayaḥ tatpūrvacaro revatyudayaḥ viruddhottaracaraṃmuhūrtāt prāṅgodagādbharaṇiḥ puṣpodayāditi bharaṇyudayaviruddho hi punarvasūdayaḥ taduttaracaraḥ puṣpodaya iti tānyetāni sākṣātpratiṣedhyaviruddhakāryādīni liṃgāni vidhidvāreṇa pratiṣedhasādhanāni ṣaḍabhihitāni paraṃparayā tu kāraṇaviruddhakāryaṃ vyāpakaviruddhakāryaṃ kāraṇavyāpakaviruddhakāryaṃ vyāpakakāraṇaviruddhakāryaṃ kāraṇaviruddhakāraṇaṃ vyāpakaviruddhakāraṇaṃ kāraṇavyāpakaviruddhakāraṇaṃ vyāpakakāraṇaviruddhakāraṇaṃ ceti tathā kāraṇaviruddhavyāpyādīni kāraṇaviruddhacahacarādīni ca yathāpratīti vaktavyāni tatra kāraṇaviruddhakāryaṃnāstyasya himajanitaromaharṣādiviśeśo dhūmāt iti pratiṣedhyasya hi romaharṣādiviśeṣasya kāraṇaṃ himaṃ tadviruddho'gniḥ tatkāryaṃ dhūma iti vyāpakaviruddhakāryaṃ nāstyatra śītasāmānyavyāptaḥ śītasparśaviśeṣo dhūmāt iti śītasparśaviśeṣasya hi niṣedhyasya vyāpakaṃ śītasāmānyaṃ tadviruddho'gniḥ tasya kāryaṃ dhūma iti kāraṇavyāpakaviruddhakāryaṃ nāstyatra himatvavyāptahimaviśeṣajanitaromaharṣādiviśeṣo dhūmāt iti romaharṣādiviśeṣasya hi kāraṇaṃ himaviśeṣastasya vyāpakaṃ himatvaṃ tadviruddhogniḥ tatkāryaṃ dhūma iti vyāpakakāraṇaviruddhakāryaṃ nāstyatra śītasparśaviśeṣastadvyāpakaśītasparśamātrakāraṇahimaviruddhāgnikāryadhūmāditi śītasparśaviśeṣasya hi vyāpakaṃ śītasparśamātraṃ tasya kāraṇaṃ himaṃ tadviruddhognistatkāryaṃ dhūma iti kāraṇaviruddhakāraṇaṃnāstyasya mithyācaraṇaṃ tattvārthopadeśagrahaṇāt mithyācaraṇasya hi kāraṇaṃ mithyājñānaṃ tadviruddhaṃ tattvajñānaṃ tasya kāraṇaṃ tattvārthopadeśagrahaṇaṃ tattvārthopadeśaśravaṇe satyapi kasya cittatvajñānāsaṃbhavād grahaṇavacanaṃ tattvārthānāṃ śraddhānapūrvakaṃavadhāraṇaṃ hi grahaṇamiṣṭaṃ anyathāsya grahaṇābhāsatvāt mithyācaraṇasya vātra nāstitā sādhyate na punaranācaraṇasya tattvārthopadeśagrahaṇādutpannatattvajñānasyāpyasaṃyatasamyagdṛṣṭeścāritrāsaṃbhavāt anācārasya prasiddheḥ na tu mithyācaraṇamapyasya saṃbhavati tattvajñānavirodhāt tena saha tasyānavasthānāt iti tathā vyāpakaviruddhakāraṇaṃ liṃgaṃnāstyasyātmani mithyājñānaṃ tattvārthopadeśagrahaṇāt iti ātmani mithyājñānaviśeṣasya vyāpakaṃ mithyājñānamātraṃ tadviruddhaṃ satyajñānaṃ tasya kāraṇaṃ tattvārthopadeśagrahaṇaṃ yathārthopavarṇitamiti kāraṇavyāpakaviruddhakāraṇaṃnāstyasya mithyācaraṇaṃ tattvārthopadeśagrahaṇāditi atra mithyācaraṇasya kāraṇaṃ mithyājñānaviśeṣaḥ tasya vyāpakaṃ mithyājñānamātraṃ tadviruddhaṃ tattvajñānaṃ tasya kāraṇaṃ tattvārthopadeśagrahaṇamiti pratyeyaṃ vyāpakakāraṇaviruddhakāraṇaṃ liṃgaṃ nāstyasya mithyācaraṇaviśeṣastattvārthopadeśagrahaṇāditi mithyācaraṇa viśeṣasya hi vyāpakaṃ mithyācaraṇasāmānyaṃ tasya kāraṇaṃ mithyājñānaṃ tadviruddhaṃ tattvajñānaṃ tasya kāraṇaṃ tattvārthopadeśagrahaṇamiti tathā kāraṇaviruddhavyāpyaṃ liṃgaṃ na saṃti sarvathaikāṃtavādinaḥ praśamasaṃvegānukaṃpāstikyāni vaiparyāsikamithyādarśanaviśeṣāt praśamādīnāṃ hi kāraṇaṃ samyagdarśanaṃ tadviruddhaṃ mithyādarśanasāmānyaṃ tena vyāpyaṃ mithyādarśanaṃ vaiparyāsikaviśiṣṭamiti vyāpakaviruddhavyāpyaṃna saṃti syādvādino vaiparyāsikādimithyādarśanaviśeṣāḥ satyajñānaviśeṣāt iti vaiparyāsikādimithyādarśanaviśeṣāṇāṃ hi vyāpakaṃ mithyādarśanasāmānyaṃ tadviruddhaṃ tattvajñānasāmānyaṃ tasya vyāpyastattvajñānaviśeṣa iti kāraṇavyāpakaviruddhavyāpyaṃ na saṃtyasya praśamādīni mithyājñānaviśeṣāditi praśamādīnāṃ hi kāraṇaṃ samyagdarśanaviśeṣaḥ tasya vyāpakaṃ samyagdarśanasāmānyaṃ tadviruddhaṃ mithyājñānasāmānyaṃ tena vyāpto mithyājñānaviśeṣa iti vyāpakakāraṇaviruddha vyāpyaṃ liṃgaṃ na saṃtyasya tattvajñānaviśeṣāḥ mithyārthopadeśagrahaṇaviśeṣāt tattvajñānaviśeṣāṇāṃ vyāpakaṃ tattvajñānasāmānyaṃ tasya kāraṇaṃ tattvārthopadeśagrahaṇaṃ tadviruddhaṃ mithyārthopadeśagrahaṇasāmānyaṃ tena vyāpto mithyārthopadeśagrahaṇaviśeṣa iti evaṃ kāraṇaviruddhasahacaraṃ liṃgaṃsaṃtyasya praśamādīni mithyājñānāditi praśamādīnāṃ hi kāraṇaṃ samyagdarśanaṃ tadviruddhaṃ mithyādarśanaṃ tatsahacaraṃ mithyājñānamiti vyāpakaviruddhasahacaraṃna saṃtyasya mithyādarśanaviśeṣāḥ samyagjñānāditi mithyādarśanaviśeṣāṇāṃ hi vyāpakaṃ mithyādarśanasāmānyaṃ tadviruddhaṃ tattvārthaśraddhānaṃ samyagdarśanaṃ tatsahacaraṃ samyagjñānamiti kāraṇavyāpakaviruddhasahacaraṃ na saṃtyasya praśamādīni mithyājñānāditi praśamādīnāṃ hi kāraṇaṃ samyagdarśanaviśeṣāsteṣāṃ vyāpakaṃ samyagdarśanasāmānyaṃ tadviruddhaṃ mithyādarśanaṃ tatsahacaraṃ mithyājñānamiti vyāpakakāraṇaviruddhasahacaraṃ na saṃtyasya mithyādarśanaviśeṣāḥ satyajñānāditi mithyādarśanaviśeṣāṇāṃ hi vyāpakaṃ mithyādarśanasāmānyaṃ tasya kāraṇaṃ darśanamohodayastadviruddhaṃ samyagdarśanaṃ tatsahacaraṃ samyagjñānamiti tadetsāmānyato virodhiliṃgaṃ prapaṃcato dvāviṃśatiprakāramapi bhūtamabhūtasya gamakamanyathānupapannatvaniyamaniścayalakṣaṇatvāt pratipattavyaṃ bhūtaṃ bhūtasya prayojakaṃ kāryādi ṣaṭprakāraṃ pūrvamuktaṃ taditthaṃ vidhimukhena vidhāyakaṃpratiṣedhamukhena pratiṣedhakaṃ ca liṃgamabhidhāya sāṃprataṃ pratiṣedhamukhena vidhāyakaṃ pratiṣedhakaṃ ca sādhanamabhidhīyate tatrābhūtaṃ bhūtasya vidhāyakaṃyathā astyasya prāṇino vyādhiviśeṣo nirāmayaceṣṭānupalabdheriti tathā asti sarvathaikāṃtavādināmajñānādirdoṣaḥ yuktiśāstrāviruddhavacanābhāvāt iti astyasya munerāptatvaṃ visaṃvādakatvābhāvāt abhūdetasya tālaphalasya patanakarma vṛṃtasaṃyogābhāvāt iti vahudhā dṛṣṭavyaṃ tathaivābhūtamabhūtasya pratiṣedhasya pratiṣedhakaṃ yathā nāstyatra śavaśarīre buddhirvyāpāravyāhārākāraviśeṣānupalabdheriti kāryānupalabdhiḥ na saṃtyasya praśamādīni tattvārthaśraddhānānupalabdheriti kāraṇānupalabdhiḥ nāstyatra śiṃśapā vṛkṣānupalabdheriti vyāpakānupalabdhiḥ nāstyasya tattvajñānaṃ samyagdarśanābhāvāt iti sahacarānupalabdhiḥ na bhaviṣyati muhūrtāṃte śakaṭodayaḥ kṛttikodayānupalabdheriti pūrvacarānupalabdhiḥ nodagādbharaṇirmuhūrtātprākkṛttikodayānupalabdheriti uttaracarānupalabdhiḥ eva paraṃparayā kāraṇādyanupalabdhiḥ vyāpakavyāpakānupalabdhyādikamapi bahudhā pratiṣedhadvāreṇa pratiṣedhasādhanamavadhāraṇīyaṃ atra saṃgrahaślokāḥ syātkāryaṃ kāraṇavyāpyaṃ prāk sahottaracāri ca liṃgaṃ tallakṣaṇavyāpterbhūtaṃ bhūtasya sādhakaṃ ṣoḍhā viruddhakāryādi sākṣādevopavarṇitaṃ liṃgaṃ bhūtamabhūtasya liṃgalakṣaṇayogataḥ pāraṃparyāttu kāryaṃ syāt kāraṇaṃ vyāpyameva ca sahacāri ca nirdiṣṭaṃ pratyekaṃ taccaturvidhaṃ kāraṇāddviṣṭhakāryādibhedenodāhṛtaṃ purā yathā ṣoḍaśabhedaṃ syāt dvāviṃśātividhaṃ tataḥ liṃgaṃ samuditaṃ jñeyamanyathānupapattimat tathā bhūtamabhūtasyāpyūhyamanyadapīdṛśaṃ abhūtaṃ bhūtamunnītaṃ bhūtasyānekadhā budhaiḥ tathā 'bhūtamabhūtasya yathāyogyamudāharet bahudhāpyevamākhyātaṃ saṃkṣepeṇa caturvidhaṃ atisaṃkṣepato dvedhopalaṃbhānupalaṃbhabhṛt etena kāryasvabhāvānupalaṃbhavikalpāt trividhameva liṃgamiti niyamaḥ pratyākhyātaḥ sahacarāderliṃgāṃtaratvāt pratyakṣapūrvakaṃ trividhamanumānaṃpūrvavaccheṣavatsāmānyatodṛṣṭamityapi yadi pūrvavaccheṣavat kevalānvayi pūrvavatsāmānyatodṛṣṭaṃ kevalavyatireki pūrvavaccheṣavatsāmānyatodṛṣṭamanvayavyatireki vyākhyāyate trisūtrīkaraṇādasya sūtrasya tadā na kiṃcidviruddhaṃ nigaditaliṃgaprakāreṣu trividhasyāpi saṃbhavāt yathopapattiniyamātkevalānvayino gamakatvāvirodhāt tatra vaidharmyadṛṣṭāṃtābhāve'pi sādhyāvinābhāvaniyamaniścayāt atha pūrvavatkāraṇātkāryānumānaṃ śeṣavat kāryātkāraṇānumānaṃ sāmānyato dṛṣṭaṃ akāryakāraṇādakāryakāraṇānumānaṃ sāmānyato'vinābhāvamātrāditi vyākhyāyate tadāpi syādvādināmabhimatameva tathā sarvahetuprakārasaṃgrahasya saṃkṣepataḥ pratipādanāt yadāpi pūrvavatpūrvaliṃgaliṃgisaṃbaṃdhasya kvacinniścayādanyatra pūrvavadvartamānaṃ śeṣavatpariśeṣānumānaṃ prasaktapratiṣedhe pariśiṣṭasya pratipatteḥ sāmānyato dṛṣṭaṃ viśiṣṭavyaktau saṃbaṃdhāgrahaṇātsāmānyena dṛṣṭaṃ yathā gatimānādityaḥ deśāddeśāṃtaraprāpteḥ devadattavaditi vyākhyā vidhīyate tadāpi syādvādināṃ nānavadheyaṃ pratipāditahetuprapaṃcasyaiva viśeṣaprakāśanāt sarvaṃ hi liṃgaṃ pūrvavadeva pariśeṣānumānasyāpi pūrvavattvasiddheḥ prasaktapratiṣedhasya pariśiṣṭapratipattyavinābhūtasya pūrvaṃ kvacinniścitasya vivādādhyāsitapariśiṣṭapratipattau sādhanasya prayogāt sāmānyatodṛṣṭasya ca pūrvavattvapratīteḥ kvaciddeśāṃtaraprāpteḥ gatimatyavinābhāvinyā eva devadattādau pratipatteranyathā tadanumānāpravṛtteḥ pariśeṣānumānameva vā sarvaṃ saṃpratīyate pūrvavato'pi dhūmātpāvakānumānasya prasaktau pāvakapratiṣedhāt pravṛttighaṭanāt tadapratipattau vivādānupapatteranumānavaiyarthyāt tathā sāmānyatodṛṣṭasyāpi deśāṃtaraprāpterādityagatyanumānasya tadagatimattvasya prasaktasya pratiṣedhādupapatteriti sakalaṃ sāmānyatodṛṣṭameva vā sarvatra sāmānyenaiva liṃgaliṃgi saṃbaṃdhapratipatterviśeṣatastatsaṃbaṃdhasya pratipattumaśakteḥ kena cidviśeṣeṇa liṃgabhedakalpanā na nivāryate eva prakārāṃtaratastadbhedakalpanāvat kevalamanyathānupapannatvaniyamaniścaya eva hetoḥ prayojakatvanimittaṃ tasmin sati hetuprakārabhedaparikalpanāyāḥ pratipatturabhiprāyavaicitryāt vaicitryaṃ nānyatheti suniścitaṃ naścetasi tathā pratīterabādhyamānatvāt yadāpiavītaṃ vītaṃ vītāvītamiti liṃgaṃ trividhamanumanyate tadāpi nānyathānupapannatva niyamaniścayalakṣaṇamatikramya vyavatiṣṭhate nāpi pratipāditahetuprapaṃcabahirbhūtaṃ samayāṃtarabhāṣayā kevalānvayyādi trayasyaiva tathāvidhānāt kvacitsādhyasādhanadharmayoḥ sāhacaryamavinābhāvaniyamalakṣaṇamupalabhyānyatra sādhanadharmadarśanāt sādhyadharmapratipattirāvītamucyate yathā guṇāguṇinau parasparaṃ bhinnau bhinnapratyayaviṣayatvāt ghaṭapaṭavadīti tacca kevalānvayīṣyate kathaṃcidbhedaeva sādhye 'nyathānupapannatvasiddheḥ sarvathā bhede guṇaguṇibhāvavirodhāt gamakatvāsiddheḥ tathā kvacidekasya dharmasya vyāvṛttau parasya dharmasya vyāvṛttiṃ niyamavatīmupalabhyānyatra taddharmasya niścayāt sādhyasiddhirvītaṃ kathyate yathā sātmakaṃ jīvaccharīraṃ prāṇādimattvāt iti tadidaṃ kevala vyatirekīṣṭhaṃ pariṇāminātmanā sātmakatvavyāvṛttau bhasmani prāṇādimattvavyāvṛttiniyamaniścayāt niranvaya kṣaṇikacittavat kūṭasthenātmanā prāṇādyarthakriyāniṣpādanavirodhāt vītāvitaṃ tu tadubhayalakṣaṇayogādanvayavyatireki dhūmādeḥ pāvakādyanumānaṃ prasiddhameveti na hetvaṃtaramasti tataḥ sūktaṃ anyathānupapattiniyamaniścayalakṣaṇaṃ sādhanaṃ atisaṃkṣepavistarato'bhihitasya sakalasādhanaviśeṣasya tena vyāptatvāt tathāvidhalakṣaṇātsādhanāt sādhye sādhayituṃ śakye abhiprete kvacidaprasiddhe ca vijñānamanumānamiti sādhayitumaśakye sarvathaikāṃte sādhanasyāpravṛtteḥ tatra tasya viruddhatvāt svayamanabhiprete cātiprasaṃgāt prasiddhe ca vaiyarthyāt tasya sādhyābhāsattva prasiddheḥ pratyakṣādiviruddhasyāniṣṭasya suprasiddhasya ca sādhanāviṣayatvaniścayāt taduktaṃ akalaṃkadevaiḥ sādhyaṃ śakyamabhipretemaprasiddhaṃ tato'pare sādhyābhāsaṃ viruddhādi sādhanāviṣayatvataḥ tadetsādhanāt sādhyavijñānamanumānaṃ svārthamabhinibodhalakṣaṇaṃ viśiṣṭamatijñānaṃ sādhyaṃ pratyabhimukhānnitthamitātsādhanādupajātabodhasya tarkaphalasyābhinibodha iti saṃjñāpratipādanāt parārthamanumānamanakṣaraśrutajñānaṃ akṣaraśrutajñānaṃ ca tasya śrotramatipūrvakasya ca tathātvopapatteḥ śabdātmakaṃ tu parārthānumānamayuktaṃ śabdasya pratyavamarśino'pi sarvasya dravyāgamarūpatvapratīteḥ kathamanyathā pratyakṣamapi śabdātmakaṃ parārthaṃ na bhavet sarvathā viśeṣābhāvāt pratipādakapratipādyajanayoḥ svaparārthānumānakāryakāraṇatvasiddherupacārādanumānaparāmarśino vākyasya parārthānumānatvapratipādanamaviruddhaṃ nānyathātiprasaṃgāditi boddhavyaṃ tadetparokṣaṃ pramāṇamaviśadatvāt śrutajñānavat kiṃ punaḥ śrutajñānamityetadabhidhīyate śrutajñānāvaraṇavīryāṃtarāyakṣayopaśamaviśeṣāṃtaraṃge kāraṇe sati bahiraṃge matijñāne ca aniṃdriyaviṣayālaṃbanaṃ aviśadaṃ jñānaṃ śrutajñānaṃ kevalajñānaṃ tīrthakaratvanāmapuṇyātiśayodayanimittakabhagavattīrthakaradhvaniviśeṣādutpannaṃ gaṇadharadevaśrutajñānamevamasaṃgṛhītaṃ syāditi na śaṃkanīyaṃ tasyāpi śrotramatipūrvakatvāt prasiddhamatiśrutāvadhimanaḥparyayajñānāni vacanajanitapratipādyajanavacanaśrutajñānavat samudraghoṣajaladharasvanaśrutijanitatadavinābhāvipadārthaviṣayaśrutajñānavadvā tato niravadyaṃ śrutajñānalakṣaṇaṃavyāptyativyāptyasaṃbhavadoṣarahitatvāt anumānalakṣaṇavat tadevaṃvidhaṃ śrutajñānaṃ pramāṇamavisaṃvādakatvāt pratyakṣānumānavat nacāsiddhamavisaṃvādakatvamasyeti śaṃkitavyaṃ tato'rthaṃ paricchidya pravartamānasya visaṃvādābhāvāt sarvadā'rthakriyāyāṃ saṃvādaprasiddheḥ pratyakṣādivat nanu ca śrotramatipūrvakaśrutajñānādarthaṃ pratipadya vartamānasyārthakriyāyāmavisaṃvādakasya kvacidabhāvāt na prāmāṇyaṃ sarvatrānāśvāsāditi cet na pratyakṣāderapi śuktikāśakalaṃ rajatākāratayā paricchidya tatra pravarta mānasyārthakriyāyāṃ rajatasādhyāyāmavisaṃvādavirahāt sarvatra pratyakṣe'nāśvāsādaprāmāṇyaprasaṃgāt pratyakṣābhāse visaṃvādadarśanānna pratyakṣe'nāśvāso'numānavaditi cettarhi śrutajñānābhāsādvisaṃvādaprasiddheḥ satyaśrutajñāne kathamanāśvāsaḥ naca satyaṃ śrutajñānamasiddhaṃ tasya loke prasiddhatvāt suyuktikasadbhāvācca tathāhi śrotramatipūrvakaṃ śrutajñānaṃ prakṛtaṃ satyameva aduṣṭakāraṇajanyatvāt pratyakṣādivat taddvividhaṃ sarvajñāsarvajñavacanaśravaṇanimittatvāt taccobhayamaduṣṭakāraṇajanyaṃ guṇavādvaktṛkaśabdajanitatvāt nanu ca nadyāstīre modakarāśayaḥ saṃtīti prahasanena guṇavadvaktṛkaśabdādupajanitasyāpi śrutajñānasyāsatyatvasiddhervyabhicāriguṇavadvaktṛkaśabdajanitatvamaduṣṭakāraṇajanyatve sādhye tato na tattadgamakamiti na maṃtavyaṃ prahasanaparasya vakturguṇavattvāsiddheḥ prahasanasyaiva doṣatvādajñānādivat kathaṃ punarvivādāpannasya śrotramatipūrvaka śrutajñānastha guṇavadvaktṛkaśabdajanitatvaṃ siddhaṃ iti cet suniśacitāsaṃbhavadbādhakatvāditi bhāṣāmahe pratyakṣe hyarthe pratyakṣasyānumeye'numānasyāṃtyaṃtaparokṣe cāgamasya bādhakasyāsaṃbhavāt asaṃbhavadbādhakatvaṃ tasya siddhaṃ deśakālapuruṣāṃtarāpekṣayāpi saṃśayānutpatteḥ suniścitatvaviśeṣaṇamapi sādhanasyeti nāsiddhatāśaṃkāvatarati nāpyenaikāṃtikatā vipakṣe kvacidasaṃbhavāt na viruddhatā suniścitāsaṃbhavadbādhakasya śrutajñānasya aguṇavadvaktṛka śabdajanitasya vādiprativādiprasiddhasyāsaṃbhāvyamānatvāt tathā vyāhatatvācca kathaṃcidapauruṣeyaśabdajanita śrutajñānasya tu guṇavadvaktṛkaśabdajanitatvenāduṣṭakāraṇajanyatvaṃ siddhyet tataśca satyatvamiti syādvādināṃ sarvamanavadyaṃ paryāyārthikanayaprādhānyāt dravyārthikanayaguṇabhāvācca śrutajñānasya guṇavadvaktṛkaśabdajanitatvasiddheḥ dravyārthikaprādhānyātparyāyārthikaguṇabhāvācca guṇavadvyākhyātṛkaśabdajanitatvopapatteśca naca sarvathā pauruṣeyaḥśabdo'pauruṣeyo vā pramāṇataḥ siddhyate nanu ca vivādāpannaḥ śabdaḥ pauruṣeya eva prayatnānaṃtarīyakatvāt paṭādivadityanumānāt āgamasya dvādaśāṃgasyāṃgabāhyasya cānekabhedasya pauruṣeyatvameva yuktaṃ bhāratādivaditi kaścit so'pyevaṃ pṛṣṭaḥ sannācaṣṭāṃkiṃ sarvathā prayatnāṃtarīyatvahetuḥ kathaṃcidvā sarvathā cet aprasiddhaḥ syādvādino dravyārthādiprayatnāṃnaṃtarīyakatvādāgamasya kathaṃciccedviruddhaḥ kathaṃcidapauruṣayatvasādhanāt prayatnānaṃtarīyakatvaṃ hi pravacanasyoccārakapuruṣaprayatnānaṃtaropalaṃbhāt syāt utpādakapuruṣaprayatnāṃnaṃtaropalaṃbhādvā prathamakalpanāyāmuccārakapuruṣāpekṣayā pauruṣeyatvameva tasya saṃprati purāṇapuruṣotpāditakāvyaprabaṃdhasyeva prasaktaṃ na punarutpādakapuruṣāpekṣayā pravacanasyānādinidhanasyotpādakapuruṣābhāvāt sarvajña utpādaka iti cet varṇātmanaḥ padavākyātmano vā pravacanasyotpādakaḥ sa syāt na tāvadvarṇātmanastadvarṇānāṃ prāgapi bhāvāt tatsadṛśānāṃ pūrvaṃ bhāvo na punasteṣāṃ ghaṭādīnāmiveti cet kathamidānīmanuvādakasteṣāmutpādako na syāt tadanuvādāt prāgapi tatsadṛśānāmeva sadbhāvāt teṣāmanūdyamānānāṃ tadaiva sadbhāvāt tathāca na kaścidutpādako varṇānāṃ sarvasyotpādakatvasiddheḥ yathaiva hi kuṃbhādīnāṃ kuṃbhakārādirutpādaka eva na punaranukārakastathā varṇānāmapīti tadanuvādakavyavahāravirodhaḥ pūrvopalabdhavarṇānāṃ sāṃpratikavarṇānāṃ ca sādṛśyādeketvopacārātpaścādvādako'nuvādaka eva asāvāha varṇānnāhamiti svātaṃtryapariharaṇātpārataṃtryānusaraṇāditi cet tarhi yathā varṇānāṃ paṭhitānuvādakaḥ tathā pāṭhayitāpi tasyāpi svātaṃtryābhāvāt sarvasya svopādhyāyaparataṃtratvāt tata evaṃ vaktavyaṃ neha varṇānnaraḥ kaścit svātaṃtryeṇa prapadyate yathaivāsmai parairuktāstathaivaitānvivakṣyate parepyevaṃ vivakṣyaṃti tasmādeṣāmanāditā prasiddhā vyavahāreṇa saṃpradāyāvyavacchidā tathā ca sarvajñopyanuvādaka eva pūrvapūrvasarvajñoditānāmeva catuḥṣaṣṭivarṇānāmuttarottarasarvajñenānuvādāt tasya pūrvasarvajñoditavarṇānupalaṃbhe punarasarvajñatvaprasaktiḥ tadevamanādisarvajñasaṃtatimicchatāṃ na kaścitsarvajño varṇānāmutpādakastasya tadanuvādakatvāt padavākyātmanaḥ pravacanasyotpādakaḥ sarvajña ityapyanenāpāstaṃ pravacanapadavākyānāmapi pūrvapūrvasarvajñoditānāmevottarottarasarvajñenānuvādāt sarvadāṃgapraviṣṭāṃgabāhyaśrutasya śabdātmano dvādaśavikalpānekavikalpasyānyādṛśavarṇapadavākyatvāsaṃbhavāt tasyāpūrvasyotpādakāyogāt syānmataṃ maheśvaro'nādirekaḥ sarvajño varṇānāmutpādakaḥ prathamaṃ sṛṣṭikāle jagatāmivopapannastasya sarvadā svataṃtratvāt sarvajñāṃtaraparataṃtratāpāyāt tadanuvādakatvāyogāditi tadapyasatyaṃ tasyānāderekasyeśvarasyā ptaparīkṣāyāṃ pratikṣiptatvāt parīkṣākṣamatvābhāvāt kapilādivat saṃbhave vā sadaivaiśvaraḥ sarvajño brāhmeṇa mānena varṣāśatāṃte varṣaśatāṃte jagato sṛṣṭā pūrvasmin pūrvasmin sṛṣṭikāle svayamutpāditānāṃ varṇapadavākyānāmuttarasminnuttarasmin sṛṣṭikāle punarupadeṣṭā kathamanuvādako na bhavet na hyekaḥ kaviḥ svakṛtakāvyasya punaḥ punarvaktānuvādako na syāt iti vaktuṃ yuktaṃ śabdārthayoḥ punarvacanaṃ punaruktam anyatrānuvādāt iti vacanavirodhāt ekasya punaḥ punastadeva vadato'nuvādāsaṃbhave punaruktasyaiva siddheḥ tataḥ kasyacitsvayaṃ kṛtaṃ kāvyaṃ punaḥ punarvadato'nuvādakatve maheśvaraḥ sarvadaivānuvādakaḥ syāt pūrvapūrvavādāpekṣayottarottarasyānuvādarūpatvāt naca pūrvapūrvavarṇapadavākyavilakṣaṇānyeva varṇapadavākyāni maheśvaraḥ karoti iti ghaṭate teṣāṃ kutaścitpramāṇādaprasiddheḥ prasiddhau vā teṣāṃ kimajñānāttadā maheśvaro'praṇetā syāt athāśakterutaprayojanābhāvāditi na tāvadajñānāt sarvajñatvavirodhāt tasya sarvaprakāravarṇapadavākyavedityasiddheḥ anyathānīśvaratvaprasaṃgāt nāpyaśakteḥīśvarasyānaṃtaśaktitvavacanāt yadi hyekadā kāni cideva varṇādīni praṇetumīśvarasya śaktirnānyāni tadā kathamanaṃtaśaktiḥ syādanīśavat prayojanābhāvānnānyāni praṇayatīti cet na sakalavācakaprakāśanasyaiva prayojanatvāt sakalavācyārthaprakāśanavat sakalajagatkāraṇavadvā pratipādyajanānurodhāt keṣāṃ cideva varṇādīnāṃ praṇayane jagadupabhoktṛprāṇyanurodhāt keṣāṃcideva jagatkāryāṇāṃ karaṇaṃ syānna sarveṣāṃ tathā ceśvarakṛtaiḥ kāryaiḥ kāryatvāditi heturvyabhicāritvānna sarvakāryāṇāmīśvaranimittatvaṃ sādhayet naca sakalaprakāravarṇādivācakaprapaṃcaṃ jijñāsamānaḥ kaścitpratipādya eva na saṃbhavatīti vaktuṃ yuktaṃ sarvajñavacana syāpratigrāhakatvaprasaṃgāt tatsaṃbhave ca sarge sarge sakalavarṇādīnāṃ praṇeteśvaro'nuvādaka eva syāt na punarutpādakaḥ sarvadaiveti siddhaṃ tato'neka eva sarvajño'stu kimekeśvarasya kalpanayā yathā caiko navamiti vadati tadevānyaḥ purāṇamityanekasarvajñakalpanāyāṃ vyāghātāt vastuvyavasthānāsaṃbhavastathaikasyāpīśvarasyānekasarga kālapravṛttāvanekopadeśābhyanujñānāt tatra pūrvasmin sarge navamityupadeśīśvareṇa tadevottarasmin sarge purāṇamityupadiśyate na punarekadaiva navaṃ pūrāṇaṃ caikamiti vyāghātāsaṃbhave kathamanekasyāpi sarvajñasya kālabhedena navamiti purāṇamityupadeśatastattvavacanavyāghātaḥ ityalamanādyekeśvarakalpanayā tatsādhanopāyāsaṃbhavāt sopāyasiddhastu sarvajño'nekaḥ pramāṇasiddhaḥ niratakālocchannasya paramāgamasya pravaṃdhenābhivyaṃjako'nuvādaka iti prayatnānaṃtaramabhivyakteḥ kathaṃ citprayatnānaṃtarīyakatvaṃ kathaṃcitpauruṣeyatvaṃ sādhayettathāhi paramāgamasaṃtānamanādinidhanakramaṃ notpādayetsvayaṃ kaścitsarvajño'sarvavedivat yathaikaḥ sakalārthajñaḥ svamahimnā prakāśayet tathānyo'pi tameva cānādiḥ sarvajñasaṃtatiḥ siddhā tatproktaśabdotthaṃ śrutajñānamaśeṣataḥ pramāṇaṃ pratipattavyamaduṣṭopāyajatvataḥ tato bāhyaṃ pūnardvedhā pauruṣeyapadakramāt jātamārṣādanārṣācca samāsavyāsatonvitāt tatrārṣamṛṣibhiḥ proktādaduṣṭairvacanakramāt samudbhūtaṃ śrutajñānaṃ pramāṇaṃ bādhakātyayāt anārṣaṃ tu dvidhoddiṣṭaṃ samayāṃtarasaṃgataṃ laukikaṃ ceti tanmithyā pravādivacanodbhavaṃ duṣṭakāraṇajanyatvādapramāṇaṃ kathaṃ ca na samyagdṛṣṭestadetatsyāt pramāṇaṃ sunayārpaṇāt nanvaduṣṭakāraṇajanyatvena śrutajñānasya pramāṇatvasādhane codanājñānasya prāmāṇyaṃ syāt puruṣadoṣarahitāyāścodanāyāḥ sarvathāpyapauruṣeyajanitatvāt taduktaṃ codanājanitā buddhiḥ pramāṇaṃ doṣavarjitaiḥ kāraṇairjanyamānatvālliṃgāptoktyakṣabuddhivat tadetaduktaṃ guṇavatkāraṇajanyatvasyāduṣṭakāraṇajanyatvaśabdenābhipretatvāt liṃgāptoktyakṣabuddhiṣu tathaiva tasya pratipatteḥ na hi liṃgasyāpauruṣeyatvamaduṣṭaṃ sādhyāvinābhāvaniyamaniścayākhyena guṇena guṇavattvasyāduṣṭatvasya pratīteḥ tathāprokteravisaṃvādakatvaguṇena guṇavattvasya tathākṣāṇāṃ cakṣurādīnāṃ nairmalyādiguṇena guṇavattvasyeti nanu cāduṣṭatvaṃ doṣarahitatvaṃ kāraṇasya tacca kvaciddoṣaviruddhasya guṇasya sadbhāvāt tathā manvādismṛtivacane kvaciddoṣakāraṇabhāvāt yathā codanāyāṃ taduktaṃ śabde doṣodbhavastāvadvaktradhīnamiti sthitaṃ tadabhāvaḥ kvacittāvadguṇavadvaktṛkatvataḥ tadguṇairapakṛṣṭānāṃ śabde saṃkrāṃtyasaṃbhavāt yadvā vakturabhāvena na syurdoṣā nirāśrayāḥ tadapyasaraṃ sarvatra guṇābhāvasyaiva doṣavattvāt guṇasadbhāvasyaiva cādoṣapratīterabhāvasya bhāvāṃtarasvabhāvatvasiddheḥ anyathā pramāṇaviṣayatvavirodhāt guṇavadvaktṛkatvasya hi doṣarahitasya vaktṛkatvasya saṃpratyayaḥ kathamanyathā guṇadoṣayoḥ sahānavasthānaṃ yujyeta rāgadveṣamohādivakturdoṣāvitathābhidhānahetavaḥ tadviruddhāśca vairāgyakṣamātattvāvabodhāstadabhāvātmakāḥ satyābhidhānahetavo guṇā iti parīkṣakajanamanasi vartate naca manvādayaḥ smṛtiśāstrāṇāṃ praṇetāro guṇavaṃtasteṣāṃ tādṛśaguṇābhāvāt nirdoṣavedaparādhīnavacanatvātteṣāṃ guṇavattvamityapyasaṃbhāvanīyaṃ vedasya guṇavattvāsiddheḥ puruṣasya guṇāśrayasyābhāvāt yathaiva hi doṣavān vedānnivartamāno nirdoṣatāmasya sādhayet tathāsau guṇavānapiaguṇavattāmiti na vedo guṇavānnāma yadi punarapauruṣeyatvameva guṇastadānādimlecchavyavahārasyāpi guṇavattvaṃapauruṣeyatvāviśeṣāt tadevaṃ nāduṣṭā codanā puṃso'sattvādguṇavataḥ sadā tadvyākhyātuḥ pravakturvā mlekṣādivyavahāravat tayā yajjanitaṃ jñānaṃ tannāduṣṭanimittajaṃ siddhaṃ yena pramāṇaṃ syāt paramāgamabodhavat vedasya poruṣeyasyocchinnasya cirakālataḥ sarvajñena vinā kaścinnoddhartātīṃdriyārthadṛk syādvādināṃ tu sarvajñasaṃtānaḥ syātprakāśakaḥ paramāgamasaṃtānasyocchinnasya kathaṃcana sarvabhāṣākubhāṣāśca tadvatsarvārthavedibhiḥ prakāśyate dhvanisteṣāṃ sarvabhāṣāsvabhāvakaḥ tatpramāṇaṃ śrutajñānaṃ parokṣaṃ siddhamaṃjasā aduṣṭakāraṇodbhūteḥ pratyakṣavaditi sthitaṃ tataḥ sūktaṃ pratyakṣaṃ parokṣaṃ ceti dve eva pramāṇe pramāṇāṃtarāṇāṃ sakalānāmapyatra saṃgrahāt iti saṃkhyāvipratipattinirākaraṇamanavadyaṃ svarūpavipratipattinirākaraṇavat viṣayavipratipattinirākaraṇārthaṃ punaridamabhidhīyate dravyaparyāyātmakaḥ pramāṇāviṣayaḥ pramāṇaviṣayatvānyathānupapatteḥ pratyakṣaviṣayeṇa svalakṣaṇena anumānādiviṣayeṇa ca sāmānyena hetorvyabhicāra iti na maṃtavyaṃ tathāpratītyabhāvāt na hi pratyakṣataḥ svalakṣaṇaṃ paryāyamātraṃ sanmātramivopalabhāmahe nāpyanumānādeḥ sāmānyadravyamātraṃ viśeṣamātramiva pratipadyemahi sāmānyaviśeṣātmano dravyaparyāyātmakasya jātyaṃtarasyopalabdheḥ pravartamānasya ca tatprāpteḥ anyathārthakriyānupapatteḥ na hi svalakṣaṇamarthakriyāsamarthaṃ kramayaugapadyavirodhāt sāmānyavat naca tatra kramayaugapadye saṃbhavataḥ pariṇāmābhāvāt kramākramayoḥ pariṇāmena vyāptatvāt sarvathāpyapariṇāminaḥ kṣaṇikasya nityasya ca tadvirodhasiddheḥ prasiddhe ca sāmānyaviśeṣātmani vastuni tadaṃśamātre viśeṣe sāmānye vā pravarttamānaṃ kathaṃ pramāṇaṃ nāma pramāṇasya yathāvastitavastugrahaṇalakṣaṇatvāt tadekadeśagrāhiṇaḥ sāpekṣasya sunayatvānnirapekṣasya durṇayatvāt tata eva na tadviṣayeṇānekāṃtaḥ sādhanasya syāt tatra pramāṇaviṣayatvasya hetorapravṛtteḥ ataḥsiddho dravyaparyāyātmārthaḥ pramāṇasyeti tadvipratipattinivṛttiḥ phalavipratipattinivṛttyarthaṃ pratipādyatepramāṇātphalaṃ kathaṃcidbhinnamabhinnaṃ ca pramāṇaphalatvānyathānupapatteḥ hānopādonopekṣābuddhirūpeṇa pramāṇaphalenānekāṃta iti na śaṃkanīyaṃ tasyāpyekapramātrātmanā pramāṇādabhedasiddheḥ pramāṇapariṇatasyaivātmanaḥ phalapariṇāmapratīteḥ anyathā saṃtānāṃtaravatpramāṇaphalabhāvavirodhāt sākṣādajñānanivṛttilakṣaṇena pramāṇādabhinnena pramāṇaphalena vyabhicāra ityapyaparīkṣitābhidhānaṃ tasyāpi kathaṃcitpramāṇādbhedaprasiddheḥ pramāṇaphalayorniruktisādhanavirodhāt karaṇasādhanaṃ hi pramāṇaṃ svārthanirṇītau sādhakatamatvāt svārthanirṇītirajñānanivṛttiḥ phalaṃ bhāvasādhanaṃ tatsādhyatvāt etena kartṛsādhanāt pramāṇātkathaṃcidbhedaḥ pratipāditaḥ tasya svārthanirṇītau svataṃtratvāt svataṃtrasya ca kartṛtvāt svārthanirṇītestu ajñānanivṛttisvabhāvāyāḥ kriyātvāt naca kriyākriyāvato'rthāṃtaramevānarthāṃtarameva vā kriyākriyāvadbhāvavirodhāt bhāvasādhanātpramāṇādajñānanivṛttirabhinnaiveti ayuktaṃ pramāturudāsīnāvasthāyāmavyāpriyamāṇasya pramāṇaśakterbhāvasādhana pramāṇasya vyavasthāpitatvāt tasyājñānanivṛttiphalatvāsaṃbhavāt svārthavyavasitau vyāpriyamāṇaṃ hi pramāṇamajñānanivṛttiṃ sādhayet nānyathā atiprasaṃgāt tataḥ sūktaṃ pramāṇātkathaṃcidbhinnābhinnaṃ phalamiti tatastasya sarvathā bhede bādhakavacanāt abhedavatsaṃvṛtyā pramāṇaphalavyavahāra ityaprātītikavacanaṃ paramārthataḥ sveṣṭasiddhivirodhāt tataḥ pāramārthikapramāṇaṃ phalaṃ ceṣṭasiddhilaṇamabhyanujñātavyaṃ tataḥsarvapuruṣārthasiddhividhānāditi saṃkṣepaḥ iti pramāṇasya parīkṣya lakṣaṇaṃ viśeṣasaṃkhyāviṣayaṃ phalaṃ tataḥ prabudhya tattvaṃ dṛḍhaśuddhadṛṣṭayaḥ prayāṃtu vidyāphalamiṣṭamuccakaiḥ iti śrīsyādvādavidyāpatiśrīvidyānaṃdasvāmiviracitā pramāṇaparīkṣā samāptā